HAKIM-HAKIM 13:8 - Susula Malalaok Hehelu Palak Ma Hehelu Beuk

⁸ Manoah namanene dede'ak ndia boema, ana hule-haladoi neu Manetualain nae leo ia: “Manetualain, sa'di leo been-na madenu seluk O atam ndia, ana mai leo ami mai, fo nafa'da hata fo ami muse taon soaneu ni'iana ndia, nai lelek bongi basan.”

HAKIM-HAKIM 13:8 Referans Kwoze

HATAHOLI 9:6

Tehu besak ia fo'a leona, fo mu leo kota dale mu. Nai ndia, neukose o bubuluk hata fo o muse tao-no'in.”

AYUB 34:32

O moke hain so do beik soaneu Ana natu'du o sala-singok? O soo-supak hai so do beik soaneu hahae tatao-nono'i leondiak-ka?

HAKIM-HAKIM 13:3

Tehu faik esa boema, Manetualain ata nusa so'dan-na, natu'du aoinan-na neun, de nae, “Doo-doo basa ia, o ta manuu anak esa boen, tehu ta dook-ka so'on te, neukose o mailu, fo o bongi-ma, ni'iana touanak esa.

HAKIM-HAKIM 13:6

Basa ndia boema, Manoah saoinan-na, neu leo saotoun-na neu de nafa'dan nae, “Ka'a, Manetualain hataholi nadedenun-na, ana mai leo au mai; lupan-na sama leo Manetualain ata nusa so'dan-na, nalosa au bii anseli. Au ta atanen, neme bee mai fa, ma ndia boeo, ta nafa'da na'den-na neu au boen.

HAKIM-HAKIM 13:7

Tehu nafa'da nae, neukose au ailu, fo au bongi nii'ana touanak esa. Boeo nafa'da nae, au ta bole inu angol do nininuk fo neni mamafuk, do au u'a hata nananalulik, nana muse fe ni'iana ndia leo Manetualain neu, fo ana da'di hataholi esa, ana fe aoinan-na neu Manetualain, nai fai maso'dan-na dalek.”

HAKIM-HAKIM 13:9

Manetualain namanene Manoah nonoken ndia. Boema Manetualain ata nusan-na mai seluk, nai lelek Manoah saoinan-na bei nangatuuk nau-nau nai tina. Nai lelek ndia, saotoun-na ta nai ndia fa.

HAKIM-HAKIM 13:11

No lai-laik, Manoah tunga saoinan-na. Neu deka no hataholi ndia, de natanen nae, “Tuan nde neni halak, fe au saoinang-nga do?” Boema nataa nae, “Tete'ek-ka.”