HABAKUK 3:2 - Susula Malalaok Hehelu Palak Ma Hehelu Beuk

² Ou Manetualain, au amanene la'eneu O tatao-nono'im boema, au ame'da nai au daleng dale, henuk no malela ka. Sa'di leo been-na, O tao la'iesa seluk, tatao-nono'i matuaina ndia. Ma O mafa'dan nai ami tepo-lelem ia. Ela leo been-na, O sue-lai ami, leomae O dalem-ma namahana loo-loo.

HABAKUK 3:2 Referans Kwoze

MAZMUR 85:6

Losa dodoon-na, O mamanasa ami, de O mamanasa mahele neme bobongik leo bobongik neu do?

RATAPAN 3:32

Ana fe basa doidosok-ka soona, nanuu dale kasian boe, nanahu Ana sue-lai nahele ita nenik susue-lalain fo too-lanen ta ndia.

HABAKUK 3:16

Au amanene ndia boema au daleng-nga dele ma au difadoong-nga dele ngge'be-ngge'be. Au aong-nga none-na'u, de balakaik ta so au la'ok su'di nai bee boe, au eing-nga nakatunu. Neukose au ahani no dale tesa-tamak Manetualain huhukun-na neu hataholi manamusu no ami.

FILIPI 1:6

Manetualain nde mulai tatao-nono'i malole ndia, neu emi a, de au amahele, neukose Ana tao-no'i nakandoo tatao-nono'ik ndia, losa nakababasa kana nai Kristus Yesus Fai fafali ma'i na.

YEREMIA 10:24

Fepa li'u ami ou Manetualain, tehu boso fepa liu mahe'di ami nanseli. Boeo boso huku ami, metema O nasam-ma be fo'a, nana tao leo beo neukose ami basa-mala mate-mopo.

YESAYA 63:15

Ou Manetualain, mete neme nusa so'dak-ka mai, neme O mamana leleom fo, malalao-malalafuk ma mandela-masa'ak-ka mai. O susue-lalaim, ma O be'i-balakaim, nai bee? O dale manasue-laim-ma, ma O dalek-kasiam-ma, nai bee? Boso makataka mahele basa sila-la, neme ami mai.

YESAYA 54:8

Au heok asadea o, ka'da ba'ihanak mesan, nanahu Au nasa-melung lua ponu-ponu. Tehu Au sue-lai o, nenik susue-lalai manaketu basa taak-ka.” Manetualain, fo o Manasoi-manatefam-ma, nafa'da nae leondia.

MAZMUR 119:120

Au dele ngge'be-ngge'be nanahu au bii-amata'u neu O, au daleng-nga dele, la'eneu O nakeketum-ma.

YOHANIS 10:10

Nakodaa ka'da ana mai namanako, nanisa, ma ana tao nakalulutuk basa hata lala'ena. Tehu Au mai, fo ela hataholi daebafa ka hapu so'dak, maso'da manaketu basa ta ka.

MAZMUR 44:1

Teidalek Korah kokoa-kikion-na. Nakamee nanolik-ka. Soaneu mauli-malanga manakameek-kala.

ZAKHARIA 1:12

Boema, ata nusa so'dak ndia nae, “Manetualain Fo Manakoasa, O mamanasa Yerusalem ma kota-kota manai Yehuda-la, teuk hituhulu dalen-na. Neukose O mamanasa maheles, ma ta fe do'o do ampon neu fas losa faihi'da?”

YEREMIA 29:10

Manetualain nafa'da nae, ‘Metema teuk hituhulu lamadai ba'eneu Babel soona, neukose Au tao afik neu emi seluk, ma Au tao atetu Au hala-hehelung-nga soaneu O falik emi lo mamanak ia mai.

YESAYA 66:2

Lalai-a ma daebafak-ka nde been-na, Au lima tataang, boema basa sila-la nananakadada'dik. Tehu Au dale namahokong-nga nde, hataholi dale taidaek-ka, fo manatukatei-saledale neme sala-singon-nala mai, fo manabii-namata'u, ma tunga neu Au.

