HATAHOLI 12:7 - Susula Malalaok Hehelu Palak Ma Hehelu Beuk

⁷ No kaiboik, Lamatua ka ata nusa so'dan esa napadeik nai kama ndia dalek, de masa'ak esa nangale'o nai kama ndia dalek. Ata nusa so'dak ndia kakakuk Petrus losa ana fo'a. Boema ata nusa so'dak ndia nafa'dan nae, “Wei, fo'a lai leona!” No hatematak ndia boe, namosina nanapa'ak nai Petrus lima na, tu'dahenin.

HATAHOLI 12:7 Referans Kwoze

HATAHOLI 5:19

Tehu le'odae boema, Lamatua ka ata nusa so'dan esa ana soiheni uma bui a lelesu na de no Lamatua ka hataholi nadedenun sila la leo deak leu. Ata nusa so'dak ndia, nafa'da Lamatua ka hataholi nadedenun sila la nae,

HATAHOLI 16:26

No kaiboboianak, dae nanggengo matuaina, de nalosa uma bui nanggengo. Boema lelesu bui a basa-basas latahuka, ma namosina nanapa'ak neu hataholi bui la bukahenis.

MAZMUR 146:7

Ana nasala'e hataholi nanatuni-ndenik-ka hak-ka, ma Ana fe hataholi kamala'ak-ka, na'a. Manetualain soi-po'i, basa hataholi nanahukuk-kala,

MAZMUR 107:14

Ana noos kalua leme makahatuk dale mai, ma Ana tao nala'di sila langen-nala.

MAZMUR 34:7

Hataholi ua-nale ta malole-a, naloo bou-bou, de Manetualain nataan, Ana soi-po'in neme makase'en lala'ena mai.

HATAHOLI 10:30

Boema Kornalius nae, “Faik telu maneu ka, fafa'ka ma le'do a ba'u leo ia, boema au hule-haladoi nai uma la'e li'u telu le'donoso na. Boema no kaiboboianak, touk esa napadeik nai au mata nga. Bua-lo'a papake na, nandela-nasa'a.

EFESUS 5:14

Nana basa hata fo nananitak no mangale'dok, nde bee na mangale'dok. Hu ndia de, nananafa'dak nae, “Fo'a leona, hei o fo mana sungu ka, ma fo'a falik meme mamate sa mai! Neukose Kristus nandela-nasa'a na o.”

HATAHOLI 2:24

Tehu Manetualain tao naso'da fali kana neme hataholi mana mate kala tala'da mai. Memak Ana mate te'e-te'e, tehu Manetualain se'i po'in, nana mamate sa ta hapu koasa fan.

LUKAS 24:4

Ala bei lapadeik ma lapangamak dudu'a-dodoo dede'ak ndia, te kaiboboianak hataholi dua, bua-lo'a papake nala fula mangadilak, lapadeik deka los.

LUKAS 2:9

No kaiboik Manetualain ata nusa so'da nala, latu'du ao nala neus, ma masa'a ka nangale'do neme Manetualain mai de nangale'do nalas, boema ala bii lanseli.

MIKHA 7:9

Ita tasala-tasingo basa neu Manetualain so, hu ndia de besak ia, ita muse tame'da tita nasa-melun. Tehu ta dook-ka so'on, te neukose nasala'e ita, ma Ana fe ndoos ma matetuk-ka neu ita. Neukose no ita kalua leo mangale'dok-ka teu; neukose ita tame'dan tae, Ana soi-tefa-na ita.

DANIAL 6:22

Boema namanene Danial hala natataan-na nae, “So'dak ba'eneu Ama Manek losa dodoon-na!

1RAJA-RAJA 19:7

Soaneu kala'i duan-na, Manetualain ata nusa so'da na mai nalakein ma nafa'da nae, “Fo'a Elia, fo mu'a leona, fo ela o hapu makatatakak nai leleo-lala'ok manalu dalek.”

HATAHOLI 12:23

No hatematak ndia boe, Lamatua ka ata nusa so'da na fapa Herodes, nana ana ta fe ha'da-holomata neu Manetualain fa. Boema kalati kala la'a Herodes de maten.

HATAHOLI 9:3

Ana bei la'o-la'o leo Damsyik neu, de nai lelek fo ana sanga deka no kota ndia boema no kaiboik masa'ak esa neme lalai mai de nangale'do okofeo na Saulus.

HABAKUK 3:4

O mai no mandela-masa'ak, mandela-masa'ak-ka kalua neme O limam-ma mai, O mafuni O koasam-ma nai ndia.

