HAKIM-HAKIM 3:2 - Susula Malalaok Hehelu Palak Ma Hehelu Beuk

² Manetualain tao dede'ak ndia, no ka'da dudu'ak, soaneu nanoli basa bobongi Israel-la, natee-natatik-ka, tehu ka'da soaneu sila fo beita tunga lita, natee-natatik-ka fa.

HAKIM-HAKIM 3:2 Referans Kwoze

2 TIMOTIUS 4:7

Au tunga nakasusu'dik lala'ena no malole de, au losa dae dudui mate'e ka so. Ma au lilineka ahele Kristus losa mate'e na.

2 TIMOTIUS 2:3

O boeo muse doidoso, sama leo Kristus Yesus solda'du mana lilineka mahelen.

1 TIMOTIUS 6:12

Sanga enok te'e-te'e fo maso'da sama leo hataholi Salani ka, fo daenga o hapu so'da matetu ka ma mana ketu basa ta ka. Nana hu ka nde dede'ak ndia de, Manetualain nalo o ndek lelek fo o makaheik neme hataholi mafandii kala matan mae, o mamahele Kristus.

YOHANIS 16:33

Au afa'da basa dede'ak ia la, fo ela emi hapu so'da-molek, hu ka nde emi da'di esa mo Au. Neukose emi to'a-sota nai daebafa ka. Tehu matetea-mahehele emi dale ma! Nana Au sengi daebafa ka so!”

2TAWARIKH 12:8

Sisak koasa sila, fo ela ala bubuluk tao leo beek fo lamahele neu Au ma tao leo beek fo lamahele neu manakoasa daebafak-kala.”

KEJADIAN 3:7

La'a basa ai boak ndia tutika, dudu'a-aafin-nala latahuka, de lame'da, lae sila makaholak-kala. Hu ndia de, ala tututi-tatapa ai kaak-ka doon-na, de ala babaa ketu aon-nala.

KEJADIAN 3:5

Manetualain nafa'da nae leondia nanahu, Ana bubuluk, metema emi mi'a ai boak ndia soona, neukose emi dudu'a-aafim natahuka; fo neukose emi da'di sama leo Manetualain, fo emi bubuluk hata fo malole ma hata fo mangalauk-ka.”

KEJADIAN 2:17

ta'da fe'e ai fo, manafe malelak la'eneu beek-ka nde malole, ma beek-ka nde magalauk-ka. O ta bole mu'a boan-na fa; nana metema o mu'a boan-na soona, tao leo bee-o, neukose mate o, faik ndia boe.”

HAKIM-HAKIM 3:1

Soaneu fola hataholi Israel fo beita latee-latati lita nai Kanaan fa, de Manetualain po'ilotak leoina de'ubee, leo lahele leme nusak ndia.

HAKIM-HAKIM 3:3

Leoina fo bei leo lahele nai nusak ndia: nde leoina fo manaleo nai Filistin kotan lima dalek-ka, basa leoina Kanaan-nala, leoina Sidon-na, ma leoina Hewi, fo manaleo nai letelepak Libanon-na, mulai neme Letek Baal-Hermon-na losa leo enok manaleo Hamat neu.