HAKIM-HAKIM 7:2 - Susula Malalaok Hehelu Palak Ma Hehelu Beuk

² Boema, Manetualain nafa'da Gideon nae, “O solda'dum-mala makadotok nanseli. De Au ta nau fes ala sengi hataholi Midian-nala fa, nana mahani te, neukose ala dodoo lae, sila sengi nanahu sila be'i-balakain mesan-nala, nalosa ala ta koa-kio Au fa.

HAKIM-HAKIM 7:2 Referans Kwoze

ULANGAN 8:17

Da'di, emi ta bole dudu'a-dodoo, mae no emi tutunga-sasangam-ma emi be'i-balakaim, de emi da'di hataholi kamasu'i-makabetek.

2 KORINTUS 4:7

Tehu hata-heto samanek mana'a hiik ndia nanape'dak nai uledae dale, fonde ami aoinam beli tak ia. No enok ndia nananitak nae, Manetualain nde koasa na lena, te ta ami fa.

ROMA 11:18

Hu ndia de emi boso makadadaek hataholi nanake'dihenik sama na leo ai ndanak nanake'dihenik sila la. Emi muse mafandendelek te, emi ia ka'da ai ndanak mesa kana. Te ta ai ndanak fo ana hanihao ai oka na, te ai oka na nde hanihao ai ndana na dei.

ZAKHARIA 12:7

Au, Manetualain, nde makasososa fe sesengik neu solda'du Yehuda-la, fo ela ha'da-holomata fo Dauk tititi-nonosin sipon, boema laun Yerusalem-mala, ta lenak neme ha'da-holomata fo laun Yehuda fe'ek-kala sipok-ka fa.

ZAKHARIA 4:6

Ata nusa so'dak ndia, nadenu au, fo au anduku-alosak Manetualain hala hehelun-na nde ia, neu Zerubabel nae, “Ta nenik solda'du be'i-balakain, do boeo ta nenik o be'i-balakaim mesam-ma, neukose o sengi, tehu nenik Au duladaleng-nga dei.

YESKIAL 28:17

O mata makeem-ma, ana tao-na o koao-ndaeao, ma o na'de nanakoa-nanakiom-ma, ana tao-na o, tao tunga o nggoam-ma. Hu ndia de, Au bala o muu dae lain, fo Au taon da'di nasanene'dak ba'eneu mane fe'ek-kala.’ ”

SEMUEL SUSULAK-KA ESAN-NA 14:6

Boema Yonatan nafa'da touanak manaho'u tee-tafan ndia nae, “Mai fo ata teu leo hataholi Filistin dinitiu sila-la, uma nanean-na teu. Fafa'kama Manetualain nau tulu-fali ita. Nana Manetualain hapu fe sesengik neu, nau nenik hataholi makadotok, do hataholi lumanak boe.”

ULANGAN 32:27

Tehu Au ta nau Israel musun-nala, lamatutua-lamadedema aoinan-nala fa; fafa'kama, ala dudu'a-dodoo sala, fo lafa'da lae sila sengi Au anang-ngala,’ te se'kona, Au nde tao basa ia-la.

ROMA 3:27

Hu ndia de, ita ta hapu seluk ne'ek soaneu tamatutua-tamadedema fa. Taol e'e de, leondiak? Ade hu ka nde, ita tao tatetu hata fo nanasulak nai agama Yahudi hoholo-lalanen dale do? Ta leondiak fa. Te hu ka nde, ita tamahele.

HABAKUK 1:16

Basa boema, ala sene-do'ok neu dala ndia, de ala fen tutunu-hohotuk, nana no dala ndia de ala hapu nana'a-nininuk sasi kao-kao, de ala da'di hataholi kamsu'i-makabetek.

DANIAL 4:30

boema au afa'da ae, “Mitak, kota Babel-la anseli! Au nde afofo'an da'di nusaina ia polon-na, fo ana da'di buti neu au koasang-nga, ma au be'i-balakaing, au mandela-masa'ang ma au matua-mademang!”

YESKIAL 28:2

“Hai hataholi daebafak fo, manasapu-manalalok-konei, mafa'da mane Tirus-sa, hata fo Au, Manetualain Fo Mademaina nafa'da neun, ‘No koao-ndaeaok, o mafa'da mae o nde been-na lamatua daebafak, fo o mangatuuk nai kandela manek-ka, nai tasi-a tala'da heon. O bole tao o aoinam-ma, da'di leo lamatua daebafak, tehu mafandendelek leona te, o ka'da hataholi daebafak biasa mesak-kana.

YEREMIA 9:23

Manetualain nafa'da nae, “Hataholi manatee-tenok-ka, ta bole namatutua-namadedema aoinan-na fa, hu kande manatee-tenon-na, hataholi mabe'i-balakaik-ka, hu kande be'i-balakain-na, ma hataholi kamasu'i-makabetek-ka, hu kande su'i-beten-na.

YESAYA 10:13

Mane Asyur-a kokolak bafa maloa nae, “Au tao basa sila-la nenik au koasa mesang-nga. Au manatee-tenok ma malelak. Au koka heni basa dae too fo manata'da leoina no leoina, ma au loso-a basa hata fo ala sadiak-kala. Au sama leo banteng-nga, fo au heheta-aa'i manapaletak-kala.

2TAWARIKH 14:11

Boema Asa hule-haladoi neu Manetualain nae, “Amak, ka'da O nde hapu tulu-fali manatapandoes-sala neme mabe'i-balakaik-kala mai. Tulu-fali ami besak ia, ou ami Manetualain! Ami masalai ka'da neu O ma no O na'dem-ma, ami kalua matee-matati la'ban solda'du de'u-de'u basa ia-la. Amak, O nde ami Manetualaim-ma. Boso po'ilotak hataholi daebafak esa boen sengi O.”

YESAYA 2:17

Hataholi manakoao-ndaeaok-ka, neukose nananakadadaek, ma hataholi fo namatutua-namadedema aon-na, neukose nanane'e nakatelek. Ka'da Manetualain mesak-kana, nde nananamatutua-namadedemak-ka.

YAKOBIS 4:6

Leomae leondiak boe, Manetualain susue-lalain fo Ana fen neu ita ndia, balakai na lena heni ita dale hihii na. Hu ndia de, nai Susula Malalaok dale boeo nanasulak nae, “Manetualain laban hataholi mana koao ka, tehu Ana sue-lai hataholi fo nakaloe-nakadae dale na.”

YESAYA 2:11

Hataholi manakoao-ndaeaok-ka, neukose nananakadadaek, ma hataholi fo namatutua-namadedema aon-na, neukose ne'e nakatelen. Ka'da Manetualain mesak-kana, nde nananamatutua-namadedemak-ka.

ULANGAN 8:18

Mafandendelek te, emi Amam Manetualaim nde fe emi su'i-betes ndia. Ana tao leondiak, nanahu losa faik ia dalen-na, Ana bei lilineka neu hehelu-balataan, fo Ana taon no emi bei-ba'i kaim-mala.

KEJADIAN 46:2

Nai ninitak esa dalek, nai fai le'odaek, Manetualain nafa'dan nae, “Yakob, Yakob!” Nataa nae, “Ou Manetualain.”

BILANGAN 31:4

Neme leoina Israel-la, leon esa mai soona, emi muse sadia-ma solda'du lifun esa, fo leu latee-latati.”