YESKIAL 43:2

de nai ndia nde, au ita managale'do-ka, nangale'do neme dulu mai, fo ta'du-tana la'eneu Israel Manetualain mamain-na. Manetualain halan-na, nananamanenek sama leo tasi maloaina nangguu, ma daebafak-ka mangale'dok, nanahu Manetualain mangale'don-na.

YESAYA 60:1

Hai Yerusalem, fo'a fo da'di mangale'dok leona, nana o maso'da mangale'dom-ma, ana mai so; Manetualain nangale'do-na o, nenik mandela-masa'an.

MAZMUR 116:16

Ou Manetualain, O atam au ia, au boeo fe ha'da-holomata neu O, sama leo au inang. O soi-po'i au neme bui dale mai so.

1RAJA-RAJA 19:5

Boema nakandondoo ao neu ai ndia huun-na de ana sungu. No kaiboik, ata nusa so'dak esa nalakein ma nafa'da nae, “Fo'a Elia, fo mu'a leona!”

NINITAK 18:1

Basa ndia boema, au ita ata nusa so'da fe'ek esa kona neme nusa so'da ka mai. Ata nusa so'dak ndia koasa na ba'u na seli, de nalosa ndela-sa'an tao na basa daebafa ka lala'ena da'di mangale'dok.

IBRANI 1:14

Metema leondiak soona, tunga ndo na, ata nusa so'dak sila la beek sila? Sila nde bee na dula dalek fo lalalau-laoono Manetualain, ma fo Manetualain nadenus, soaneu tulu-fali hataholi fo neukose sipo so'da-mole ka.

HATAHOLI 12:6

Sanga balahaa fo Herodes palisak Petrus dede'a na nai lea matan boema, le'odaek ndia Petrus sungu no nanapa'ak ninik namosina dua nai solda'du mana manea dua tala'da. Solda'du mana manea fe'e kala boeo, bei lanea lahele nai uma bui lelesu nala.

HABAKUK 3:11

O kokou isim-mala lapu no lai-laik sama leo ndelas-sa, O tee isim-ma nangale'do boema le'do nate'e, ma bulak-ka nemek mamanan-na.

YESAYA 37:30

Yesaya haitua fe Hizkia, hala heheluk ia boe nae, “Neukose manada'di ta'du-tana neu o-a, nde ia. Teuk ia, ma teuk manamaik-ka, neukose hataholi-a, na'a gandum manamoli aok-ka. Tehu basa ndia soona, ala hapu sele gandum, ma angol, fo la'a lita buna-boan.

2 SEMUEL 22:29

O de'de mapila au banung-nga; au Manetualaing-Nga nasalaa-na, au makahatung-nga.

MAZMUR 68:6

Manetualain fo manaleo nai Uma malalao-malalafun-na nde bee-na, anamak-kala aman, ma manamasala'e faluina-la.

YEREMIA 40:1

Manetualain kokolak no au ndek Nebuzaradan, fo malanga mat-matatik ndia, soi-po'i au neme Rama. Ala lo au nu te au nanalangek sama-sama o hataholi fe'ek neme Yerusalem ma Yehuda, fo nanafoo nenik da'di leo hataholi nanatahan lo Babel neu.

DANIAL 3:28

Boema manek-ka nae, “Kokoa-kikiok ba'eneu Manetualain fo Sadrakh, Mesakh ma Abednego sene-do'ok-ka. Nadenu ata nusa so'dan-na mai soi-tefa-na ata ka telun fo lamahele neun ndia. Ala la'olena au paletang-nga so, de lahiik mate neme ala sene-do'ok do lamahele neu lamatua daebafak bee boe, te lamahele ka'da neu sila Manetualain mesak-kana.

MATEOS 2:13

Hataholi malela nduuk sila la la'o boema, Lamatua ka ata nusa so'dan esa natu'du ao na neu Yusuf nai me'is esa dalek nae, “Herodes tutu'u basa, ana sanga ni'iana ndia fo ana sanga taonisan. Hu ndia de fo'a leona, fo malai mo ni'iana ndia no inan leo Masir meu. Leo mahele meme naa, losa Au kokolak seluk o emi.”

HATAHOLI 12:8

Basa ndia boema, ata nusa so'dak ndia nafa'dan nae, “Pake o bua-lo'am ma pa'a o ta'bu ei ma tali na leona.” Boema Petrus ana pake bua-lo'an ma ana pa'a ta'buei na tali na. Basa ndia boema, ata nusa so'dak ndia nafa'dan nae, “Pake o bua-papake ma, ma pa'a o tabu ei ma tali na.” Boema Petrus pake bua-papake na, ma ana pa'a tabu ei na tali na. Basa boema, ata nusa so'dak ndia nafa'da selu kana nae, “Pake o ba'du manalu ma fo tunga au leona.”