HAKIM-HAKIM 4:4 - Susula Malalaok Hehelu Palak Ma Hehelu Beuk

⁴ Nai lelek ndia, manamauli-malanga Israel-la nde been-na, nabi inak esa, na'de Debora, fo Lapidot saon-na.

HAKIM-HAKIM 4:4 Referans Kwoze

LUKAS 2:36

Nai ndia boe hapu nabi inak esa namalasi nanseli so. Na'de Hana, fo Fanuel neme leo Ase ra, anan ndia. Hana saoana basa teuk hitu boema,

2RAJA-RAJA 22:14

Boema, Hilkia, Ahikam, Akhbor, Safan ma Asaya leu loke natutu'duk neme inak esa, na'de Hulda. Inak ndia, nabi esa, fo ana leo nai nggolo beuk manai Yerusalem-ma. Saon-na, na'de Salum, fo Tikwa anan-na, ma Harhas upun-na; Salum ia, nde ito-ato papake-ngganggaok makaluku-makatele-a, nai Manetualain Uman. Lelek Hulda namanene, sila hala nafa'dan ndia boema,

KELUARAN 15:20

Boema Miryam, fo nabi inak esa, fo Harun ka'ainan-na, ho'in-na rebanan-nala, de basa inak-kala li'u no'u-no'u boema ala longe.

GALATIA 3:28

Nai dede'ak ia dalek, hataholi Yahudi no hataholi ta Yahudi, ata no malanga na, ma tou ka no ina ka, sama so. Emi basa-basa mala da'di esa, hu ka nde Kristus Yesus.

1 KORINTUS 11:5

Ma metema inak esa ana ta pake lalaa langak nai lelek ana hule-haladoi do nanduku-nalosak halak maneme Manetualai na nai hataholi ba'u ka matan soona, inak ndia nakamumulu-nakamamaek saotoun fo manda'di malangan neu ndia. Ndia sama leo, nono'kabai de inak ndia langa na nananggeupolik so.

HATAHOLI 21:9

Felipus ia anafe'on ha, de Manetualain fes malelak ma be'ibalakaik, fo ala tui-benga halak maneme Manetualain mai.

MIKHA 6:4

Au o emi kalua meme Masir mai so, ma Au soi heni emi neme ata dalek mai; Au adenu basa Musa, Harun, ma Miryam soaneu hela-nole emi so.

NEHEMIA 6:14

Au hule-haladoi ae, “Ou Manetualain, mafandendelek hata fo Tobia ma Sanbalat taon ndia. Hukus leona! Leondiak boe, nabi inak fo mana'de Noaja ma nabi-nabi fe'ek fo ala nau lakabibiik au-a.”

HAKIM-HAKIM 4:3

Yabin nanuu kaleta musu besi natun sio. Ana paleta hataholi Israel-la no balakaik, teuk duahulu dalen-na. Basa boema, laloo bou-bou loke tutulu-fafalik neu Manetualain.

HAKIM-HAKIM 4:5

Biasan-na, Debora nangatuuk nai ai kurma huun-na, nai Rama ma Betel tala'da, nai letelepak Efraim-ma. Ma nai ndia nde, hataholi Israel-la mai loken, nanoli-nafa'dak.

YESKIAL 13:17

Manetualain nafa'da nae, “Besak ia, hai hataholi daebafak fo, manasapu-manalalok-konei, taoafik neu basa inak fo, ala tao nono'kabai de, sila nabi nai emi leoina tala'da. Fes nasanene'da mahelek,

HAKIM-HAKIM 5:1

Faik ndia, Debora ma Barak, fo Abinoam anan-na lakamee, lae leo ia: