HAKIM-HAKIM 8:5 - Susula Malalaok Hehelu Palak Ma Hehelu Beuk

⁵ Basa boema, ala losa Sukot. Nai ndia, Gideon nafa'da laun manai kota ndia nae, “Sue-na, fe au solda'dung-ngala nana'ak faa dei. Ala sota lanseli, te natek-ka ami bei usi Zebah ma Salmuna, fo Midian manen sila-la.”

HAKIM-HAKIM 8:5 Referans Kwoze

KEJADIAN 33:17

Tehu Yakob neu leo Sukot neu, boema tao uman-na, ma bana-manun mamana hahaeaon-na. Hu ndia de, ana foi mamanak ndia na'de Sukot.

MAZMUR 60:6

O fe hataholi kamahehelek-ka nasanene'dak, fo ela ala lala huhukuk-ka deak.

SEMUEL SUSULAK-KA ESAN-NA 25:18

Boema no lai-laik, Abigail ho'in-na loti biak natun dua, ma alukosu bana louk dua, henuk no angol, paa bi'ilopo lima nanadalak, gandum nanadalak, kilo sanahulu hitu, angol boa tuuk, nggik natun esa, ma kokis kaa boak natun dua. Ana fua basa sila-la, leo keledein-nala lain neu.

ULANGAN 23:4

nanahu nai lelek emi kalua meme Masir mai-a, ala ta nau fe emi nana'a-nininuk fa. Nakalena, ala se'ba Bileam, fo Beor neme kota Petor-a, nai Mesopotamia, fo ana soo-supa emi.

KEJADIAN 14:18

Melkisedek, manek Salem, fo ana da'di Manetualain Fo Mademaina imam-ma, neni fe Abram loti ma angol,

HAKIM-HAKIM 8:10

Ndia te, Zebah ma Salmuna no solda'dun-nala lala'en-na, lai Karkor. Neme basa solda'du, fo hataholi moo solokaek-kala lala'en-na, mate ela ka'da fafa'kama hataholi lifun sanahulu lima; mate solda'dun 120.000 so.

HAKIM-HAKIM 8:12

Zebah ma Salmuna, fo Midian mane ka duan sila-la, lalai, tehu Gideon usi tungas, de ana ho'un-nalas, nalosa solda'dun-nala lala'en-na, lapangamak.

HAKIM-HAKIM 8:15

Basa ndia boema, Gideon neu natongo no lasi nggolok manai kota ndia, boema nae, “Tao leo bee-o, emi bei mafandendelek, mae emi tipa hai au so, nalosa emi ta nau tulu-fali au fa, nanahu au beita ho'u-a, Zebah ma Salmuna fa hetu? Emi ta nau fe au solda'dung-ngala nana'ak fa; te se'kona, ala sota lanseli nai lelek ndia. Mitak, Zebah ma Salmuna nde ia.”

HAKIM-HAKIM 5:23

Manetualain ata nusa so'dan-na nafa'da nae, “Soo-supak ba'eneu Meros, ma laun-nala, nana, ala ta mai, fo ala fe tutulu-fafalik da'di leo palani ta'ti batu, fo ana puselaipana soaneu Manetualain fa.”