MAZMUR 38:1

Dauk kokoa-kikiok, nai lelek ana tunu-hotu, tutunu-hohotu nasanene'dak.

EZRA 9:8

Tehu, besak ia, ou ami Manetualain, besak-ka, O madale malole neu ami. O soi-po'i hataholi de'ubee nai ami dalek, neme mamana ata mai, fo ami maso'da no mole-dame nai mamana hehelik ia. O fe ami so'da beuk.

NINITAK 15:4

See ka nde ta bii neu O fa Lamatuak? See ka nde ta nau tui-benga O matua-mademan fa? Ka'da O mesa ma nde malalaok. Basa leoina lala'ena neukose ala mai sene-do'ok neu O, nanahu O tatao-nono'im tunga matetu na, basa hataholi la litan so.”

ROMA 10:16

Tehu ta basa hataholi la sipok Hala Malole ndia fa. Nana Yesaya nafa'da nae, “Lamatuak, see ka nde namanene ami tutui-bebenga ma?”

YESAYA 53:1

Leoina ndia nataa nae, “Neukose see, namahele hata fo, ami mamanene basan so? Nafa'da basa Manetualain koasan-na, neu see so?

MAZMUR 78:38

Tehu Manetualain sue-lai, ma fe do'o do ampon neu anan-nala, de Ana ta tao namopo-namate fas. La'i ba'uk-ka, nakatatakak nasa-melun, ma ta nafofo'a nasa-melun fa.

IBRANI 11:7

Hu ka nde namahehele ka, de Manetualain nafa'da Noh, la'eneu dede'ak fo neukose ala da'di nai fai makabuin; fo ana ta hapu nita fan. Noh tunga Manetualain paleta na, nalosa ana tao na ofak esa, de neu makabui na boema, nananitak ana soi-tefa nan sama-sama no uma isi nala. No enok ndia, daebafa ka nanahukuk, tehu Noh mesa kana, hu ka nde namahehele na de nananafa'dak neme Manetualain mai, da'dileo hataholi fo malole.

DANIAL 8:17

Boema Gabrial fo napadeik nai au matang-nga ndia, ana mai deka no au. Au bii anseli, nalosa au bala u. Gabrial nafa'da au nae, “Hai hataholi daebafak manasapu-manalalok-konei, o muse bubuluk te, ninitak ndia nde been-na la'eneu tepo-lelek mate'ek-ka.”

IBRANI 12:21

Hata fo hataholi Israe lala litak ndia mangalau nanseli, losa Musa nae, “Au bii-amata'u ma au dele ngge'be-ngge'be!”

AYUB 42:5

Makahulun-na, au malelang soaneu O-a, au amanenen ka'da neme hataholi mai, tehu besak ia, au alelak O, nenik tasasalematak.

MAZMUR 71:20

O fe au doi-doso mabela makadotok, tehu neukose, O tao mabebeu au be'i-balakaing, ma O mafofo'a falik au neme lates dale mai.

YEREMIA 10:7

See ndia fo ana ta nau namahele fa, neu O, manek la'eneu leoina-la? Te'e-te'e o manafe ha'da-holomata nanseli. Neme basa malelak fo manai leoina-la tala'da ma neme basa sila manen-nala mai, ta hapu hataholi esa boen naksasamak no O fa, Ou Manetualain.

YEREMIA 46:28

Da'di boso bii-mamata'u, hai Au anang-ngala lemin: neukose Au mai soaneu soi po'i emi. Mamanak fo Au tao tapasasala emi nai leoina-la, neukose Au tao amate-amopo la'i esak-kasa, tehu Au ta tao emi tao leondiak fa. Memak emi ta maladeak neme huku-doki-ka mai fa, tehu Au huhuku-dodoking neu emi-a ndebeen-na ndos ma matetuk nanda no makeketun-na.” Au Manetualain nde manakokolak-ka.

HABAKUK 3:1

Nabi Habakuk-ka huhule-haladoin nde ia:

MAZMUR 25:6

Mafandendelek O dale malolem-ma, ma O susue-lalaim ou Manetualain, fo O matu'dun neme makasososan-na mai.