HAKIM-HAKIM 16:2 - Susula Malalaok Hehelu Palak Ma Hehelu Beuk

² Boema, laun Gaza-la lamanene, lae Simson nai naa. Da'di, ala okofeo-la mamanak ndia, de lahanin le'odae katemak esa, nai kota lelesuinan-na. Tehu ala ta tao hata-hata nai le'odaek ndia fa, nanahu ala dodoo lae, “Mahani te, metema le'do tii soona, besak-ka ata tao tisan.”

HAKIM-HAKIM 16:2 Referans Kwoze

SEMUEL SUSULAK-KA ESAN-NA 23:26

Saul no solda'dun-nala, lai letek-ka selik ia, ma Dauk no solda'dun-nala lai selik eli. Saul mulai nakahapi-nalas, fo ana sanga ho'us, tehu no lai-laik, Dauk nala deak.

HATAHOLI 9:24

Tehu Saulus bubuluk sila dudu'a mangalaun ndia. Lele'do le'odaen hataholi Yahudi la lanea lahele kota ndia lelesu ina na fo ala hapu taolisa Saulus.

HATAHOLI 23:15

Naa, besak ia tolanoo kala mo mana maketu-mala'di agama la, ela leo bee na haitua fe malanga solda'du Roma susulak, fo moke lo falik Paulus mai nataa emi, fo ta'ko mae, emi sanga palisak matalolole seluk dede'a na. Soona ami mahehele ao fo ana beita losa ia fa te, ami taomisan so.”

MATEOS 27:1

Fafai anak boema malanga imam ala ma lasi-lasi Yahudi la ho'i nakeketuk, fo tao lisa Yesus.

MATEOS 21:38

Tehu hataholi mana'a ngga'di la lita dae lamatuak ndia ana na boema, esa kokolak no esa nae, ‘Na, manoo nuu ka, ana mai nde ia so. Tao tisan leona, fo daenga ita hapu pusaka nala!’

SEMUEL SUSULAK-KA ESAN-NA 19:11

Nai le'odaek ndia boe, Saul nadenu hataholi de'ubee leu leo Dauk uman leu, fo ala maku Dauk, fo fafaik soona, ala taolisan. Tehu Dauk saoinan Mikhal, nafa'dan nae, “Metema le'odaek ia, o ta malai fa soona, tao leo bee-o, balahaa fafaik te, ala taolisa o.”

HAKIM-HAKIM 15:18

Basa boema, Simson name'da maana ma'da nanseli, nalosa naloo bou-bou neu Manetualain. Nafa'da nae, “Manetualain, besak-ka O fe au sesengi matuaina ia. Besak ia, nemen-na, fo au mate no maa ma'dak-ka, nalosa hataholi Filistin fo ta lalelak O ia, ala ho'u-la au do?”

LUKAS 21:20

Yesus kokolak nakandoo nae, “Metema emi mita solda'du la lapadei okofeo la Yerusalem soona, neukose emi bubuluk mae kota ndia ta doo ka so'on te neukose nanatao nakalulutuk.

HAKIM-HAKIM 16:3

Tehu Simson ta sungu nai ndia losa fafaik fa. Fatila'da, de ana fo'a boema, neu leo kota lelesuinan-na neu. Ana fe'a heni la'iesak, lelesu ndia no diin-nala, ma ai betubalan-nala. Basa boema, ana lu'a-na lelesu ndia, de ninin leo pupukuk manai Hebron selik, poin-na neu.