HAKIM-HAKIM 3:7 - Susula Malalaok Hehelu Palak Ma Hehelu Beuk

⁷ Hataholi Israel-la, lasala-lasingo neu Manetualain, fo sila Manetualain-na. Lafandele henin, nalosa ala hule-haladoi neu sosongo-tatangok Baal ma Asyera.

HAKIM-HAKIM 3:7 Referans Kwoze

KELUARAN 34:13

Da'di, boso tao leondiak, tehu tao makalulutuk sila mei tunu-hotun-nala, ma lo'oheni sila sosongo-tatangon Asyera, diin-nala.

2RAJA-RAJA 23:6

Ana kalua heni Lamatua Daebafa Inak Asyera, dodoki-dudulan neme Manetualain Uman dale mai, de nenis leo kota deak neu, fo leo Bafak Kidron-na neu. Ana hotu heni dodoki-dudulak sila-la, neme Bafak Kidron-na, boema ana pau ha'i kaan-na, de sopuanak, boema ana nggali afun-na leo laun-nala mamana loo-laten neu.

2TAWARIKH 33:19

Nai Nabi-la susula Tutuin dale boeo, nanasulak Manasye huhule-haladoin ma Manetualain natataan neu huhule-haladoik ndia, boema tutuik la'eneu sala-singok nai lelek ana beita tukatei-saledale fa, mamanak fo sene-do'ok neu sosongo-tatangok, ma ana taon-na lamatua daebafa Inak Asyera dodoki-dudulan-nala, ma sosongo-tatangok fo ana sene-do'ok neus-sala.

2TAWARIKH 33:3

Mamana sosongo-tatangok fo aman Hizkia tao nakalulutuk-kasa, ana nafofo'a falik-kasa. Ana nafofo'a mei tunu-hotuk soaneu sene-do'ok neu Baal-la, ma ana tao lamatua daebafa Inak Asyera dodoki-dudulan, boema ana sene-do'ok neu nduuk-kala.

2TAWARIKH 24:18

Boema laun-na ta sene-do'ok nai Manetualain Uman, fo sila bei-ba'i kain Manetualain-na so'on, tehu ala sene-do'ok neu sosongo-tatangok ma lamatua daebafa Inak Asyera dodoki-dudulan. Sila sala-singon ndia taon-na Manetualain namanasa Yehuda ma Yerusalem.

2TAWARIKH 15:16

Basa boema Asa kaluaheni bein Maakha neme nangatutuun fo da'di leo Ina Manek nana ana taon-na dodoki-dudula sosongo-tatangok sosoa-piaok soaneu Asyera, fo lamatua dabafak inak fo manafe bubu'u-palusa lalole. Asa hea nabuu dodoki-dudulak ndia de ana tao nakalulutuk-kana, boema ana hotuhenin neme Bafak Kidron-na.

2RAJA-RAJA 23:14

Ana tao natu'u lamatua daebafak-kala batu lutun-nala, ma lamatua daebafa inak Asyera, dodoki-dudulan, boema dae, fo nai bee, batu lutu ma dodoki-dudulak sila-la lapadeik-ka, Yosia nakadofu ketun nenik, hataholi-la duin-nala.

1RAJA-RAJA 18:19

Da'di, fe paleta neu basa laun Israel-la lala'en-na fo ala mai latongo loo au nai Lete Karmel la. Boeo moo Baal-la nabi natu ka haa limahulun-nala, ma Asyera fo lamatua daebafa inak-ka, nabi natu kahaa nala fo Ina Manek Izebel-la nakaboboik-kala!”

1RAJA-RAJA 16:33

Ana tao na Asyera, fo lamatua daebafa inak ka, doki-dulan boe. Ana tao sala-singok ba'u ka seluk neme basa mane Israel makahuluk-kala tao-no'in. Hu ndia de, ana tao lafo'a Manetualain fo hataholi Israel-la muse sene-do'ok-ka nasa-melun.

HAKIM-HAKIM 6:25

Nai le'odaek ndia, Manetualain fe paleta ia neu Gideon nae, “Pa'a-ma, o amam sapi mane neulaun-na, teun 7. Ofeheni mei tunu-hotuk fo o amam napadedeik-kana soaneu Baal, boema tao matu'u dii fo ana da'di ta'du neme lamatua daebafa inak Asyera, nai mei tunu-hotuk ndia boboan-na.

HAKIM-HAKIM 3:12

Hataholi Israel-la, lasala-lasingo seluk neu Manetualain, nalosa Manetualain tao-na Eglon, fo mane Moab-pa, balakain-na lena heni Israel.

