HATAHOLI 15:11 - Susula Malalaok Hehelu Palak Ma Hehelu Beuk

¹¹ Dede'a nasafali na, ita tamahele de ita hapu maso'da ka, hu ka nde Lamatuak Yesus susue-lalain; hataholi sila la leondiak boe.”

HATAHOLI 15:11 Referans Kwoze

ROMA 3:24

Hu ka nde Manetualain fe hiik susue-lalain neu hataholi daebafa ka, de hataholi daebafa ka tututi-nanaton malole falik lo Manetualain; eno na nde, Kristus Yesus soi po'i hataholi daebafa ka.

TITUS 2:11

Nana Manetualain natu'du basa susue-lalain, soaneu Ana soi-tefa na basa hataholi daebafa ka lala'ena so.

GALATIA 2:16

Tehu leomae leondiak boe, ami bubuluk basa, hataholi malole falik lo Manetualain, hu ka nde ka'da lamahele Yesus Kristus, te ta hu ka nde ala tao tunga agama hoholo-lalanen fa. Ami boeo mamahele Yesus Kristus fo tunga ami namahehelem ndia, de ami malole falik mo Manetualain, te ta hu ka nde ami tao tunga agama hoholo-lalanen fa. Nanahu hataholi ta esa boen, ana hapu malole falik no Manetualain fa, metema ana tunga ka'da agama hoholo-lalanen.

2 KORINTUS 8:9

Nana emi bubuluk tete'e ka, Yesus Kristus fo ita Lamatua na sue-lai na ita ba'u na seli. Yesus kamasu'ik, tehu Ana tao aoina na da'di nuu ta-hata tak, soaneu emi paluu ma, fo ela no nuu ta-hata tan ndia, emi da'di kamasu'ik.

1 KORINTUS 16:23

Ela leo bee na Lamatuak Yesus ba'e-pala emi.

ROMA 6:23

Nana sala-singo ka ngga'di na nde mamate sa; tehu Manetualain baba'e-babatin nde so'da manaketu basa ta ka nai Yesus Kristus dalek.

ROMA 5:15

Tehu duas ta sama fa; nana Manetualain baba'e-babatin ba'ulena nanseli, metema nakasasama kana no Adam la'olena na. Hu ka nde hataholi esa la'olena na de mate basa hataholi ba'u. Manetualain fe hiik baba'e-babatin ma so'da molen, ba'ulena seluk neu hataholi makadotok, tunga hataholi esa, fo nde Yesus Kristus.

GALATIA 1:6

Au dodoo doak emi ia! Hu ka nde Kristus susue-lalain de Manetualain nalo emi, tehu besak ia, no lai-laik emi heok masadea Manetualain de, emi tunga “hala malole” fe'ek, te emi ta tunga Hala Malole fo maneme Manetualai na mai so'ok.

NINITAK 5:9

Lakamee nakamee beuk esa nae: “O mandaa ho'i susulak ndia fo siiheni segen nala. Nana O nanataonisak so, ma no O mamate ma de, hataholi daebafa ka neme basa leoanak lala'ena, dede'a kala, nusaina la ma leoina lala'ena, O asa basan soaneu Manetualain so.