HAKIM-HAKIM 1:4 - Susula Malalaok Hehelu Palak Ma Hehelu Beuk

⁴ ma leo Yehuda, leu latee-lata'ti sama-sama. De Manetualain fes sengi hataholi Kanaan-nala, ma hataholi Feris-sala. Mate solda'du musu lifun sanahulu nai Bezek.

HAKIM-HAKIM 1:4 Referans Kwoze

SEMUEL SUSULAK-KA ESAN-NA 11:8

Ala tao lakabubuas, de ala leke dede'un-nala, de neme Bezek mai: hapu hataholi Israel lifun natun telu, ma hataholi Yehuda lifun teluhulu.

1RAJA-RAJA 22:15

Mikha losa Mane Ahab-pa matan boema, manek-ka natane nae, “Au ma Mane Yosafat a bole meu sapu ma Ramot do ta?” Mikha natan-nae, Sapu man leona, “Te tao leo bee o Ama Manek hapu buna-boan. Neukose Manetualain fe Ama Manek sengi.”

1RAJA-RAJA 22:6

Boema Ahab naloo nakabubua fafa'kama nabi natun haa boema natanes nae, “Au bole u sapu a Ramot do ta?” Lataa lae, “Bole! Neukose Manetualain fe kota ndia neu Ama Manek.”

SEMUEL SUSULAK-KA ESAN-NA 14:10

Tehu, metema ladenu ita teu leo sila teu soona, neukose ita teu leo naa teu, nanahu ndia nde da'di ta'du-tana nae, Manetualain fe basa sila neu ita so.”

SEMUEL SUSULAK-KA ESAN-NA 14:6

Boema Yonatan nafa'da touanak manaho'u tee-tafan ndia nae, “Mai fo ata teu leo hataholi Filistin dinitiu sila-la, uma nanean-na teu. Fafa'kama Manetualain nau tulu-fali ita. Nana Manetualain hapu fe sesengik neu, nau nenik hataholi makadotok, do hataholi lumanak boe.”

ULANGAN 9:3

Tehu besak ia, neukose emi mita matam, tao leo beek de, emi Manetualaim-ma, Ana la'ok nai emi uluk, sama leo ha'i manatao maputuk-ka. Neukose, Ana sengi hataholi sila-la, nai emi matam, nalosa no lai-laik, emi bisa usihenis ma emi tao mamate-mamopos, sama leo Manetualain helu basak-ka so.

ULANGAN 7:2

Metema, emi Manetualaim-ma fe leoina sila-la, leo emi koasam dale neu, fo emi sengis soona, taomisa la'iesak-kasa. Emi boso sue-lais, do tao hehelu-balataak moo hataholi sila-la.

HAKIM-HAKIM 1:3

Boema, leo Yehuda nafa'da leo Simeon-na nae, “Tulu-fali ami, fo teu sapu-ta, hataholi Kanaan-nala, fo ata tangatuu-ta, nusak fo Manetualain naketu fen neu ami. Mahani te, neukose ami boeo tulu-fali emi, fo emi mangatuu-ma, nusak fo Manetualain naketu fen neu emi.” Boema leo Simeon

HAKIM-HAKIM 1:5

Ala hapu Adoni-Bezek, fo nusak ndia manen-na, de ala sapu-lan.

MAZMUR 44:2

Ou Manetualain, ami mamanene matam, tutuik fo ami bei-ba'i kaim-mala tuin la'eneu tatao-nono'i matuaina fo O taon nai tepo lelek makahulun-na so.

MAZMUR 78:55

Ana usi heni laun manai sila-la, nai anan-nala matan, boema Ana baba'e dae ndia, neu basa anan-nala, fo leo Israel-la, nalosa ala leo musu-a lalaa teman-nala.

HAKIM-HAKIM 3:5

Hu ndia de, hataholi Kanaan, Het, Amori, Feris, Hewi ma Yebus-sala, ala leo lahele, sama-sama loo hataholi Israel-la, nai nusak ndia.

HAKIM-HAKIM 11:32

Boema, Yefta lena leo Lee Yarden-na selik neu, fo nata'ti no hataholi Amon-nala, de Manetualain fen sengi.