HAKIM-HAKIM 14:3 - Susula Malalaok Hehelu Palak Ma Hehelu Beuk

³ Tehu ina-aman lae, “Tao le'e de, muse teu leo hataholi Filistin-na teu, ka'da soaneu hapu saoinak, te se'kona, Manetualain anan ta sila fa? Ade, ta hapu anafe'oanak fo nandaa, nai ita leo-ingu, do nai basa ita leoinan-na lala'en-na dalek fa do?” Boema Simson nataa aman nae, “Tehu, au hiik-kande, anafe'oana Filistin ndia dei. De au amahena, ama nau neu a'du fen leo au mai.”

HAKIM-HAKIM 14:3 Referans Kwoze

SEMUEL SUSULAK-KA ESAN-NA 17:36

Atam-ma taonisa, nau singa do meoasu boe, de hataholi Filistin dinitiu ndia boeo, neukose sama-na leo bana sila-la, nanahu napalani nakamumulu-nakamamaek Manetualain fo maso'dak-ka, solda'dun-nala.

HAKIM-HAKIM 15:18

Basa boema, Simson name'da maana ma'da nanseli, nalosa naloo bou-bou neu Manetualain. Nafa'da nae, “Manetualain, besak-ka O fe au sesengi matuaina ia. Besak ia, nemen-na, fo au mate no maa ma'dak-ka, nalosa hataholi Filistin fo ta lalelak O ia, ala ho'u-la au do?”

2 SEMUEL 1:20

Sa'di leo been-na, hataholi Gat-tala, ta lamanene manada'dik ndia fa. Sa'di leo been-na, mangalolok Askelon-nala, ta hapu halak la'eneu dede'ak ndia fa. Boso nalosak ina Filistin-nala eeki-latadale boso nalosak, ina dinitiu-la lakalupu-lakasee.

SEMUEL SUSULAK-KA ESAN-NA 31:4

Boema, Saul nafa'da ta'eanak manaho'u tafa-sisilon nae, “Fe'a-ma, o tafainam-ma, fo paun neu au, fo ela hataholi fo ta lalelak Manetualain sila-la, boso tao lakamiminak au, fo taolisa au.” Tehu ta'eanak ndia, ta nau pau fan, nanahu ana sue-na Saul ba'un-na seli. Hu ndia de, Saul ho'in-na tafainan-na, de ana bala aoinan-na neu tafaina ndia, tanen lain.

SEMUEL SUSULAK-KA ESAN-NA 17:26

Boema Dauk nae, “Hataholi Filistin dinitiu ndia, napalani nanseli nahee Manetualain fo maso'dak-ka solda'dun-nala!” Basa boema, natane solda'du esa nae, “Ala fe hataholi fo ana bisa taonisa hataholi Filistin ndia beek, fo lose heni nakamumulu-nakamamaek-ka neme Israel mai?”

SEMUEL SUSULAK-KA ESAN-NA 14:6

Boema Yonatan nafa'da touanak manaho'u tee-tafan ndia nae, “Mai fo ata teu leo hataholi Filistin dinitiu sila-la, uma nanean-na teu. Fafa'kama Manetualain nau tulu-fali ita. Nana Manetualain hapu fe sesengik neu, nau nenik hataholi makadotok, do hataholi lumanak boe.”

KEJADIAN 34:14

Ala lafa'da hataholi ka duak sila-la lae, “Ami ta nau ami fa'dim-ma sao hataholi fo ta nanasunat fa.

KEJADIAN 13:8

Abram nafa'da Lot nae, “Ita ia, tolanook, de ta malole, metema o hataholim-mala, ma au hataholing-ngala, esa nale'a no esa.

KEJADIAN 21:27

Boema, Abraham fe Abimelekh bi'ilopo ma sapi makadotok, de basa boema, hataholi ka duak sila-la, ala tao hehelu-balataak leona.

HAKIM-HAKIM 14:2

Boema, ana fali ma'in, de nafa'da ina-aman nae, “Au daleng-nga tu'da neu anafe'oana Filistin esa nai Timna. Au dokodoe neu ama no ina, fo meu a'du fen leo au mai.”

YOSUA 23:12

Metema, emi ta lilineka, ma emi sese'do-babalik moo leoina fo ala bei leo lai emi tala'da, boema emi taos da'di emi saom soona,