HATAHOLI 12:4 - Susula Malalaok Hehelu Palak Ma Hehelu Beuk

⁴ Ala ho'u la Petrus boema, ala taon leo bui dale neu. Ala fe solda'du bubuak ha lanea Petrus nai bui dale bubuak esa soona, solda'du ha. Feta Paskah basa boema, besa ka Herodes palisak Petrus dede'a na nai lea matan.

HATAHOLI 12:4 Referans Kwoze

LUKAS 22:33

Petrus nataa nae, “Lamatuak, au sadia masok bui ma mate sama-sama o Lamatua ka!”

AMSAL 19:21

Hataholi daebafak-ka, nanuu dale tutu'uk makadotok, tehu ka'da Manetualain nde naketu, fo ana da'di.

LUKAS 21:12

Tehu basa sila la ala beita da'di fa te, neukose emi nanaho'uk ma nanafepa-li'uk. Neukose laketu-lala'di emi nai uma mamaso kala dalek, ma nanataok leo bui dale neu. Ma neukose ala lele'a-loloso emi leo mane kala ma mana koasa la matan meu, hu ka nde Au ana manatungang emi.

HATAHOLI 4:28

Basa-basas teikesa-dalekesa fo ala tao basa hata lala'ena, fo O maketu basa makahulu kana mae, neukose dede'ak ndia ana da'di. Boema O maketu dede'ak ndia tunga O koasa ma, ma O hihii-nanau mesa ma.

HATAHOLI 4:3

Boema ala ho'u la Lamatua ka hataholi nadedenu kaduan sila la de ala taos leo bui dale neu. Ma hu ka nde le'odae so de lahele Petrus no Yohanis leme ndia losa balahaa fafaik.

YOHANIS 21:18

Au dede'ang ia tete'e ka la'en; Nai lelek fo o bei muli-solu ma, o kalikee aom o kalikee ma, fo o hii mu leo bee mu soona, o la'o-la'o mesan. Tehu metema neu o fai lasi ma soona, hataholi fe'ek nde kalikee fe o kalikee ma neu, fo ana hela o leo mamanak fo, o ta mahii kana fa.”

MATEOS 26:5

Boema lae, “Tehu, ata boso taon la'e fai feta, te neukose tasibu a da'di nai lau nala dalk.”

MATEOS 24:9

Basa soona, neukose ala ho'u la emi fo ala fe heni emi soaneu ala fepa li'u emi, ma ala taolisa emi. Neukose basa daebafa ka lakamuu-lakadau emi nanahu Au ana mana tungang emi.

AMSAL 27:1

Boso kokolak bafa maloa, la'eneu fai balahaan-na, nanahu, neukose o ta bubuluk hata da'di fa.

HATAHOLI 8:3

Tehu Saulus ka'da ana sanga enok nakandoo, fo ana tao nakalulutuk salani kala. Neme uma esa leo uma esa neu, fo ana lele'a-loloso hataholi kamahehele kala nau inak do touk boe leme uma dale mai, boema ana taos leo bui dale leu.

HATAHOLI 5:18

Boema ala ho'u la Lamatua ka hataholi nadedenuk sila la de ala taos leo bui manai kota dale a dalek leu.

YOHANIS 19:23

Solda'du la ala lona-nggange basa Yesus boema, ala ho'i la bua-lo'a papake na, de ala ba'en neu baba'ek ha: fo esa na hapu biak esa. Boema ala ho'i la ba'du manalu na boe. Ba'du manalu ndia, seseun ta, te ala tenun neme lain losa dae.

RATAPAN 3:37

Metema Manetualain nape'da dale nasak hata esa fa soona, tao leo bee-o, hataholi daebafak-ka ta hapu tao hata-hata soaneu dede'ak ndia fa.

KELUARAN 12:1

Manetualain, kokolak no Musa ma Harun nai dae Masir-ra nae,

MARKUS 14:1

Bei faik dua seluk bai soona, Fai Paskah ma Feta Loti Lalu Tei Ta ka mulai. Lelek ndia, malanga ima mala lo mese agama la, ala sanga enok fo ala ho'u Yesus no denge-dengek fo taolisan.

HATAHOLI 12:3

Lelek fo Herodes nita ndia tatao-nono'in ndia nandaa no hataholi Yahudi la dale na boema, ana tao seluk leondiak. Nadenu hataholi la leu ho'u Petrus boe. Dede'ak ndia ana da'di la'e Fai Matua Loti Ta Pake Lalu Tei ka.

HATAHOLI 12:5

Da'di ala huku lahele Petrus neme bui dale. Tehu hataholi salani kala hule-haladoi te'e-te'e neu Lamatua ka soaneu Petrus.