HAKIM-HAKIM 1:2 - Susula Malalaok Hehelu Palak Ma Hehelu Beuk

² Boema Manetualain nataa nae, “Leo Yehuda. Au fe basa koasa neu sila so, fo leu langatuu-la nusak ndia.”

HAKIM-HAKIM 1:2 Referans Kwoze

NINITAK 5:5

Boema hataholi esa neme lasi-lasik sila la nafa'da au nae, “Boso kii! Mitak, Singa maneme leoina Yehuda fo Dauk tititi-nonosi matuaina na, ana sengi so! Ana sii nabe'i segel kahituk sila la de Ana buka susulak ndia.”

IBRANI 7:14

Basa hataholi la, ala bubuluk lae ita Lamatua na da'di neme leoana Yehuda mai; ma Musa ta la'iesa fo ana seseik leoanak ndia, nai lelek ana kokolak la'eneu imam-imam mala.

BILANGAN 7:12

Esa-esak neni tunu-hotun tunga baba'ek-ka nde ia: Faik Leo Mauli-malangan Fai ka esa Yehuda Nahason, fo Aminadab anan-na. Fai ka dua Isakhar Netaneel, fo Zuar anan-na. Fai ka telu Zebulon Eliab, fo Helon anan-na Fai ka 4 Ruben Elizur, fo Syedeur anan-na Fai ka 5 Simeon Selumiel, fo Zurisyadai anan-na Fai ka 6 Gad Elyasaf, fo Rehuel anan-na Fai ka 7 Efraim Elisama, fo Amihud anan-na Fai ka 8 Manasye Gamaliel, fo Pedazur anan-na Fai ka 9 Benyamin Abidan, fo Gideoni anan-na Fai ka 10 Dan Ahiezer fo Amisyadai anan-na Fai ka 11 Asyer Pagiel, fo Okhran anan-na Fai ka 12 Naftali Ahira, fo Enan anan-na Sila esa-esak tunu-hotun nde been-na matak esa, fo nde pinga lilofulak maloa esa, belan-na kilo esa seselik, ma bokol lilofulak esa, belan-na gram natun falu, tunga tatais fo nanapakek nai Manetualain Lalaa Teman-na. Mamanak ka duak sila-la, nanapo'a nahenuk nenik ha'desopu nanasese'dok mina, soaneu tunu-hotu nana'ak-ka. Fe'ek neme ndia mai, boeo hapu pinga lilopilas maloa esa, belan-na gram natun esa sanahulu dua, fo boomenik nai dalek; sapi maneanak esa, bi'ilopo mane esa, ma bi'ilopoana esa, besak-ka teuk esa, soaneu tutunu-hohotu nanatunuk, boeo bi'ihii mane esa soaneu tutunu-hohotuk fo sala-singok hapu do'o do ampon; sapi dua, bi'ilopo mane lima, bi'ihii mane lima, ma bi'ilopoana lima, besak-ka teuk beke esak, soaneu tutunu-hohotu mole-dame.

BILANGAN 2:3

Manai boboak dulu nde solda'du manasulu nai Yehuda solda'dun-nala dedeon-na dae, ma muse ala ofu tunga sila esa-esak solda'dun no mauli-malangan sama leo nanasulak nde ia: Leo Mauli-malangan Hataholi dede'un-na Yehuda Nahason, fo Aminadab anan-na 74.600 Isakhar Netaneel, fo Zuar anan-na 54.400 Zebulon Eliab, fo Helon anan-na 57.400 Basa-basan lala'en-na, hataholi: 186.400 Solda'du Yehuda-la muse la'ok nai uluk nanseli.

HAKIM-HAKIM 1:3

Boema, leo Yehuda nafa'da leo Simeon-na nae, “Tulu-fali ami, fo teu sapu-ta, hataholi Kanaan-nala, fo ata tangatuu-ta, nusak fo Manetualain naketu fen neu ami. Mahani te, neukose ami boeo tulu-fali emi, fo emi mangatuu-ma, nusak fo Manetualain naketu fen neu emi.” Boema leo Simeon

YOSUA 2:24

Basa boema, lafa'da lae, “Tao leo bee-o, Manetualain fe la'iesak nusak ndia leo ita mai; basa hataholi manai naa-la, ala bii ita.”

HAKIM-HAKIM 20:18

Hataholi Israel-la solda'dun sila-la, leu leo mamana makaluku-makatele manai Betel-la, de latane Manetualain lae, “Ou Manetualain, leo beek-ka nai ami dalek, nde muse makasososa, neu sapu-na hataholi Benyamin-nala?” Manetualain nataa nae, “Leo Yehuda.”