HAKIM-HAKIM 2:7 - Susula Malalaok Hehelu Palak Ma Hehelu Beuk

⁷ Lelek Yosua bei naso'da, hataholi Israel-la lakaluku-lakatele neu Manetualain. Lelek nate Yosua boeo, lakaluku-lakatele lahele neu Manetualain nai lelek hataholi fo nita matan, manada'di beuk lala'en, fo Manetualain taon soaneu hataholi Israel-la, bei hela-noles.

HAKIM-HAKIM 2:7 Referans Kwoze

FILIPI 2:12

Hu ndia, tolano susue-lalai ngala lemin, sama na leo emi tunga mahele au, nai lelek fo au be'i o emi a, lena-lenak besak ia, nai lelek ita komododoon, ela leo bee na emi tunga mahele au. Manetualain soi-tefa nala emi so, hu ndia de sanga enok makandoo fo ela emi so'da ma, natetu-nandaa. Tao-no'i basa dede'ak sila la no ha'da-holomata, ma tunga neu Manetualain,

YOSUA 24:31

Lelek Yosua bei naso'da, hataholi Israel-la lakaluku-lakatele neu Manetualain. Ma lelek mate basan boeo, bei lakaluku-lakatele lahele neu Manetualain lelek nai sila dalek, bei hapu mauli-malangan fo lita matan basa hata lala'en fo Manetualain taon, soaneu hataholi Israel-la.

2TAWARIKH 24:2

Nai lelek Imam Yoyada bei naso'da, Yoas tao-no'i dede'ak fo nandaa no Manetualain dalen-na.

2RAJA-RAJA 12:2

Hu kande, Imam Yoyada nanoli-nafa'dan-na, de nai Yoas maso'dan-na dalek, ana tao hata fo nandaa no Manetualain dalen-na.

HAKIM-HAKIM 2:6

Lelek Yosua po'i hataholi Israel-la la'o, boema sila boeo la'o fo leu langatuu-la, dae fo ana da'di sila esa-esak baba'en.

HAKIM-HAKIM 2:8

Yosua fo Nun anan-na – fo Manetualain atan ndia – maten nai teun natun esa sanahulu.

HAKIM-HAKIM 2:17

Tehu, ala ta lafaduli mauli-malangan sila-la fa. Ala sene-do'ok neu lamatua fe'ek-kala, ma ala ta liineka neu Manetualain fa. Ala ta tunga bei-ba'i kain-nala ha'da-tataon, fo manatunga Manetualain paletan-nala fa.