HAKIM-HAKIM 5:2 - Susula Malalaok Hehelu Palak Ma Hehelu Beuk

² Koa-kio Manetualain, nana palani ta'ti batu Israel-lala, laketu basa nai dalen-nala dalek, fo leu latee-lata'ti, ma laun-nala leu latee-lata'ti no dale hihii-nanau mesan-nala.

HAKIM-HAKIM 5:2 Referans Kwoze

HAKIM-HAKIM 5:9

Neu basa Israel malanga solda'du matuainan, ala fe aoinan-nala no sila dale hihii-nanau mesan-na, au anduku-alosak au kokoa-kikiong neus. Koa-kio Manetualain leona!

MAZMUR 110:3

Nai faik o mai no koasa, nai pupukuk malalao-malafuk-ka, o laum-mala tutulumatak no sila hihii-nanau mesan-na. Sama leo dinis-sa nai fai fafain-na, basa touana muli-soluk-kala, ala mai leo o mai.

2TAWARIKH 17:16

Hataholi katelu nde Amasia fo Zikhri anan-na; ana nauli-nalanga solda'du lifun natun dua. (Amasia nde bee na hataholi esa no dale hihii-nanau mesan-na, ana nau tunga neu Manetualain.)

FILIPI 2:13

nana Manetualain nde tao-no'i dede'ak sila la, nai emi ao inam dale, soaneu emi nau ma emi tao mabe'i Manetualain hihii nanaun.

NINITAK 19:2

Nakeketu na tunga ka'da ndo na, ma manatee tenok. Naketu basa huhukuk soaneu manasosoa-piao matuaina, fo manatao nalutu daebafa ka ninik sosoa-piaon. Manetualain huku basa manasosoa-piaok ndia, nana ana taonisa Manetualain ata nala.”

NINITAK 18:20

Hai nusa so'dak! Mamahoko-setelee neu kota ndia nakalulutu na! Hai Manetualain hataholi kamahehele nala, hataholi nadedenu kala, nabi-nabi la, mamahoko-setelee leona! Nana Manetualain hukun da'dileo babalak neu hata fo ana tao-no'in neu emi!

FILEMON 1:14

Tehu au ta nau tao leondiak, metema o beita makaheik fa. Au nau, metema o makaheik no dale katema tuak. Au ta nau laka-akaseti o fa.

2 KORINTUS 9:7

Hataholi a esa-esak muse fe tunga dale hihii na. Ana boso fe no dale bibia-seselik, do hu ka nde laka-nakasetik, nana Manetualain sue-lai hataholi fo ana fe no dale namahokok.

2 KORINTUS 8:12

Metema te'e-te'e emi nau fe soona, neukose Manetualain sipok emi fefeem ndia, tunga hata fo emi manuun, te ta tunga hata fo emi ta manuu fan.

1 KORINTUS 9:17

Leo uni'ka au akalala'ok tatao-nono'ik ndia ninik au hihii-nanau mesa nga soona, au bole amahena hapu ngga'di. Tehu au tui-benga Hala Malole ndia hu ka nde au nanapaletak. Manetualain nde paleta au fo au tao dede'ak ndia.

MAZMUR 136:15

Tehu Ana tao-na mane Masir-ra, no solda'dun-nala bolo; susue-lalain manaketu-basa tak, losa dodoon-na.

MAZMUR 97:8

Laun Sion-na, ma kota-kota Yehuda-la lamahoko, nai lelek lamanene Manetualain nakeketun-na.

MAZMUR 94:1

Ou Manetualain, O nde Manetualain fo manabalas matu'du O babalam-ma, ou Manetualain.

MAZMUR 48:11

O na'dem-ma nananita-nalelak, ma nanakoa-nanakiok nai basa daebafak-ka lala'ena, O paleta no ndoos ma matetuk.

MAZMUR 18:47

Manetualain naso'da! Kokoa-kikiok ba'eneu au manamasala'eng-nga! Mamatutua-mamadedema Manetualain ndela-sa'an fo au manasoi-manatefang-nga!

NEHEMIA 11:2

Nai hataholi sila dalek, hapu nggelok no dale hihii-nanau mesan-nala, lahiik leo lahele nai Yerusalem, de laun-na koa-kio hataholi sila.

ULANGAN 32:43

Hai, leoinak-kala lemin, koa-kio Manetualain anan-nala, nana Manetualain huku basa hataholi fo, manataonisas-sala so. Ana balas nape'da dalen-na, neu musun-nala, tehu Ana fe do'o do ampon neu anan-nala.”

ULANGAN 33:21

Ana ho'in-na, ndia soa dae neulauk-ka, nana sila hapu mauli-malangan dae duduin-na. Ala tao tunga basa Manetualain paletan-nala, ma hoholo-lalanen lala'en-na, nai lelek basa mauli-malangan Israel-la, lakabubua sama-sama.”

MAZMUR 103:2

Koa-kio Manetualain, hai au samaneng-nga, boso mafandele heni dale malolen lala'ena!