HAKIM-HAKIM 10:6 - Susula Malalaok Hehelu Palak Ma Hehelu Beuk

⁶ Hataholi Israel-la, lasala-lasingo seluk neu Manetualain. Ala ta taoafik neu Manetualain fa, ma ala ta sene-do'ok-kana so'on. Ala sene-do'ok neu lamatua daebafak Baal ma Asytoret, boema leoina Siria, Sidon, Moab, Amon ma Filistin lamatua daebafan-nala.

HAKIM-HAKIM 10:6 Referans Kwoze

2RAJA-RAJA 23:13

Boeo, ana tao nanggenggeo basa mei tunu-hotuk manai Yerusalem boboan dulu, fo nai Pupukuk Mangalauk-ka boboan kona. Mane Salomo-a, tao mei tutunu-hohotuk sila-la, fo ana sene-do'ok neu lamatua daebafak nanamaluak ndia – fo nde Asytoret, fo leoina Sidon-na, lamatua inan-na, Kamos, fo leoina Moab-pa, lamatua daebafan-na, ma Milkom, fo leoina Amon-na, lamatua daebafan-na.

1RAJA-RAJA 11:33

Neukose dede'ak ndia Au taon, nanahu Salomo la'oela Au so, de ana sene-do'ok neu lamatua daebafak-kala, fo nde: Astoret, leoina Sidon na lamatua daebafa inak ka; Kamos, fo leoina Moab pa lamatua daebafan-na; ma Milkom, fo leoina Amon na lamatua daebafan-na. Salomo ta tunga Au hihii-nanaung fa. Salomo ta sama leo aman Dauk fa, fo ana tunga neu Au ma ana tao tunga Au paletang-nga la.

1RAJA-RAJA 11:7

Nai letek lain fo nai Yerusalem boboan dulu, ana tao mamana sosongo-tatangok soa neu Kamos, fo hataholi Moab ala lamatua daebafan-na, ma soaneu Molokh, fo hataholi Amon nala lamatua daebafan-na – lamatua daebafak-kaduak sila-la nanamaluak.

1RAJA-RAJA 11:5

Salomo sene-do'ok neu Astoret, fo leoina Sidon lamatua daebafa inan-na, ma lamatua daebafa Molokh fo nanamaluak fo leoina Amon-na sene-do'ok-ka.

YEREMIA 2:13

Au anang-ngala tao sala-singok matak dua: ala la'o ela Au, fo oemata maso'dak-ka, de ala kali aon sila lifun-na, fo nde lifu fo, sama leo ule ba'ek-ka, fo oe ta nate'e nai dalek fa.”

MAZMUR 106:36

Boema, ala sene-do'ok neu sosongo-tatanok-kala, de dede'ak ndia nde da'di hihi'ik ba'eneus.

2RAJA-RAJA 17:16

Ala la'olena sila Manetualain hoholo-lalanen lala'en-na, de ala tao-la sapi dua neme liti-a mai, fo ala sene-do'ok neun. Ala tao lamatua daebafa Inak Asyera, dodoki-dudulan, ala sene-do'ok neu nduuk-kala, ma ala sene-do'ok neu Lamatua Daebafak Baal-la.

HAKIM-HAKIM 16:23

Faik esa boema, manakoasa Filistin-nala lakabubua, fo ala sanga tao feta, fo tunu-hotu tutunu-hohotuk matuaina fe Dagon, fo sila lamatua daebafan-na. Lakamee lae, “Ita lamatua daebafan-na, ana fe ita sengi Simson, fo ita musun-na!”

2TAWARIKH 28:23

Ana tao soe aoinan-na ma laun-na, nanahu ana fe tutunu-hohotuk neu hataholi Siria-la lamatua daebafan-nala, fo manatao kalan-nana. Ana dodoo nae, “Siria lamatua daebafan-nala tulu-fali mane-manek Siria-la so, da'di metema au fes tutunu-hohotuk soona, neukose ala tulu-fali-la au boe.”

1RAJA-RAJA 16:31

So'da masala-masingo ka beita dai ba'eneu fan, sama leo Mane Yerobeam-ma, lena-lenak ana saon-na Izebel, fo Mane Etbaal la neme Sidon mai, anafe'on-na, de ana sene-do'ok neu Baal-la.

SEMUEL SUSULAK-KA ESAN-NA 5:2

Losa ndia boema, ala ko'o leni peti ndia leo sila lamatua daebafan fo nde Dagon, uma sosongo-tatangon dale neu, de ala pe'dan neu lamatua daebafak ndia dodoki-dudulan boboan-na.

HAKIM-HAKIM 13:1

Hataholi Israel-la lasala-lasingo seluk neu Manetualain, boema Manetualain po'ilotak hataholi Filistin-nala, koasas teuk 40 dalen-na.

