HOSEA 14:1 - Susula Malalaok Hehelu Palak Ma Hehelu Beuk

¹ Muse huku Samaria, nanahu ana lena-la'ban Au. Neukose mate laun-nala nai natee-natatik dale, ma neukose lona lisa ana beuanan-nala, ma ina kailun-nala, nanasai teik.”

HOSEA 14:1 Referans Kwoze

HOSEA 6:1

Hataholi Israel-la lafa'da lae, “Mai fo ata fali leo Manetualain Manakoasa teu. Ndia nde tao nakahehe'dik ita, tehu neukose, Ndia boeo nde tao nahai ita. Ndia nde tao nahina ita, tehu neukose, Ndia boeo nde puli-namo'do ita bisun-nala.

HOSEA 12:6

Manetualain ndia nde Manetualain Fo Manakoasa. Na'den-na nde Manetualain. No na'dek ndia, nde Ana nau hataholi-a sene-do'ok neun.

YEREMIA 4:1

Manetualain nafa'da nae, “Au anang Israel, metema emi nau fali ma'im-ma soona, fali ma'im-ma, leo Au mai leona. Tu'u-tapa heni sosongo-tatangok fo, makahulun-na Au ta ahiik-kasa ndia, fo lilineka neu Au leona.

HOSEA 13:9

Hai leoina Israel-la lemin! Neukose Au tao akalulutuk emi, fo see kande tulu-fali emi-a?

RATAPAN 5:16

Ami dale namatutuam-ma taak-kana so, ami hapu soe hu kande ami masala-masingo so.

HOSEA 5:5

Israel koao-ndaeaon, nananitak no mangale'dok, de ana da'di buti neu sila salan-na. Sila sala-singon tao nalas lakatunu, de ala tu'u leu, boema leoina Yehuda, ana tu'u sama-sama nos.

YEREMIA 2:19

O tatao-nono'i mangalau-ma, nde huku o aoinam-ma, O nanatao doidosok, nanahu o tipa Au, fo o Manetualaim-ma. Besak ia, mame'da mita makahe'duk-ka, ma he'din-na ba'un-na seli metema Au asadea o, ma Au ta fe ha'da-holomata neu o fa. Au, fo Manetualain nde manakokolak-ka; Au nde Manetualain, Fo Mademaina ma Manakoasa matuaina.”

YESAYA 19:22

Neukose Manetualain nanoli leoina Masir-ra nenik fefepa-lili'uk, tehu basa soona, neukose Ana tao nalea-nahais. Neukose ala fali ma'is leo Manetualain mai, ma neukose Ana namanene huhule-haladoin-nala, boema Ana fes lelea-hahaik.

YESKIAL 33:11

Mafa'das mae no Au, Manetualain fo maso'dak-ka na'den-na, Au ta amahoko fa, metema mate hataholi masala-masingok esa; nasafalin-na, Au hii ana tukatei-saledale neme sala-singon-nala mai, fo ela naso'da nahele. Hai leoina Israel-la lemin, hahae tao tatao-nono'i mangalauk-ka leona! Tao le'e de, emi nau mate?

YESKIAL 33:14

Bole da'di, Au fe basa hataholi masala-masingok-ka nasanene'dak, ae neukose maten. Tehu metema, ana hahae tao sala-singok, fo ana mulai tao tatao-nono'i malole ma ndoos sama leo, ana fe falik hataholi bua nggangga'den-na, do namanako-na bua-lo'as-sala, boema ana tunga hoholo-lalanek fo maneni maso'dak-ka, soona neukose ta mate fan.

HOSEA 4:8

Emi da'di kamasu'i-makabetek, hu kande Au anang-ngala sala-singon, hu ndia de, emi mahiik, fo ela ala tao sala-singok lakandoo.

HOSEA 9:7

Fai huhukuk ka losa so, faik soaneu sipo babalak neu basa tatao-nono'ik lala'en-na. Neukose Israel name'dan. Emi mafa'da mae, “Nabi ia nggoak! Namulu so!” Emi mafa'da mae leondia, nanahu emi ta mahiik au nanseli fa, ma emi sala-singom ba'un-na seli.

HOSEA 10:12

Au afa'da ae, ‘Hai, Israel! Ta'ti tina beuk soaneu o, fo sele-nggali bini-ngge ndoos ma matetuk, fo ketu-kolu baba'e-papalak, fo buna-boak neme o susue-lalaim te'e-te'e neu Au-a. Nana fain-na losa, o sanga Au, fo o Manetualaim-ma. Neukose Au mai, fo Au akona fe o, Au u'da baba'e-papalang.’

HOSEA 12:8

Manetualain nafa'da leoina Israel-la nae, “Emi dalem-ma ta ndoos, sama leo hataholi Kanaan-nala. Emi manadangam-mala nau tipu-dai sila hataholi manaasa lahele nai sila, nenik tatais ta matetuk fa.

2RAJA-RAJA 8:12

Hazael natane nae, “Tao le'e de, Tuan kii?” Boema, Elisa nae, “Nana au bubuluk, tatao-nono'i mangalauk fo, neukose o taon soaneu hataholi Israel-la. Neukose, o hotu heni kota-kota makota musun-nala, o taomisa hataholi muli-solu neulaun-nala, ma o ki'dumisa, ni'iana bongi beuanan-nala, boema o saika'di, inak-kailun-nala te'in-nala.”

YESKIAL 16:46

O ka'am nde Samaria, nai kii, no basa nggolon-nala. Ma o fa'dim-ma, nde Sodom, nai kona, no basa nggolon-nala.

HOSEA 9:13

Manetualain, au ita hataholi usi anan-nala, de ala taolisas.

AMOS 1:13

Manetualain nafa'da nae, “Leoina Amon-nala lasala-lasingo tataas esa so, hu ndia de, tao leo bee-o, neukose Au hukus. Lelek latee-lata'ti fo ala tao lamaloa sila nusan-na, ala saika'di inak-kailus manai Gilead-tala tein-nala.