HATAHOLI 5:4 - Susula Malalaok Hehelu Palak Ma Hehelu Beuk

⁴ Dae ndia o beita mase'o fa nana, o daem ndia. Ma o mase'oheni dae ndia de doi nala, o doim sila boe. Na tao le'e de, o manuu dudu'uk ndia nai o dalem dale, de o tao leondiak. O ta masapepeko neu hataholi daebafa ka nde ndia fa, te o masapepeko neu Manetualain nde ndia!”

HATAHOLI 5:4 Referans Kwoze

HATAHOLI 5:3

Nini doi kala neu boema, Petrus nafa'dan nae, “Ananias, te tao le'e de o po'ilotak Nitu koasa o dale ma, de nalosa o masapepeko neu Manetualain Dula Dale na no denge-dengek. O ho'i ma o mase'o dae a doi na seli fo o paken neu o paluu ma?

1 TAWARIKH 29:3

Nakalenak hu kande au susue-lalaing ba'un-na seli soaneu au Manetualaing-nga Uman ndia de, au fe basa au lilofulang lilopilang neme hata-heton-nala mai boe;

1 TESALONIKA 4:8

Hataholi see ka nde, ana ta sipok nanolik ia la fa soona, ana ta tipa hataholi daebafak ndia fa te, ana tipa Manetualain fo mana fe emi Dula Dale malalao na, nde ndia.

HATAHOLI 5:9

Boema Petrus naen nae, “Te tao le'e de, o mo o saotou ma mala halak fo emi so'ba Amak Manetualain Dula Dale na? Mamanene ha! Te hataholi fo leu latoi o saotou ma, ala fali ma'is so. Neukose ala ndolo o leo deak neu leondiak boe.”

LUKAS 10:16

Boema Yesus nafa'da ana manatunga nala nae, “Metema see namanene emi soona, namanene Au. See tipa emi soona, ana tipa Au. Boema hataholi manatipa Au a, ana tipa Ndia, fo manamadenu Au a boe.”

YESKIAL 38:10

Manetualain Fo Mademaina, nafa'da Gog nae, “Nai hatematak ndia, neukose o tutu'u tao eno mangalauk.

YESAYA 59:4

Emi kalaak dede'ak, te ne'ek ta, ma maketu-mala'di no ta ndoos ma matetuk fa. Emi masapepeko-masandandali ma emi matea-mahele neu hata fo, manada'di tak-ka; emi manuu dale tutu'uk, soaneu tao soe hataholi fe'ek, ma tao tatao-nono'i mangalauk.

MAZMUR 139:4

Nakalenak, au beita kokolak fa te, O bubuluk basa hata fo, au sanga kokolak-kana so.

1 TAWARIKH 29:17

Au bubuluk O fola hataholi-a esa-esak dalen ma O mahiik hataholi fo dalen-na isik. No dalek-katematuak ma dalen-namahokok, au fe basa ia-la neu O. Au sakasii basa, tao leo beek de O anam fo manamakabubuak manai ia-la leni fe O sila tutunu-hohotun no dalek-katematuak.

1 TAWARIKH 29:9

Laun-na fe no dalek-katematuak neu Manetualain, de ala lamahoko nanahu sila fe basa ba'uk-ka so. Dauk boeo namahoko nanseli.

SEMUEL SUSULAK-KA ESAN-NA 8:7

de Manetualain nafa'da nae, “Sipok la'iesak leoina ndia nonoken neu o-a. Nana ala ta tipa o nde ndia fa, te Au dei. Ala ta lahiik Au da'di sila manen so'ok.

KELUARAN 35:29

Basa hataholi Israel-la no sila dale hihii mesan-na, leni sila tunu-hotun leo Manetualain neu soaneu tatao-nono'ik fo Manetualain paletan tunga Musa.

KELUARAN 16:8

Neukose, Manetualain fe emi paa nai fai le'donoson-na, ma ko'kis nai fai fafain-na, fo emi mi'a losa emi makabete, nanahu Manetualain namanene basa emi makamuu-muun so. Te'e-te'e, metema emi mamanasa ami soona, emi mamanasa Manetualain.”

YAKOBIS 1:15

Basa soona, metema ana tunga ndia hihii-nanau mangalaun ndia soona, ana bongi sala-singo ka; ma metema sala-singo ka namatua soona, ninini na nde mamate sa.

FILEMON 1:14

Tehu au ta nau tao leondiak, metema o beita makaheik fa. Au nau, metema o makaheik no dale katema tuak. Au ta nau laka-akaseti o fa.

1 KORINTUS 8:8

Tunga ndo na, nana'a-nininuk ta nde tao na ita tututi-nanaton to Manetualai na natea-nahele fa. Metema ita ta'a nana'ak ndia soona, ita ta hapu nanalak hata esa boen. Nasafali na, metema ita ta ta'a nana'ak ndia fa soona, ita boeo ta tu'da hata esa boen.

AYUB 15:35

Ndia nde sila fo manatutu'u eno mangalauk-ka, boema lakalala'ok-kana; ke'di-ndiuk-ka, nai dalen dale tataas esa.”

BILANGAN 16:11

Metema o moo o hataholim fo manalook o-a, bemumu moo Harun soona, te'e-te'e, emi la'ban Manetualain!”

PENGKHOTBAH 5:5

O hala-kokolam boso tao-na o masala-masingo, nalosa no nakasetik, o mafa'da imam fo nalalau-naoono Manetualain, nae o kokolak sala hehelu-balataak-ka. Sosoak hata, o taom-ma Manetualain namanasa o, nalosa Ana tao nakalulutuk o ue-le'din buna-boan?