HOSEA 2:4 - Susula Malalaok Hehelu Palak Ma Hehelu Beuk

⁴ Neukose, Au ta sue-lai emi, fo ndia anan-nala so'on, nanahu ina manasosoa-piaok-ka nde bongi emi.

HOSEA 2:4 Referans Kwoze

HOSEA 1:6

Basa boema, au saoinang ndia, ana bongi ami ana ka dua-ma, ni'iana inaanak esa. Manetualain, nafa'da au nae, “Hosea, foi o anam ndia na'de ‘Fo Ta Nanasue-laik fa’, nanahu, neukose Au ta sue-lai leoina Israel-la so'on, ma neukose sila ta hapu do'o do ampon fa.

HOSEA 1:2

Lelek Manetualain, Ana kokolak makasososan-na no leoina Israel-la tunga au, Manetualain nafa'da nae, “Hosea, sao-ma ina manasosoa-piaok esa, fo neukose o anam-mala, ala da'di sama leo ndia boe. Au anang-ngala sama leo o saoinam ndia, nanahu ala ta lilineka neu Au fa, ma ala la'oela Au so.”

YESKIAL 8:18

Neukose, ala lame'da lita, Au nasa-melung matuainang-nga! Neukose, Au ta fes do'o do ampon fa. Leomae ala nggasi, fo besak-ka ala hule-haladoi neu Au boe, Au ta nau amanene sila hule-haladoin ndia fa.”

YEREMIA 13:14

Boema neukose Au tao tapasasala sila esa no esa. Lasik ma mulik, neukose Au tao taos tao leondiak ta pake do'o-do ampon fa. Neukose Au tao akatoto'a-akatatak-kasa ta pake nameme'da susuek do lalaik fa. Au Manetualain, nde manakokolak-ka.”

YAKOBIS 2:13

Nana neukose Manetualain ta natu'du susue-lalain neu hataholi fo, ta nalelak susue-lalai ka fa. Tehu susue-lalai ka, neulau na ba'u lena hoholo-lalane ka.

ROMA 11:22

Da'di, no enok ia de, ita tita Manetualain dale malole na, ba'u na seli, ma nasa-melun boeo, ba'u na seli. Ana tao mangalalau sila fo manatao sala-singo kala, tehu dale na malole neu emi, sa'di emi maso'da mahele neme susue-lalain ndia mai. Metema ta soona, neukose emi boeo nanatu'u tapahenik.

ROMA 9:18

Da'di, Manetualain dale susue-lalain neu hataholi esa, metema nahiik Ana tao leondiak. Ma Manetualain tao na hataholi esa langa batu, metema Manetualain nahiik tao leondiak boe.

YOHANIS 8:41

Emi tao-no'i hata fo emi amam tao-no'i ka.” Tehu lataa Yesus lae, “Ana kanaek ta ami fa. Ami Amam ka'da esa, fo nde Manetualain mesa kana.”

ZAKHARIA 1:12

Boema, ata nusa so'dak ndia nae, “Manetualain Fo Manakoasa, O mamanasa Yerusalem ma kota-kota manai Yehuda-la, teuk hituhulu dalen-na. Neukose O mamanasa maheles, ma ta fe do'o do ampon neu fas losa faihi'da?”

YESKIAL 9:10

Neukose, Au ta sue-lai fas. Hata fo sila taon neu hataholi fe'ek-kala, neukose, Au taon neu sila boe.”

YEREMIA 16:5

Yeremia, boso mu leo hataholi manasusak-ka uman neu. Boso falu soaneu se ndia boe, Neukose Au ta ba'e-pala au anang-ngala no tetu-temak so'n, ma neukose au ta atu'du Au susueng-nga do lalaing-nga neu sila fa.

YESAYA 57:3

Tehu emi fo, manatao sala-singok-kala, mai leona, fo nananaketu-nala'dik! Emi ta malole lena neme, hataholi manapake mo'do-akidook-ka, hataholi fo, ana nau hohonge, ma manasosoa-piaok-ka mai fa!

YESAYA 27:11

Metema ndanan-nala lamatuu, fo la'dis soona, inak-kala ala mai ko'o lenis fo ala taos da'di ai ha'i. Leoina ndia, ta nalelak hata-hata fa, de sila Manetualain fo, mana makadada'dik-kana, neukose ta sue-lai fas.

2RAJA-RAJA 9:22

Yoram natane Yehu nae, “Ade, o mai, da'di leo tolanook do?” Yehu nataa nae, “Hapu nai bee, da'di leo tolanook, metema manale'a tee bei makadotok lai ia, ma bei hapu manasongo-tangok, fo o inam Izebel ndia, de mulai sosongo-tatangok ndia?”

YESKIAL 23:25

Hu kande Au amanasa o, de Au po'ilotak-kasa, ala tao o no ta pake dale susue-lalaik fa. Neukose, ala kee heni o panam-ma, ma o di'idoom-ma, boema ala ho'u-la o anam-mala fo ala tu'us leo ha'i lai neu, fo ha'i-a hotu nisas.

HOSEA 5:7

Ala ta lilineka neu Manetualain fa. Sila anan-nala, Manetualain anan ta sila fa. Hu ndia de, ta dook-ka so'on te, neukose sila nanatao namopo-namatek, sama-sama no tinan-nala.

YESAYA 50:1

Manetualain nafa'da Israel nae, “Hai Au anang-ngo nei, o maedaenga, Au usiheni o sama leo saotouk esa, usiheni saoinan-na do? Metema leondiak soona, susulan-naelak-ka, nai bee? O maedaenga, Au ase'oheni o, sama leo amak esa, nase'o anan-na, leo manala'ok hutak-ka neu do? Ta! O nanafook, ma nanatu'u-tapak, hu kande o sala-singom, ma o tatao-nono'i mangalaum-ma!