HAKIM-HAKIM 7:1 - Susula Malalaok Hehelu Palak Ma Hehelu Beuk

¹ Faik esa boema, Gideon no ana paletan-nala fo'a fafaianak nanseli. Ala la'o, de ala ofu nai deka no oemata Harod-ta. Hataholi Midian-nala, ofu nai sila boboan kii, nai bafak manadeka no Pupukuk More.

HAKIM-HAKIM 7:1 Referans Kwoze

HAKIM-HAKIM 6:32

Hu kande Yoas nafa'da nae, “Nemen-na, fo Baal mesak-kana la'ban Gideon, nana ana ofe heni mei tunu-hotun so,” boema mulai neme ndia mai, hataholi-la foi Gideon na'de “Yerubaal.”

PENGKHOTBAH 9:10

Tao-no'i o bela-ba'un lala'en-na nenik o be'i-balakaim lala'en-na. Nana mahani te, ta hapu seluk dudu'a-aafik do ue-le'dis so'on. Ta hapu malelak do manatee-tenok nai hataholi manamatek-kala daebafan-na fa. Ma neukose o muu leo naa muu.

KEJADIAN 12:6

Abram la'ok okofefeo dae ndia, nalosa ana losa ai manituk esa nai More, fo mamana makaluku-makatele nai Sikhem. (Nai tepo-lelek ndia, hataholi Kanaan-nala bei leo mamanak ndia.)

YOSUA 6:12

Nai fai balahaan-na, bei fafaianak nanseli, te Yosua fo'a, boema soaneu ka la'i dua-na, basa imam-mala, ma solda'du-la la'ok lakadadalak okofefeo kota ndia, tunga dalak huas-sa: makasososan-na, dalak manamanea manai uluk-ka, de basa boema, imam ka hituk manapuu pupuuk-kala, basa soona imam-mala manandolo Peti Hehelu-balataak-ka tunga, ma mate'en-na, dalak manamanea manai dea. Ndia te, pupuuk-ka nalii nakandondoo henin.

YOSUA 3:1

Balahaa fafaik boema, Yosua ma hataholi Israel-la lala'en-na, fo'a fafaianak nanseli, boema ala la'oela leme sila mamana ofun manai Sitim-ma, de leu leo Lee Yarden-na leu. Ala ofu leme ndia, fo lahani fain-na losa, ala lena leo selik leu.

ULANGAN 11:30

Letek ka duak sila-la, lai Lee Yarden-na, boboan muli, fo nai okofoo manaleo muli neu-a, dean-na, fo nai hataholi Kanaan-nala daen-na. Hataholi Kanaan sila-la, ala leo nai Bafak Yarden-na, nasasalematak no Gilgal, fo deka no ai sosongok manai More.)

KEJADIAN 22:3

Balahaa fafaik boema, Abraham bia ai soaneu tutunu-hohotu nanatunuk-ka, de ana puputu ai sila-la, boema ana fuan neu keledei lain. Abraham no Isak, ma atan dua leu leo mamanak fo, Manetualain nafa'dan-nana.

HAKIM-HAKIM 6:40

Le'odaek ndia, Manetualain tao natetu Gideon nonoken ndia, nalosa balahaa te, bi'ilopo ndia bulun-na ma'dak, tehu dae-a makadoek, nanahu dinis-sa la'en.

HAKIM-HAKIM 8:29

Basa natee-natatik ndia boema, Gideon fali ne'un leo nggolo-ta'dun neu, de ana leo neme naa.

SEMUEL SUSULAK-KA ESAN-NA 12:11

Basa boema, Manetualain nadenu Gideon, de basa boema Barak, de basa ndia boema, Yefta, ma mate'en-na au. Ami esa-esak soi-po'i emi neme emi musum-ma mai so, nalosa emi hapu maso'da no tetu-temak.

MAZMUR 83:9

Asyur boeo nakabubua nos so, ala da'di Lot ei-liman tititi-nonosin.

HAKIM-HAKIM 6:33

Nai lelek ndia, basa hataholi Midian, Amalek ma leoina fe'ek-kala leo-leon manai moo solokaek Yarden-na boboan dulu, lakabubua so. Ala lena Lee Yarden-na, de ala ofu nai Bafak Yizreel-La.

SEMUEL SUSULAK-KA ESAN-NA 29:1

Hataholi Filistin-nala lakabubua basa solda'dun-nala lala'en-na nai Afek, ma hataholi Israel-la ofu deka loo oemata manai Bafak Yizreel-la.