HAKIM-HAKIM 4:10 - Susula Malalaok Hehelu Palak Ma Hehelu Beuk

¹⁰ De Barak fo'a la'iesak leo Zebulon ma leo Naftali leo Kedes leu. Lelek ndia, hataholi manatunga Barak ma Debora, hataholi lifun sanahulu.

HAKIM-HAKIM 4:10 Referans Kwoze

HAKIM-HAKIM 5:15

Basa Isakhar lasi nggolon-nala, ala mai sama-sama loo Debora, hei, Isakhar mai, de Barak tunga boe; ala tungan, fo ala kona leo bafak-ka leu. Tehu leo Ruben-na, bei dodoo-tatai, nana sila ta dalek esa fa.

HAKIM-HAKIM 4:14

Boema, Debora nafa'da Barak nae, “Ayo, tutulumatak leona! Te Manetualain nde nauli-nalanga o. Faik ia, Ana fe o sengi Sisera.” Boema Barak sama-sama no hataholi lifu ka sanahulu duan-nala, kona leme Letek Tabor-ra lain mai;

1RAJA-RAJA 20:11

Mane Ahab-a nataa nae, “Mafa'da Mane Benhadad-a mae boso mamatutua dalem-ma nai lelek natee-natati be ta, tehu mamatutua dalem-ma nai lelek basa natee-natatik-ka.”

SEMUEL SUSULAK-KA ESAN-NA 25:27

Sipo-ma, popotik fo atam-ma nenik ia, soaneu au Ama Manek ma soaneu au Tuang-nga solda'dun-nala

HAKIM-HAKIM 4:6

Faik esa boema, nadenu hataholi neu naloo Barak, fo Abinoam neme kota Kedes-sa, nai nusa letelepak Naftali-a, anan-na. Boema nafa'da Barak nae, “Israel Manetualain-na paleta neun, ‘Maloo makabubua touk lifun sanahulu leme leo Naftali ma leo Zebulon-na mai, fo moos leo Letek Tabor-ra neu.

KELUARAN 11:8

Mate'en-na, Musa nafa'da nae, “Basa au Ama Maneng-nga, manapaletan-nala, neukose ala mai, fo ala sene-do'ok leu au matang-nga, ma loke fo ela au ma au leoinang-nga la'oela nusak ia. Basa ndia soona, neukose au la'o.” Boema Musa la'o ela manek-ka no namanasa nanseli.

HAKIM-HAKIM 6:35

Boeo, nadenu hataholi neu leo, leo Asyer, Zebulon, Naftali ma leo Manasye, nau manai Lee Yarden-na boboan dulu do manai boboan muli boe, fo nokes mai lakabubua lon. Boema basa-basas mai, soaneu tulu-fali Gideon.

MAZMUR 68:28

Benyamin nde bee-na, leo fo anak nanseli, ana la'ok nai uluk boema basa lasi-lasi Yehuda-la tunga ma basa lasi-lasik Zebulon ma Naftali-la, lai dean-na.