ULANGAN 16:21

Metema, emi tao fe emi Manetualaim-ma mei tunu-hotuk soona, boso tao ai nanadoki-dulak sosongo-tatangok fo nalupa Asyera mata aon, neu boboan-na,

ULANGAN 4:9

Taoafik ma mafandendelek matalolole, fo ela nai emi fai maso'dam-ma dalek, emi ta mafandele heni hata fo emi mita matam so. Tui emi upu-anam-mala,

2TAWARIKH 34:7

Yosia tao nakalulutuk mei tunu-hotuk-kala ma lamatua daebafa Inak Asyera dodoki-dudulan nai basa Nusak Kii lala'en-na, ma ana tao nakalulutuk basa mei tunu-hotu boomenik-kala. Basa boema Yosia fali ne'un leo Yerusalem neu.

2TAWARIKH 34:3

Yosia da'di manek teuk falu, fo nai lelek bei muli-soluk nanseli boema, ana mulai sene-do'ok neu Manetualain fo ba'in Manek Dauk-ka sene-do'ok-ka. Basa teuk haa boema, ana mulai tao nakalulutuk mamana sosongo-tatangok-kala, lamatua daebafa Inak Asyera dodoki-dudulan, ma sosongo-tatango fe'e-fe'ek-kala.

HAKIM-HAKIM 3:8

Boema, Manetualain namanasa hataholi Israel-la, de Ana po'ilotak Manek Kusyan-Risyataim neme Mesopotamia, ana sengis. Manek ndia koasas teuk 8 dalen-na.

HAKIM-HAKIM 8:34

Ala ta sene-do'ok seluk neu Manetualain, fo sila Manetualain, fo manasoi-po'is neme basa musu manai boboa-kaisun-nala, koasan-na mai.

SEMUEL SUSULAK-KA ESAN-NA 12:9

Tehu basa boema, lafandeleheni Manetualain, fo sila Manetualain-na, hu ndia de, Ana po'ilotak Sisera, fo malanga solda'du matuaina nai Hazor, ma hataholi Filistin-nala boema Moab manen-na, sapu-lalas de ala kala.

SEMUEL SUSULAK-KA ESAN-NA 12:10

Basa boema, ala hule-haladoi neu Manetualain ma ala manaku sila sala-singon-nala; lafa'da lae, ‘Ami masala-masingo basa so, nanahu ami lepos masadea O, ou Manetualain, ma ami sene-do'ok neu Lamatua daebafak Baal ma Asytoret, dodoki-dudulan-nala. Tehu besak ia, soi-tefa-mala ami neme ami musum-ma mai, soona neukose ami sene-do'ok neu O!’

MAZMUR 106:7

Lelek ami bei-ba'i kaim-mala leme Masir-ra, ala ta lalelak fa; ala ta lalelak O tatao-nono'i matuainam-ma, sosoa-ndandaan fa. Ala lafandele heni, O susue-lalaim fo, manasasi kao-kaok-ka, ma ala la'ban Manetualain Fo Mademaina paletan-na, nai deka no Tasi Gelagah.

YEREMIA 23:27

Ala dudu'a lae, neniuk me'i-afek fo sila tuik ndia de, Au anang-ngala lasanggango neu Au salma leo sila bei-ba'i manamaten-nala lasanggango heni Au, de ana sese-do'ok neu Baal-la.

ULANGAN 8:11

“Manea matalolole, fo boso nalosak emi mafandele heni, emi Manetualaim-ma; ho'u la'iesak hoholo-lalanen fo au fen neu emi, nai faik ia dalen-na.

ULANGAN 8:14

manea matalolole, fo ela emi boso da'di hataholi manakoao-ndaeaok, ma mafandele heni emi Manetualaim-ma fo manasoi-po'i emi neme Masir mai, fo mamanak manatao emi da'di ata.

ULANGAN 8:18

Mafandendelek te, emi Amam Manetualaim nde fe emi su'i-betes ndia. Ana tao leondiak, nanahu losa faik ia dalen-na, Ana bei lilineka neu hehelu-balataan, fo Ana taon no emi bei-ba'i kaim-mala.

HAKIM-HAKIM 8:33

Mate basa Gideon boema, hataholi Israel-la, ta lilineka neu Manetualain so'on. Ala sene-do'ok neu lamatua daebafak Baal-la, ma ala tao Baal-Berit da'di sila-lamatua daebafan-na.

MAZMUR 106:35

Nakalenak, ala leo-lapalasa loo leoina sila-la ma ala na'da hataholi fo, ta lalelak Manetualain ndia, so'dan-nala eno-dalan.

MAZMUR 106:36

Boema, ala sene-do'ok neu sosongo-tatanok-kala, de dede'ak ndia nde da'di hihi'ik ba'eneus.