HATAHOLI 9:6 - Susula Malalaok Hehelu Palak Ma Hehelu Beuk

⁶ Tehu besak ia fo'a leona, fo mu leo kota dale mu. Nai ndia, neukose o bubuluk hata fo o muse tao-no'in.”

HATAHOLI 9:6 Referans Kwoze

HATAHOLI 22:10

Boema au atane selu kana ae, ‘Au muse tao leo beek Lamatuak?’ Boema Lamatua ka nataa nae, ‘Fo'a leona, mu leo kota Damsyik-ka dalek mu. Nai naa, besa ka neukose o bubuluk basa hata fo Manetualain sanga fe o tao-no'in.’

HATAHOLI 26:16

Fo'a fo mapadeik leona! Au atu'du Au ao nga neu o nana Au sanga so'u o da'di Au malalau-maoonong. O muse tui-benga hataholi la, hata fo faik ia o mitan la'eneu Au, ma la'eneu hata fo neukose Au atu'dun neu o, nai fai-fai mana mai kala.

FILIPI 2:12

Hu ndia, tolano susue-lalai ngala lemin, sama na leo emi tunga mahele au, nai lelek fo au be'i o emi a, lena-lenak besak ia, nai lelek ita komododoon, ela leo bee na emi tunga mahele au. Manetualain soi-tefa nala emi so, hu ndia de sanga enok makandoo fo ela emi so'da ma, natetu-nandaa. Tao-no'i basa dede'ak sila la no ha'da-holomata, ma tunga neu Manetualain,

ROMA 10:20

Yesaya napalani nafa'da seluk nae, “Manetualain nae leo ia, ‘Hataholi fo ala ta sanga Au fa, tehu latongo lo Au so; ma Au atu'du Au ao nga neu sila fo ta latane la'eneu Au fa.’ ”

ROMA 10:3

Ala ta bubuluk eno na tao leo beek fo, Manetualain tao na hataholi daebafa ka tututi-nanaton lo nana, malole falik. Nanahu ala nau tunga sila hihii-nanau mesa nala, te ala ta nau tunga Manetualain natu'du fes eno ka fa.

ROMA 7:9

Makahulu na au ta aso'da o agama hoholo-lalanen fa. Tehu lelek fo agama hoholo-lalanen ana da'di boema, sala-singo ka mulai naso'da falik,

ROMA 5:20

Manetualain nde fe agama Yahudi hoholo-lalanen sila la. Tehu nai lelek fo hataholi daebafa ka boetai sanga enok fo tunga hoholo-lalanek sila, ala boetai la'olena hoholo-lalanek sila ma ala boetai lasala-lasingo. Leomae hataholi daebafa ka boetai tao sala-singok, tehu Manetualain boeo, boetai sue-lais.

HATAHOLI 10:32

Da'di, madenu hataholi neu leo Yope neu, fo nalo hataholi esa nai ndia na'de Simon Petrus. Ana bei leo lalai nai hataholi mana tao balisi bana louk esa uman, na'de Simon; uma na nai tasi su'u na.’

HATAHOLI 10:22

Boema lae, “Kaptein Kornaliu sa nde nadenu ami mai leo ia mai a. Hataholi ndia dale na malole, ma ana fe ha'da-holomata neu Manetualain, boema basa hataholi Yahudi la fe ha'da-holomata neun. Manetualain ata nusa so'dan esa nadenun fo noke Tuan neu leo uman neu, fo ana da'di neu natataak esa soaneu huhule-haladoin, ma ata nusa so'dak ndia nadenun fo namanene hata fo Tuan sanga nafa'da neun.”

HATAHOLI 10:6

Ana bei leo lalai nai hataholi mana tao balisi bana louk esa uman, na'de Simon, fo ana leo nai tasi su'u na.”

HATAHOLI 2:37

Lelek hataholi sila la lamanene dede'ak ndia boema dale nala ta tesa-tama makandondook so'on. Boema latane Petrus no Lamatua ka hataholi nadedenu fe'e kala nae, “Tolano-tolanoo ngala lemin! Ami muse tao leo beek bai?”

LUKAS 3:10

“Da'di hata fo muse ami taon?” hataholi latane Yohanis lae leondia.

MATEOS 19:30

Tehu hataholi ba'u ka besak ia lakahuluk, te neukose ala da'di hataholi makabuik, ma hataholi makabuik besak ia la, neukose ala da'di hataholi makahuluk.”

HABAKUK 3:16

Au amanene ndia boema au daleng-nga dele ma au difadoong-nga dele ngge'be-ngge'be. Au aong-nga none-na'u, de balakaik ta so au la'ok su'di nai bee boe, au eing-nga nakatunu. Neukose au ahani no dale tesa-tamak Manetualain huhukun-na neu hataholi manamusu no ami.

YESAYA 66:2

Lalai-a ma daebafak-ka nde been-na, Au lima tataang, boema basa sila-la nananakadada'dik. Tehu Au dale namahokong-nga nde, hataholi dale taidaek-ka, fo manatukatei-saledale neme sala-singon-nala mai, fo manabii-namata'u, ma tunga neu Au.

YESAYA 57:18

Au ita basa sila ha'da-tataon so, tehu, neukose Au tao alea-ahais boe. Neukose Au hela-noles ma tulu-falis, ma kokoe-nanasi hataholi fo, dalen-na he'dis-sa.

MAZMUR 94:12

Ou Manetualain, maua-manalek ba'eneu hataholi fo O manolin, hataholi fo, O manolin O hoholo-lalanem-mala.

MAZMUR 25:12

Manetualain nanoli hataholi kamahehelek-ka enok fo ala muse la'ok tungan.

SEMUEL SUSULAK-KA ESAN-NA 28:5

Lelek Saul nita solda'du Filistin sila-la boema, ana bii nanseli.

YAKOBIS 4:6

Leomae leondiak boe, Manetualain susue-lalain fo Ana fen neu ita ndia, balakai na lena heni ita dale hihii na. Hu ndia de, nai Susula Malalaok dale boeo nanasulak nae, “Manetualain laban hataholi mana koao ka, tehu Ana sue-lai hataholi fo nakaloe-nakadae dale na.”

SEMUEL SUSULAK-KA ESAN-NA 16:3

Boema ka'i Isai, fo neu leo feta tutunu-hohotuk ndia neu. Mahani te, Au sanga afa'da o, hata fo neukose o muse tao-no'in. Hataholi fo Au atu'dun neu o ndia, muse o ndo ein da'di manek.

YESKIAL 2:1

“Hai, hataholi daebafak manasapu-laloko nei, fo'a mapadeik leona. Au ahiik kokolak o, o.”

YESKIAL 3:22

Au ame'da ita, Manetualain mamain-na be'i-balakain, de au amanene nafa'da au nae, “Fo'a leona, fo muu leo bafak dale muu. Neukose Au kokolak o, o nai naa.”

HATAHOLI 9:5

Boema Saulus natane nae, “See O Tuan?” Boema halak ndia nataa nae, “Au nde Yesus fo o tuni-ndeni ka.