HAKIM-HAKIM 8:10 - Susula Malalaok Hehelu Palak Ma Hehelu Beuk

¹⁰ Ndia te, Zebah ma Salmuna no solda'dun-nala lala'en-na, lai Karkor. Neme basa solda'du, fo hataholi moo solokaek-kala lala'en-na, mate ela ka'da fafa'kama hataholi lifun sanahulu lima; mate solda'dun 120.000 so.

HAKIM-HAKIM 8:10 Referans Kwoze

HAKIM-HAKIM 7:12

Nai bafak ndia dalek, hataholi Midian, Amalek ma hataholi fe'ek-kala leme moo solokaek-ka mai, lakapepela su'di lai mamanak lala'en-na. Metes soona, sama leo lamak-kala lakamomotu. Sila ontan-nala makadotok nanseli, sama leo solokaek manai tasi su'uk-ka.

2RAJA-RAJA 3:26

Mane Moab-pa, bubuluk basa, nae ana ta nakatatakak so'on, boema no solda'du natu ka 7-n, fo manapake lalelak tafaina, sanga enok, fo ala tola tunga Mane Edom-ma, solda'dun-nala tala'da, tehu ta da'di fa.

HAKIM-HAKIM 20:46

Da'di, nai faik ndia dalen-na, ala taolisa Benyamin solda'dun 25.000 basa-basas solda'du ao makadelek, ma palani mesa-mesan.

HAKIM-HAKIM 20:35

Manetualain fe hataholi Israel-la sengi Benyamin hataholin-nala, nalosa nai faik ndia, hataholi Israel-la, taolisa Benyamin solda'dun 25.100.

HAKIM-HAKIM 20:25

Ma soaneu ka la'i dua-na boe, Benyamin hataholin sila-la, ala kalua fo ala sapu. Oek ia, ala taolisa Israel solda'dun nanananoli basak 18.000.

HAKIM-HAKIM 20:17

Neme hataholi Israel fe'ek-kala, lakabubua-la solda'du nanoli basak, 400.000.

HAKIM-HAKIM 20:15

Faik ndia, lakabubua-la solda'du maneme sila kotan-nala mai, dede'un-na, solda'du 26.000. Ma fe'ek neme ndia mai boe, laun Gilead-ta mesak-kana, nakabubuan-na, hataholi nanahehelek natun hitu. Basa-basas hataholi kikodek, fo malelaina nai tapa batu nenik pipiluk. Metema, ala pilu soona, beita sala nita la'iesa boen.

HAKIM-HAKIM 20:2

Basa-basan lala'en-na, solda'du 400.000 leme solda'du manala'o eik-kala mai. Leoina Israel-la, mane leon-nala, lai naa boe.

YESAYA 37:36

Le'odaek ndia boe, Manetualain ata nusa so'dan-na, ana mai leo hataholi Asyur-rala ofun-na neu, de ana taonisa solda'du lifun natun esa faluhulu lima. Balahaa fafaianak te, popolan-nala lalefu-le'ak.

YESAYA 9:4

Solda'du-la ta'buein-nala ndu'u-ndu'u ma badun fo ladiu daak-ka, neukose ha'i na'a henis.

2TAWARIKH 28:8

Leomae leondiak boe, hataholi Yehuda-la nde bee na leoina esa loo leoina Israel-la, tehu solda'du Israel-la ho'u-la inak lifun natun dua ma ni'iana-la, de ala foo lenis leo Samaria leu sama-sama loo bua-lo'a nanakalok makadotok nanseli.

2TAWARIKH 13:17

Abia taon-nalas kala matuaina de solda'dun-nala sengi solda'du Israel-la; mate sila solda'du neulaun lifun natun lima.

HAKIM-HAKIM 7:22

Lelek Gideon ma hataholin-nala puu pupuun-nala, Manetualain fe solda'du musu-a, esa sapu-na esa nenik tafaina. Lalai lasale leo Zesera leu, losa Bet-Sita ma kota Abel-Mehola, fo deka no Tabat.

HAKIM-HAKIM 6:5

Hataholi sila-la, ala mai bua-buak-kala, loo sila bana-manun, ma lalaa teman-nala makadotok nanseli. Sila ma sila ontan-nala makadotok nanseli, de ta hapu leke-nala fas. Ala mai tao lalutu nusak ndia,

HAKIM-HAKIM 8:11

Gideon la'ok ndolo-ndolo tunga moo solokaek-ka dae toon manai Nobah ma Yogbeha boboan dulu, boema no kaiboik, ala sapu-la musu-a.

HAKIM-HAKIM 7:13

Lelek Gideon losa naa boema, namanene hataholi esa, ana tui me'in-na neu nonoon-na. Hataholi ndia nae leo ia, “Au alame'i, loti esa nalolik leo ita ofun dale mai, boema ana lena seli lalaa temak esa. Lalaa temak ndia, ana tu'u neu, de nakabebelak no dae-a.”