HOSEA 2:18 - Susula Malalaok Hehelu Palak Ma Hehelu Beuk

¹⁸ Nai faik ndia, neukose Au tao hehelu-balataak o basa bana mata-matak lala'en-na, fo ela ala boso sapu-la Au anang-ngala. Neukose, Au tao ate'e natee-natatik lala'en-na, ma Au pe'da heok tee-tafa natee-natatik-kala, leme Au anang-ngala nusan ndia mai, fo Au tao-alas, laso'da no tetu-temak ma nee-nee lino-linok.

HOSEA 2:18 Referans Kwoze

YESKIAL 34:25

Naukose, Au tao hehelu-balataak o sila, ma Au anea sila so'dan-na. Neukose, Au usiheni basa bana makaak-kala leme nusak-ka lala'en-na mai, nalosa Au bi'ilopong-ngala hapu leo no nee-nee lino-linok lai mook-kala, ma lai nula-la dalek.

YEREMIA 23:6

Metema ana paleta soona, neukose hataholi Yehuda-la laso'da-lamole ma neukose hataholi Israel-la laso'da-lamole no nenee-lino-linok. Manek ndia neukose loken soona lae, ‘Manetualain Ita So'dan-na’.

YESAYA 2:4

Neukose naketu-nala'di nai leoina-la tala'da, ma naketu dede'ak nai leo-leo ma leoina-la tala'da. Neukose tafaina nanatutuk da'di tata'tis, ma tee-a taon da'di dope keke'di na'u. Leoina-la, esa ta sapu-na esa so'on, boeo ta laheheleao sanga latee-lata'ti fa.

MAZMUR 46:9

Mai, fo mete hata fo Manetualain tao-no'in; tatao-nono'in nanadodoo-doak nanseli nai daebafak-ka!

YESAYA 65:25

Busa fuik-ka no bibi'ilopo-a, la'a na'u lakabubua; Singa-na na'a ha'deaik sama leo sapi-a, ma menge-a, ta neni soe so'on. Nai basa Au pupuku malalao-malalafung lala'en-na, ta hapu maneni tutu'dak do tao tatao-nono'i mangalauk so'on.”

AYUB 5:23

O foi-fala tina, neukose batun ta; neukose bana fuik-ka, ta sapu-na o fa.

ZAKHARIA 14:9

Boema neukose, Manetualain Ana paleta da'dileo manek neu basa daebafak-ka lala'en-na; basa hataholi-a, neukose sene-do'ok neun, da'di leo Manetualain, ma lalelak-kana nenik na'dek sama.

ZAKHARIA 14:4

Nai faik ndia, neukose napadeik nai Lete Sion-na, nai Yerusalem boboan dulu. Boema neukose, heaba'e Lete Setun-na hu kande bafa maloaina, mulai neme dulu losa muli. Neukose, letek ndia seli nakababale leo kii neu, ma seli leo kona neu.

ZAKHARIA 3:10

Neu faik bee, fo faik ndia losa soona, neukose hataholi-la esa-esak, ana ka'i uma titia-tatain-nala, fo ala mai lame'da lita dame ma so'da-molek-ka nai emi osi angom-mala, ma emi ai kaam-mala tala'da heon.”

ZAKHARIA 2:11

Nai lelek ndia, neukose leoina makadotok, ala mai leo Au mai, fo ala da'di Au anang. Neukose, Ana leo nai emi tala'daheom, ma neukose emi bubuluk, mae Manetualain haitua basa au leo emi neu so.

YEREMIA 33:16

Hataholi Yehuda-la ma Yerusalem laun-nala neukose nanasoi-po'ik ma laso'da no nene-lino-linok. Kota Yerusalem-ma neukose nanafoik na'de ‘Manetualain Soi-po'i Ita’.

YEREMIA 30:10

Au anang Israel-la lemin, boso bii! Au atang Yakob, boso nggenge-boik! Neukose emi mo emi tititi-nonosim-mala Au soi-po'is neme nusa dok fo mamanak emi nanahukuk-ka. Neukose emi me'um-ma leo emi nusa-namom-ma fo leo no nene-lino-linok. Neukose emi leo no dale manatesa-tama; ta palu emi bii-mamata'u hata esa boen.

YESAYA 26:1

Nai lelek ndia, neukose hataholi nakamee nakameek ia, nai dae Yehuda: “Ita kotan-na, balakain-na seli; Manetualain mesak-kana nafofo'a kota musun-na, Ita taso'da nai ndia.

YESAYA 2:17

Hataholi manakoao-ndaeaok-ka, neukose nananakadadaek, ma hataholi fo namatutua-namadedema aon-na, neukose nanane'e nakatelek. Ka'da Manetualain mesak-kana, nde nananamatutua-namadedemak-ka.

YESAYA 2:11

Hataholi manakoao-ndaeaok-ka, neukose nananakadadaek, ma hataholi fo namatutua-namadedema aon-na, neukose ne'e nakatelen. Ka'da Manetualain mesak-kana, nde nananamatutua-namadedemak-ka.

MAZMUR 23:2

Ana nangapepe'uk au, nai mook mana'u momo'dok. Ana hela-nole au, leo oe mananee-nee lino-linok-ka neu.

ZAKHARIA 9:10

Manetualain nafa'da nae, “Neukose Au tu'u-tapa heni kaleta-kaleta musu manamaik leme Efraim mai, neukose, Au tao amopo-amate ndala manai Yerusalem mala, ma neukose Au tao akalulutuk basa kokouk lala'en-na Neukose emi Manem-ma po'a-benga mole-dame neu leoina no leoina. Neukose, ana koasa neme tasi leo tasi neu, neme Lee Efrat-ta, losa daebafak-ka bu'un-nala.”

AYUB 5:22

Metema, naseti-nalakak, ma la'a-ndoes mai soona, neukose o matea-mahele, ma nakalenak o hika. O masasalematak moo bana makaa-makisu mangalauk-ka boeo, o ta mame'da bibii-namata'uk, do o tenem-ma hailua fa.

MAZMUR 148:10

basa bana-manu ma bana fuik-kala, basa bana manalo'do-malalaek ma maupui lala'ena lemin!

YESAYA 32:18

Manetualain anan-nala, neukose latapo'i leme toto'a-tataak-ka mai, ma laso'da lai mamanak fo nee-nee lino-linok, ma mole-dame

YESKIAL 39:1

Manetualain Fo Mademaina, nafa'da nae, “Hai hataholi daebafak fo, manasapu-manalalok-konei, fe nasanene'da mahelek neu Gog, fo mane matuaina neme nusa Mesekh ma Tubal mai, ma mafa'dan mae Au ia, ndia musun-na.

YESAYA 54:5

O saotoum-ma nde, Manamakadada'dik o-a. Israel Manetualain malalao-malalafun-na nde bee-na, o Manasoi-manatefam. Na'den-na nde, Manetualain Fo Manakoasa, Ndia nde Manetualain fo, manakoasa daebafak-ka lala'en-na.