HATAHOLI 1:6 - Susula Malalaok Hehelu Palak Ma Hehelu Beuk

⁶ Lelek fo Lamatua ka hataholi nadedenu nala lakabubua lo Yesus boema latanen lae, “Lamatuak, ade besak ia, Lamatua ka sanga napadedeik falik hataholi Israe la paleta na do?”

HATAHOLI 1:6 Referans Kwoze

LUKAS 19:11

Hataholi la bei nenenen Ana kokolak, te Yesus kokolak nakadoo ninik nakandandaak esa. Nana nai lelek ndia Ana deka no Yerusalem so, ma hataholi la laedaenga neukose Manetualain paleta no lai-laik da'dileo Manek nai daebafa ka.

LUKAS 17:20

Hataholi Farisi de'ubee latane Yesus lae, faihi'da Manetualain mai fo Ana paleta. Boema Yesus nataa nae, “Manetualain paleta na ana ta mulai ninik ta'du-tana fo hapu hataholi nitan,

DANIAL 7:27

Basa nusak manai daebafak-ka lala'en-na koasan ma matua-mademan, neukose nanafek leo Manetualain Fo Mademaina anan-nala neu. Neukose sila koasan soaneu paleta, ta nate'e fa, ma basa manakoasa manai daebafak-ka neukose lamaheles ma ala tungas.”

MATEOS 24:3

Basa boema Yesus neu leo pupuku Setu na neu, de Ana bei nangatuuk te ana mana tunga nala mai fo ala kokolak lon mesa kana lae, “Mafa'da fe ami, faihi'da basa sila la neukose ala da'di, ta'du-tana bee ka nde natu'du Ama ka mamai na, ma le'do-fai mate'e ka?”

LUKAS 22:29

Sama leo Ama ka fe basa Au hak soaneu paleta, leondiak boe neukose Au fe hak ndia neu emi boe.

MATEOS 17:11

Yesus nataa nae, “Memak Elia mai fo ana tao matalolole basa hata lala'ena.

MATEOS 20:21

Boema Yesus natanen nae, “Ina nau beek?” Inak ndia nataa nae, “Metema Ama da'di manek soona, au hii ana kaduang ia la, esa nagatuuk nai Ama boboa kii na, ma esa nai Ama boboa kona na.”

ZAKHARIA 9:9

Hai laun Sion-nala lemin, mamahoko-setelee leon! Hai laun Yerusalem-mala lemin, eeki-matadale leon! Mete leon! Emi Manem-ma, ana mai no matua-mademan! Ndia manek fo manatao tunga ndoo-matetun-na, fo maneni so'da-molek-ka. Tehu henuk no dale taidaek, ana losa ana sa'e keledei, keledei ana esa.

AMOS 9:11

Manetualain nafa'da nae, “Neukose fain-na losa, Au tao-a Dauk nusan-na fo'a seluk. Besak ia, nusak ndia da'di sama leo uma fo ana tu'u neu so. Tehu neukose Au tao ahii papala nanadaman-nala, fo Au afofo'a falik-kana, fo ana da'di sama leo makahulun eli.

YEREMIA 33:26

leondiak boe neukose Au ho'u ahele Au hehelung-nga neu Yakob tititi-nonosin ma neu Au atang Dauk. Neukose Au hele-a hataholi esa neme Dauk tititi-nonosin-na soaneu ana paleta Abraham, Isak, ma Yakob tititi-nonosin. Neukose Au sue-lai an seli neu Au anang-ngala, ma Au tao-a so'dan-nala latetu seluk.”

YESAYA 1:26

Neukose Au fe seluk emi manakee-manafula, ma manamanoli-mafa'dak sama leo makahulun-na. Soona neukose Yerusalem nanafoik na'de kota fo, ndoos ma matetuk, ma manalilinekak.”

KEJADIAN 49:10

Neukose Yehuda ho'u aitete'e nusak-ka, neukose tititi-nonosin paleta losa dodoon-na. Neukose leoina-kala leni bea mai, ma ala senek ma lakatele nai matan-na.

YOHANIS 21:21

Petrus nitan boema natane Yesus nae, “Lamatuak, neukose, tao leo beek no hataholi ia?”

MARKUS 9:12

Yesus nae, “Memak Elia mai nakahuluk fo ana tao matalolole basa hata lala'ena. Tehu dede'a na tao leo beek no Ana Hataholi ka? Hu beek de, nai Susula Malalaok dale nanasulak nae, neukose Ana Hataholi ka doidoso nanseli, ma hataholi la lakadadae kana?

MIKHA 5:2

Da'di, neukose Manetualain po'ilotak sila musun-nala koasa anan-nala, losa inak fo nananaketuk soaneu da'di manakoasa ndia inan, ana bongi-nan. Basa ndia soona, hataholi fo sila leoina esa, bei lai mamana tu'u-tapak, neukose Ana taos da'di esa loo sila leoinan-na.

HOSEA 3:4

Hataholi Israel-la leondiak; Doon-na seli, laso'da no ta lanuu manek, do mauli-malangan fa, ala ta fe tutunu-hohotuk do lutu batu fo lamahele nanuu koasa, ta lanuu sosongo-tatangok, do koasa makahatuk fo bisa nafa'da sila maso'dan nai fai manamaik-ka, leo beek.