HAKIM-HAKIM 6:1

Hataholi Israel-la lasala-lasingo la'iesa seluk neu Manetualain nalosa Ana po'ilotak leoina Midian-na koasas teuk hitu dalen-na.

HAKIM-HAKIM 4:1

Mate basa Ehud boema, hataholi Israel-la lasala-lasingo seluk neu Manetualain.

HAKIM-HAKIM 3:7

Hataholi Israel-la, lasala-lasingo neu Manetualain, fo sila Manetualain-na. Lafandele henin, nalosa ala hule-haladoi neu sosongo-tatangok Baal ma Asyera.

ULANGAN 32:15

Manetualain anan-nala da'di kamasu'i-makabetek, tehu ala hii lena-la'ban paleta laao bebonu, ma lakabete nana'ak. Boema ala la'oela Manetualain fo Manamakadada'dik sila ma ala ta sipok Manasoi-manatefa palani tatibatu-na fa.

ULANGAN 31:16

Manetualain nafa'da Musa nae, “O mamatem-ma deka so. Mate o soona, leoina Israel-la, ta lilineka neu Au so'on, ma lafandeleheni hehelu-balataak fo, Au taon no sila. Neukose, ala la'oela au, fo ala sene-do'ok neu lamatua daebafak manai nusak fo, ta dook-ka so'on te, emi masok mala dalek ndia.

ULANGAN 31:17

Metema, ana da'di leondiak soona, neukose Au nasa-melung, lua ponu-ponu neu emi. Neukose, Au la'oelas, ma Au tao amopo-amates. Neukose, susa-soe matuaina makadotok, ala tuni-ndeni lalas, boema neukose, ala lame'da lae basa sila-la ala da'di, hu kande Au, sila Manetualain fo ta nok sila so'on.

YOSUA 13:31

Basa boema, nusa Gilead-ta seli, nai dalek boe, boema Asytarot ma Edrei, fo nde Mane Og-ka nai Basan, nusa paletan-na, popon duas. Ala fe la'iesak nusak ndia leo Mahir, fo Manasye anan-na, tititi-nonosin teidalen-nala.

HAKIM-HAKIM 10:5

Mate Yair, de latoin nai Kamon.

HAKIM-HAKIM 11:24

De besak ia, ade, o nau ho'i falik-kasa do? O bole manuu mahele Kamos, fo o lamatua daebafam ndia, ana fe o dae-a. Tehu, hata fo Manetualain, fo ami Manetualaim-ma, fe basan neu ami so, neukose ami manea mahelen.

YESAYA 23:4

Hai, kota Sidon-na nei, o na'de matua-mademam-ma, mopon so! Tasi mademaina, ta manaku o so'on, de nae, “Au beita bongi ita, au beita akaboboi ita ni'iana touanak, ma inaanak fa.”

YESKIAL 27:16

Basa manadangan fo maleme nusa Siria mai, ala asa bua dangam-mala, ma o bua-lo'a makadotom sila-la. Ala bae lenik batu poemata fo dulan-na momo'dok, tema pila balanggeok, tema nanaseu-sook nenik bunga, tema abalutu, batu poemata koral, ma batu pilas dalima.

ULANGAN 13:6

Metema, emi tolanom, do emi anatoum do anainam, do emi saoina susue-lalaim-ma, do emi tia-laim-mala, no denge-dengek, ala fufu'di-oodok emi, fo sene-do'ok neu lamatua daebafak fe'ek-kala, fo emi beita malalelak-kasa, ma emi bei-ba'i kaim-mala boeo beita lalelak-kasa fa, leoina fo manaleo deka do manaleo lai dook-ka, lamatua daebafak-nala,

ULANGAN 13:8

emi boso mamanenen do boso po'ilotak ala fufu'di-oodok emi. Boeo, emi boso sue-lai do masulu-mahapa hataholi ndia.

HAKIM-HAKIM 8:33

Mate basa Gideon boema, hataholi Israel-la, ta lilineka neu Manetualain so'on. Ala sene-do'ok neu lamatua daebafak Baal-la, ma ala tao Baal-Berit da'di sila-lamatua daebafan-na.

YEREMIA 2:20

Manetualain nafa'da nae, “Dook-ka so, o ta nau da'di ata neu Au fa; o ta nau tunga, do sene-do'ok neu au fa. Nai pupuku mademaina-la esa-esak lain, ma nai aihuuina-la esa-esak huun-na, o sene-do'ok neu lamatua daebafak, fo manafe dae-a nalole.

YEREMIA 32:23

Tehu nai lelek ala mai lo nusak ia mai de latona-la boema, ala ta nau tunga O paletam-mala fa, ma ala ta laso'da tunga O nanoli-nafa'dan fa. Basa hata fo O paletak neu sala ala ta tao-no'i esa boen. Hu ndia de O muni fes basa susa-soe iala neu sila.