HABAKUK 3:8 - Susula Malalaok Hehelu Palak Ma Hehelu Beuk

⁸ Ou Manetualain, ade, hu ka nde tasi-a de, O nasam-ma fo'a do? Ade, lee-la nde tao-la O mamanasa do? O sa'e ko'as-sa da'dileo ndala ma kaleta musu, nai lelek O fe O anam-mala sesengik.

HABAKUK 3:8 Referans Kwoze

MAZMUR 68:17

Tao le'e de, neme o leteana makadotom manai o poim-ma ndia, o mete no nape'da dalek neu Pupuku Sion fo Manetualain helen, da'di mamana leleon-na? Neukose Manetualain leo nai naa losa dodoon-na.

YESAYA 50:2

Tao le'e de, neme Au anang-ngala mai, hataholi esa boen, ta hapu nataa, nai lelek, Au mai aloos? Ade, ka'da ala bedenge, nanahu laedaenga. Au ta soi-po'i, ma soi-tefa abe'i fas do? Te'e-te'e, no Au paletang-nga, de tasi ma'dan, Au tao lee-la, da'di moo solokaek, nalosa i'ak-kala mates, de laboo mami.

MAZMUR 114:5

Hai tasi, hu beek de, nalosa o malai, ma Lee Yarden-na ta faa so'on?

MAZMUR 114:3

Tasi Gelagah nitan boema nalai, ma Lee Yarden-na, ta faa so'on.

MAZMUR 18:10

Ana fa'a ba'e lalai-a, boema Ana kona no ko'a makahatuk-ka nai ein-na dae.

MARKUS 4:39

Yesus fo'a boema nasapala anina, ma dano ndia nae, “Makamate leona!” No besak ndia boe, ani na nakamate, ma dano nee-nee lino-lino.

HABAKUK 3:15

O heheta-aa'i tasi maloaina nenik O ndalam-ma de tasi fulak no fufu'dek-ka.

NAHUM 1:4

Nasapala tasi-a, de Ana tao nama'dan Ana tao-na lee lalae'na da'di lee ma'dak. Lete Karmel-la, ma mook manai Basan-nala na'u-aiana ta moli fan ma na'u manai Libanon lala'en-na, male-tale.

YESAYA 19:1

Hala heheluk la'eneu Masir nde ia. Manetualain sa'e ko'as manalai-laik-ka, de neu leo Masir neu. Masir sosongo-tatangon-nala dele lai matan-na, ma hataholi Masir-rala dalen-nala ba'ihana.

MAZMUR 104:3

ma O mafofo'a O Umam-ma, nai oe manai lalai-a lain. O tao ko'as-sa da'di O kaletam, O sa'e anin-na li'dan-na.

MAZMUR 68:4

Tehu hataholi manatao malole-a, namahoko-setelee, ala eeki no namahokok nai Manetualain matan.

NINITAK 19:14

Solda'du nusa so'da kala tungan no ala sa'e ndala fulak, ma ala pake bua fulak balisi.

NINITAK 19:11

Basa boema, au ita nusa so'da ka natahuka, boema au ita ndala fulak esa. Manasa'e ka na'de, Fo Mana Lilinekak ma Ndoos. Ana tao tunga ndo na, nai naketu huhuku ka dalek ma nai natee-natati ka dalek.

NINITAK 16:12

Basa ndia boema, ata nusa kane a ana po'a nggalaa na isi na leo Lee Efrat matuaina ndia dalek neu. Boema lee ndia ma'dan, de nalosa mane kala leme dulu mai de ala la'ok tunga dalek.

NINITAK 6:2

Boema au ita tete'e ka hapu ndala fulak esa. Manasa'e nana, ana ho'u kokouk esa, ma ala fen bulamolik esa. Ana kalua nasale leo daebafa ka da'dileo manasengik fo neukose ana sengi musu nala.

MAZMUR 45:4

Pa'a o tafainam-ma neu o kale'bom-ma, hai manek fo ao makadelek-ka nei, o matua-madema nanseli, ma manahika-humek!

KELUARAN 7:20

Musa no Harun tao hata fo Manetualain paletan. Nai manek-ka, ma hataholi mana'a ngga'din-nala matan, Harun so'u laik aitete'en-na, de ana fepa Lee Nil-la oen-na, boema oen-na nasafali da'di daak.

KELUARAN 7:19

Manetualain, nafa'da Musa nae, “Madenu Harun, fo ana ho'i-na aitete'e-na, fo leleuk-kana leo basa lee-la, oelolok-kala ma lifu-lifu manai Masir-ra. Neukose oen-nala da'di daak, ma neukose hapu daak nai nusak-ka lala'en-na, nakalenak nai tong ai-la dalek, ma nggusi batu-la dalek.”

KELUARAN 14:16

So'uk o aitete'em-ma, fo leleuk-kana leo tasi lai neu. Soona neukose, oe-a ta'tiba'en neu dua, fo hataholi Israel-la hapu lena tasi-a, no ala la'ok nai dae ma'dak lain, nai tasi buin-na.

MAZMUR 77:16

No O be'i-balakaim, de O soi-po'i O anam-mala fo, Yakob ma Yusuf tititi-nonosin-nala.

YESAYA 66:15

Tete'ek-ka, neukose Manetualain mai no ha'i; Neukose Ana sa'e kaletan-na, sama leo ani-sangu, fo ana kalua nasa-melun, ma nasapala napane'e.