HAKIM-HAKIM 4:5 - Susula Malalaok Hehelu Palak Ma Hehelu Beuk

⁵ Biasan-na, Debora nangatuuk nai ai kurma huun-na, nai Rama ma Betel tala'da, nai letelepak Efraim-ma. Ma nai ndia nde, hataholi Israel-la mai loken, nanoli-nafa'dak.

HAKIM-HAKIM 4:5 Referans Kwoze

YEREMIA 31:15

Manetualain nafa'da nae, “Hala kiki-makaleleuk-ka lamanenen nai Rama, ma pinu idu lumatak-ka nai tei susa-dale he'dik-ka dalek, Rahel kii-makaleleu anan-nala, ana ta nau kokoe-nanasi fan nana ndia anan ta so.

SEMUEL SUSULAK-KA ESAN-NA 1:1

Hapu touk esa na'de Elkana, neme leo Efraim-ma mai. Ana leo nai kota Rama, nai Efraim dae letelepan-na. Elkana nde been-na, Yeroham anan, ma Elihu upun. Ana masok teidalek Tohu, fo ndanak neme leo Zuf-fa mai.

YOSUA 18:25

Boeo, kota ka sanahulu haak ia-la, loo nggolo-nggolok manai titia-tatain-nala nde: Gibeon Rama, Beerot, Mizpa, Kefira, Moza, Rekem, Yirpeel, Tarala, Zela, Elef, Yebus (fo nde Yerusalem), Gibea ma Kiryat-Yearim. Dae-dae fo ala fen neu teidalek manai leo Benyamin-na dalek, fo da'di sila pusakan-na, nde ndia.

YOSUA 16:2

Too ndia, neme Betel mai, de nakandoo leo Lus neu, boema ana tunga Atarot, fo nde hataholi Arki-la mamana leleon-na.

KELUARAN 18:26

Lakalala'ok sila bela-ba'un da'di leo manakee-manafula neu leoina Israel-la. Leni dede'a matua-la leo Musa neu, te sila laketu-lala'di aon dede'a nale'a-napilik anak-kala.

KELUARAN 18:19

Mamanene au nanoli-nafa'dang, fo neukose Manetualain tulu-fali o. Memak malole, nana o mapadeik nggati leoina ia, nai Manetualain matan, fo o meni leoina ia dede'an-na neun.

KELUARAN 18:13

Balahaa boema, Musa palisak hataholi Israel-la dede'a nale'a-napilin-nala. Ana palisak dede'ak ndia, neme fafaik losa le'odae.

KEJADIAN 35:8

Nai naa boe Debora, fo inak manamasu'u Ribka nai lelek bei anan-na, maten boema latoin nai ai manituk huun-na fo nai kota ndia boboa konan-na. Hu ndia de, ai ndia nanafoik na'de “Ai Kikii-makaleleuk.”

SEMUEL SUSULAK-KA ESAN-NA 25:1

Basa boema, mate Semuel. Basa hataholi Israel-la lala'en-na, lakabubua fo ala kii-makaleleu. Basa boema, latoin nai uman-na nai Rama. Basa ndia boema, Dauk neu leo moo solokaek Paran-na neu.

SEMUEL SUSULAK-KA ESAN-NA 1:19

Balahaa boema, Elkana no uma isin-nala fo'a fafaik, de ala makaluku-makatele basa neu Manetualain boema, ala fali leo Rama leu. Boema Elkana sungu no saoinan Hana ndia, de Manetualain sipok Hana huhule-haladoin.

KELUARAN 18:16

Metema, lale'a-lapilik soona, ala mai leo au mai, fo ela au aketu sila dede'an-na, ma au tui-benga fes, Manetualain paletan ma hoholo-lalanen-nala.”

HAKIM-HAKIM 4:4

Nai lelek ndia, manamauli-malanga Israel-la nde been-na, nabi inak esa, na'de Debora, fo Lapidot saon-na.

SEMUEL SUSULAK-KA ESAN-NA 22:6

Nai faik esa boema, Saul nangatuuk nai ai tamariska huun-na, fo nai pupukuk esa lain, nai Gibea; ana ho'u teen-na, ma basa malanga solda'du matuainan-nala, lapadeik okofeo-lan. Lelek namanene lae Dauk no solda'dun-nala, mamana nafunin-na nanabuluk so boema,

SEMUEL SUSULAK-KA ESAN-NA 7:17

Basa soona, ana fali leo uman-na nai Rama. Nai naa, ana da'di hataholi Israel-la mauli-malangan, ma napadedeik mei tunu-hotuk esa, ba'eneu Manetualain boe.