HATAHOLI 15:2 - Susula Malalaok Hehelu Palak Ma Hehelu Beuk

² Tehu Paulus no Barnabas la'ban mangalalau hataholi sila hahapun ndia. Mate'e na boema ala ho'i nakeketuk, fo Paulus no Barnabas lo hataholi de'ubee leme Antiokia leo Yerusalem leu, fo ala kokolak dede'ak ndia lo hataholi nadedenu kala, ma mauli-malangan manai naa la.

HATAHOLI 15:2 Referans Kwoze

GALATIA 2:5

tehu ami ta tungas makandondook fa. Nana ami nau manea, fo ela Hala Malole ndia, matetu-mandaak nahele soaneu emi.

2 KORINTUS 11:5

Tete'e ka au ame'da nana au ta nai daeanak neme sila fo lalela kasa da'dileo hataholi nadedenu nananita nalelak sila la mai fa!

HATAHOLI 15:4

Lelek ala losa Yerusalem boema, hataholi salani kala ma hataholi nadedenu kala boema Penatua-penatua la sipo kasa no malole. Boema ala tuis basa hata fo Manetualain tao-no'in tunga sila.

HATAHOLI 11:30

Ala tao latetu sila nakeketun ndia boema, ladenu Barnabas no Saulus lini tutulu-fafalik sila la leo mauli-malanga salani kala neu.

YUDAS 1:3

Tolano susue ngala lemin! Au ahiik alanseli, sulak fe emi susulak la'eneu so'da-molek fo, ita basa-basa tala la'ola'din so. Tehu besak ia, au dodoo ae, au muse anoli-afa'da emi tunga susulak ia, fo emi ho'u mahele namahehelek fo Manetualain fe basan neu hataholi kamahehele nala, ka'da la'i esa, losa dodoo na.

1 KORINTUS 1:1

Tolano-tolanook fo Manetualain salanin manai Korintu sa lemin! Manetualain nalo talanoo kala soaneu da'di Ndia hataholi kamahehelen, nana Kristus Yesus nuun tolanoo kala sama-sama mo basa hataholi manai su'di bee a, fo ala sene-do'ok neu Lamatuak Yesus Kristus, fo nde sila Lamatua na ma ita Lamatua na boe. Au fo Paulus, ma ita tolanoon Sostenes, ami mamahena, ela leo bee na, ita Aman Manetualain, ma Lamatuak Yesus Kristus, fe baba'e-papalak ma so'da-molek neu emi. Au sulak susulak ia, da'dileo Kristus Yesus hataholi nadedenun, fo nanaso'uk neme Manetualain mai ma ninik hihii-nanaun boe.

HATAHOLI 21:18

Balahaa boema, Paulus sama-sama no ami meu donge-dama Yakobis. Ami meu te basa Penatua-penatua la lai ndia so boe.

HATAHOLI 16:4

Nai kota fo duas donge-dama kala, lafa'da hataholi kamahehele kala nakeketuk fo hataholi nadedenu kala lo Penatua-penatua manai Yerusalem mala laketu basa kala. Lanoli-lafa'da tolanoo kamahehelek sila la fo ala tunga nakeketuk sila.

HATAHOLI 15:27

Da'di, ami madenu Yudas no Silas le'i fo lafa'da matan emi, halak fo nanasulak nai susulak ndia dale ka.

HATAHOLI 15:25

Hu ndia de ami makokolaok, de basa-basas lakaheik boema, ami hele ma hataholi de'ubee fo ami madenus le'i. Sama-sama lo ita tolanoon Barnabas ma Paulus fo ami sue-lai ka.

HATAHOLI 11:12

Boema Manetualain Dula Dale na nafa'da au nae, o dale ma boso naba'e, fo la'o sama-sama mos leona. Tolanoo kaneek ia la boeo, ala tunga au leo Kaisarea, de ami basa-basa mala masok leo Kornalius uman dale meu.

HATAHOLI 10:23

Boema Petrus nokes leo uma dale leu fo ala sungu lon le'odaek ndia. Balahaa de Petrus fo'a boema ala la'o leona. Hataholi kamahehelek de'ubee lai Yope boeo, ala tunga boe.

SEMUEL SUSULAK-KA ESAN-NA 8:7

de Manetualain nafa'da nae, “Sipok la'iesak leoina ndia nonoken neu o-a. Nana ala ta tipa o nde ndia fa, te Au dei. Ala ta lahiik Au da'di sila manen so'ok.

KELUARAN 18:23

Metema o tao leondiak, ma Manetualain paleta dede'ak ndia neu o soona, neukose o makalala'ok mabe'i o bela-ba'um, de basa hataholi-la fali le'us no namahokok, nanahu sila dede'an-na nananaketu-nala'dik no lai-laik.”