HABAKUK 3:12 - Susula Malalaok Hehelu Palak Ma Hehelu Beuk

¹² O la'ok okofeo daebafak-ka no nasak, O heheta-aa'i leoina-la nenik O dalem-ma namahana loo-loo.

HABAKUK 3:12 Referans Kwoze

YEREMIA 51:33

Ta dook-ka so'on te ala sengi heni sila, ma ala heheta-aa'is sama leo gandum nai manai popo'den-na. Au, Manetualain fo Manakoasa, Israel Aman Manetualain de manakokolak-ka.”

HATAHOLI 13:19

Ana tao nakalulutuk leoina hitu neme nusa Kanaa na, de Ana baba'e nusak ndia neu leoina Israe la, fo daenga nusak ndia ana da'di sila pusakan.

AMOS 1:3

Manetualain nafa'da nae, “Laun Damsyik-kala lasala-lasingo tataas esa so, hu ndia de, tao leo bee-o, neukose Au hukus. Ala tao hataholi Gilead-tala no dale susue-lalai tak,

YESAYA 41:15

Mete leona, te Au tao o da'di papa kee-keek, fo beuk, matane ma nisin dua, lakadadalak. Neukose o kee-kee letek-kala, ma o tao makalulutuk-kasa; o tao pupukuk-kala da'di sama leo ha'deuk-ka.

MAZMUR 78:55

Ana usi heni laun manai sila-la, nai anan-nala matan, boema Ana baba'e dae ndia, neu basa anan-nala, fo leo Israel-la, nalosa ala leo musu-a lalaa teman-nala.

MAZMUR 68:7

Manetualain sadia mamana leleok fe hataholi fo, maleu-malak-ka: Ana soi-po'i hataholi nanahukuk-kala, nalosa ala laua-lanale. Tehu hataholi manala'ban Manetualain-na, muse ana leo nai dae tokotiik.

MAZMUR 90:7

O nasa-melum tao nanggengek ami, ma mopo-mate, hu kande O nasa-melum.

MAZMUR 110:5

Manetualain nai o boboa konam-ma, metema namanasa soona, Ana sengi mane-manek-kala.

ZAKHARIA 1:15

Tehu Au amanasa anseli, neu leoina fo lame'da nee-nee lino-linok, ma so'da-molek. Nana, nai lelek Au akatatakak Au nasang-nga, neu Au anang-ngala, leoina sila popo-tama seluk doidosok, neu Au anang-ngala.