HOSEA 14:7 - Susula Malalaok Hehelu Palak Ma Hehelu Beuk

⁷ Neukose, laso'da ma lamade'u, sama leo bubu'u-palusa, fo nanupu su'di nai bee boe, lole-napun, sama leo ai setun-na, naboomeni, sama leo ai kaiou-a!

HOSEA 14:7 Referans Kwoze

MAZMUR 91:1

Hataholi fo, nasulu-nahapa neu Manetualain Fo Mademaina, ma ana leo nai Manakoasa li'da susuen-na dalek soona,

YOHANIS 11:25

Tehu Yesus nafa'da Marta nae, “Au nde manafe maso'da ka, ma manatao naso'da falik hataholi manamate kala. Hataholi fo namahele neu Au a, neukose naso'da, leomae ana mate so.

ZAKHARIA 8:12

Neukose ala sele-nggali bini-ngges no mole-dame. Sila ai angon-na laboa, neukose dae-a fe buna-boan, ma neukose u'dan-na ba'uk-ka. Au fe basa baba'e-papalak sila lala'en-na, neu leoina ia hataholin bei maso'dan-nala.

HOSEA 14:5

Manetualain nafa'da nae, “Au aloo falik Au anang manatao tofa-tafik-kala, fo Au sue-lais no dalek-katema tuak; neukose, Au ta amanasa seluk-kasa fa.

HOSEA 6:2

Nai faik dua do 3 dalen-na ia, neukose nakahahaik ita, ma neukose ita taso'da nai nasulu-nahapan dale.

YESKIAL 17:23

Au falak-kana, nai lete mademaina manai Israel-la. Neukose, nanupu nai naa, fo nabuna-naboa, boema, ana da'di ai kaiou nanakoa-nanakiok. Basa manupui mata-matak lala'en-na, neukose landunu nai lain, ma lafuni aoinan-nala, nai sa'on dale.

YESAYA 61:11

Sama leo bini-ngges fo, nanasele-nggalik-ka, neukose ana moli, fo ana da'di bubu'u-palusa, leondiak boe Manetualain nakamomolik so'da-molek-ka, de basa leoinak-kala, neukose koa-kion.”

KIDUNG AGUNG 6:11

Au u leo osi kenari u, au u mete bunga-bunga manai bafak-kala; fafa'kama ai angol-la hapu lapako so, ma ai dalima nabuna so.

KIDUNG AGUNG 2:3

Sama leo ai apel-la nai ai manai nula dale-la tala'da, leondiak boe, au inana susueng-nga nai basa touanak-kala tala'da. Au amahoko au sulu nai huun-na, boan-na makeek nanseli.

MAZMUR 138:7

Nai lelek, susa tuni-ndeni au, O ho'u mahele au so'dang-nga. O la'ban au musung fo, nasan-na lua ponu-ponu, de O soi-tefa-mala au, nenik O koasam-ma.

MAZMUR 85:6

Losa dodoon-na, O mamanasa ami, de O mamanasa mahele neme bobongik leo bobongik neu do?

YOHANIS 12:24

Au dede'ang ia, tete'e ka la'en: Makanaema ha'de de'ek esa, ta selen leo dae dale neu, fo ha'de de'ek ndia po'o fan, soona neukose ana da'di de'ek esa nahele. Tehu makanaema ha'de de'ek ndia po'on nai dae dale, soona besa ka ana moli, fo nabuna-naboa ha'de de'e ba'u.

HOSEA 2:21

Nai lelek ndia, metema Au anang Israel hule haladoi soona, neukose Au amanenes. Au fe u'dan-na kona neme lalai mai, nalosa daebafak-ka fe buna-boa gandum, angol ma mina setun.

KIDUNG AGUNG 4:11

O hala-kokolam makeek au saoinang-ngo sama leo fanioe ma kapoe isik-ka. O papake-ngganggaom naboomeni sama leo Letek Libanon-na.