HOSEA 11:1 - Susula Malalaok Hehelu Palak Ma Hehelu Beuk

¹ Manetualain nafa'da nae, “Au sue-lai Israel neme lelek bei anan-na mai, Au aloo Au anang sila-la, kalua leme Masir mai.

HOSEA 11:1 Referans Kwoze

MATEOS 2:15

Ala leo leme ndia losa Herodes maten. Dede'ak ndia ana da'di, fo daenga nandaa no hata fo Lamatua ka nafa'da basan tunga nabi nala nae, “Au alo falik Au Ana nga neme Masir mai.”

KELUARAN 4:22

Boema, mafa'da manek ndia mae Au, Manetualain, helu ae leo ia, ‘Israel nde been-na Au ana ulung-nga,

HOSEA 13:4

Manetualain nafa'da nae, “Au nde Manetualain, fo emi Manetualaim-ma, nde noo emi kalua meme Masir mai. Emi ta manuu Manetualain fe'ek neme Au mai fa. Au nde emi manasoi-manatefam fo kisak.

HOSEA 2:15

Neukose Au fe falik osi angon-nala, ma neukose Au tao Bafak Toto'a-tataak-ka da'di lelesu namahehenak. Nai naa, neukose ana sipok Au, sama leo nai lelek bei muli-solun-na, fo nai lelek besak-ka ana kalua neme Masir mai.

YEREMIA 2:2

po'a-benga halak ia neu basa hataholi manai Yerusalem-mala nae, “Hai Israel, Au afandele, o lilineka manseli, nai lelek o bei muli-solum-ma; o susue-lalaim ba'un-na seli nai lelek ita da'di manaka'bing beuk-ka. Au u leo moo solokaek-ka u, boeo o tunga o la'ok tunga dae fo, nanasele-nggali taak-ka.

MALEAKHI 1:2

Manetualain nafa'da anan-nala nae, “Au sue-lai emi.” Tehu, lataa lae, “Tao leo bee de, Manetualain sue-lai ami?” Boema Manetualain nataa nae, “Ade, Yakob ka'an ta Esau fa do? Tehu, Au sue-lai Yakob,

HOSEA 12:13

Yakob fo ita bei-ba'i kain-na, nalai leo Mesopotamia neu, boema soaneu hapu saoinak, de ana da'di ata neu hataholi manai naa-la, ma ana foo hataholi ndia bi'ilopon-nala.

YESKIAL 16:6

Basa boema, Au la'ok tunga ndia, de Au ita o daam-ma lifu, de o mafoki meme dalek, tehu Au ta nau mate o fa.

ULANGAN 7:7

Manetualain sue-lai ma Ana hele emi, ta hu kande emi ba'u lena neme leoina fe'ek-kala mai fa; te'e-te'e, emi nde been-na, leoina fo anak nanseli nai daebafak ia.

HOSEA 12:9

Lafa'da lae, ‘Besak ia, ita tamasu'i, Ita hapu nanalak! Ta hapu hataholi esa boen, bisa ana kalaak ita, nae ita hapu su'i-betes sila-la, nenik enok tipu-daik fa.’

KELUARAN 4:23

de Au paleta basa o so, de po'i Au anang sila fo ala la'o, fo ela ala sene-do'ok neu Au, tehu o ta sipok fa. Besak ia, neukose Au taoissa o ana ulum-ma.’ ”

MAZMUR 129:1

Nakamee dodonge-dadamak. Israel, mafa'da leon, tao leo bee de, musu-a fepa-li'u o, neme lelek o muli-solum-ma mai.

YEREMIA 12:7

Manetualain nafa'da nae, “Au mamana leleong-ngaau ta tao afik neu fan, nusak fo da'di au nung-nga au la'o ela so'on, ma au anang-ngala fo Au sue-laik-kala, au fe heni basas leo musu-a liman dale neu.

HOSEA 10:15

Hai laun Betel-la lemin, ndia nde neukose, ana da'di la'e emi, nanahu emi tao-no'i basa tatao-nono'i mangalauk matuaina so. Nai lelek dulufula, fo lelek natee-natatik-ka mulai tutika, neukose mate emi manem-ma.”

KELUARAN 19:4

nae, “Emi mita basa hata fo Au tao-no'in neu hataholi Masir-ra, ma tao leo beek de Au oo emi leo Au mai, nai mamanak ia no koasa matuaina, sama leo manupui kaka'ka no anan-na nai li'dan lain.

ULANGAN 33:3

Tete'ek-ka, Manetualain sue-lai leoinan. Nasulu-nahapa basa Ndia hataholin-nala. Mai fo, ata sene-do'ok neu ein-na, matan-na, ma ata tunga paletan-nala.

YESAYA 43:4

O mabelik nai Au matang, Au fe o ha'da-holomata, ma Au sue-lai o; boema, Au fe hataholi daebafak-ka, da'di leo o ngganggatim-ma, leoinak-kala, da'di leo ngganggatik neu o samanem-ma.

YESKIAL 16:22

Nai o maso'dam da'di leo manasosoa-piaok, fo nanamaluak ndia dalek, o mafandele heni tepo-lelek o bei ana-ma, lelek o makahola-la, ma o mafoki meme o daam manalifum dale.”