HAKIM-HAKIM 8:6 - Susula Malalaok Hehelu Palak Ma Hehelu Beuk

⁶ Tehu mauli-malangan manai Sukot ndia lataa nae, “Ah, emi beita ho'u-ma, Zebah ma Salmuna fa, te emi moke nana'ak so! Sosoak hata, fe o solda'dum-mala la'a?”

HAKIM-HAKIM 8:6 Referans Kwoze

1RAJA-RAJA 20:11

Mane Ahab-a nataa nae, “Mafa'da Mane Benhadad-a mae boso mamatutua dalem-ma nai lelek natee-natati be ta, tehu mamatutua dalem-ma nai lelek basa natee-natatik-ka.”

FILIPI 2:21

Te basa fe'ek sila la soona, ala ito-ato ka'da sila paluu nala, te ala ta ito-ato Yesus Kristus paluu na fa.

AMSAL 18:23

Hataholi nuu-taa hata-taak-ka, ana dokodoe no ha'da-holomata; tehu hataholi kamasu'i-makabetek-ka, nataa no nasapalak.

2RAJA-RAJA 14:9

Tehu, mane Yoas-sa haitua natataak-ka nde ia nae, “La'iesa boema, dila-nggauk manai letelepak Libanon-na, haitua fe ai kaiou-a, halak-ka nde ia nae, ‘Hai ai kaiou, fe o anafe'om-ma leo au anatoung-nga mai, fo da'di saoinan.’ Tehu, basa boema, bana fuik esa, la'ok tunga ndia, de ana heheta-aa'i dila-nggauk ndia.

HAKIM-HAKIM 8:15

Basa ndia boema, Gideon neu natongo no lasi nggolok manai kota ndia, boema nae, “Tao leo bee-o, emi bei mafandendelek, mae emi tipa hai au so, nalosa emi ta nau tulu-fali au fa, nanahu au beita ho'u-a, Zebah ma Salmuna fa hetu? Emi ta nau fe au solda'dung-ngala nana'ak fa; te se'kona, ala sota lanseli nai lelek ndia. Mitak, Zebah ma Salmuna nde ia.”

HAKIM-HAKIM 5:23

Manetualain ata nusa so'dan-na nafa'da nae, “Soo-supak ba'eneu Meros, ma laun-nala, nana, ala ta mai, fo ala fe tutulu-fafalik da'di leo palani ta'ti batu, fo ana puselaipana soaneu Manetualain fa.”

KEJADIAN 37:28

de lelek manadangan Midian de'ubee la'ok tunga ndia boema, Yusuf ka'an-nala kaluahenin neme oedolu ndia dalek mai, boema lase'on leo hataholi Ismael ndia neu nenik doifulak duahulu. Basa boema manadangan sila-la loon leo Masir neu.

KEJADIAN 37:25

Lelek ala bei la'a-linu te, no kaiboik lita hataholi Ismael bubuak esa sa'e onta bei lai leleo-lala'on-na la dalek leme Gilead leo Masir leu. Sila onta nala fua bumbu-bumbu, balsam ma luu-luu.

KEJADIAN 25:13

Ismael anan sanahulu dua, fo nanakokolak nai ia, tunga fai bobongin-nala, fo nde: Nebayot, Kedar, Adbeel, Mibsam, Misyma, Duma, Masa, Hadad, Tema, Yetur, Nafis ma Kedma. Anak sila-la da'di leoinak-ka sanahulu duak-kala ama kain-na, de loke sila desan-na, ma uma ofun-na tunga anak sila na'den-nala.

HAKIM-HAKIM 8:5

Basa boema, ala losa Sukot. Nai ndia, Gideon nafa'da laun manai kota ndia nae, “Sue-na, fe au solda'dung-ngala nana'ak faa dei. Ala sota lanseli, te natek-ka ami bei usi Zebah ma Salmuna, fo Midian manen sila-la.”