HABAKUK 2:16 - Susula Malalaok Hehelu Palak Ma Hehelu Beuk

¹⁶ Besak ia, o baba'em-ma losa, soaneu nananakamamaek, te ta soaneu nanafe ha'da-holomata fa. Neukose O ha'da-holomatam, nasafali da'di nananakadadaek. Neukose Manetualain laka o minu neme nggalas fo isin-na huhukuk. Neukose o minun fo maleu-lilok.

HABAKUK 2:16 Referans Kwoze

YESAYA 47:3

Neukose hataholi nita o makaholam-ma, nananakadadaek, ma nananakamumulu-nakamamaek. Neukose, Au balas dale he'dik neu o, ma Au ta fe hataholi esa boen, naladeak fa.”

NINITAK 18:6

Taon sama na leo ana tao basan neu emi a; balas ana la'i dua soaneu basa hata fo ana tao-no'i basa ka. Isi mango na ninik nininuk fo nanala lenaheni neme nininuk fo nanasadiak soaneu emi.

FILIPI 3:19

Hataholi matak leo sila ka, neu mate'e na te ala masok leo tasi ha'ik dale leu. Nana hataholi sila la, ala tao sila hihii-nanau ao paa nala da'di neu sila lamatua na. Ma dede'a manini mamae ka, ala taon da'di sila dede'a namahokon; nana ala du'a-dodoo ka'da dede'a daebafa ka mesa kana.

HOSEA 7:5

Nai faik manek-ka fetan-na, ala fe manek-ka no manapaletan-nala linu angol losa ala mafuk, de ala tao tatao-nono'i nggoak. Mate'en-na manek-ka namahoko-setelee no basa hataholi manadea-dalek sila-la.

HOSEA 4:7

Hai imam mala lemin! Emi boetai mamade'uk-ka, de emi boetai tao sala-singok neu Au! Hu ndia de, neukose Au tao asafali emi ha'da-tataom: Neukose emi ta nanafe ha'da-holomatak fa, tehu emi nananakadadaek.

RATAPAN 4:21

Hai leoina Edom-ma Us, bole hika leon, mamahoko-setelee leon, bei dai emi bei bisa! Neukose soe-a ana mai neu emi boe ma hu kande mamafuk-ka, de neukose o o'du makaholak seluk o aoinam-ma.

YEREMIA 51:57

Neukose Au tao amafuk manaho'u paleta Babel – basa hataholi malelak-kala, mauli-malanga ma soloda'du. Sila ta fo'a soon, sungu losa dodoon-na. Au nde makokolak so; Manek-ka nde Au, Au Manetualain Fo Manakoasa.

YEREMIA 25:15

Manetualain, Israel Manetualain-na, nafa'da neu au nae, “Ho'im-ma nggala angol ia fo Au isi basan nenik Au angol nasa-melung-nga. Menin lo basa leoina fo nai bee Au adenu o-a, fo madenus ala linu angol ia.

YESAYA 49:26

Neukose, Au tao-a o musum-ma, mafuk daak, nalosa esa dodo-na esa. Soona basa hataholi daebafak lala'en-na, bubuluk lae Au, Manetualain, o Manasoi-manatefam; Fo Mabe'i-balakai lea, Yakob Manetualain-na, o Manasoi-manatefam.”

YESAYA 20:4

Neukose Manek Asyur-ra, ana foo nusa ka duak sila-la hataholin-nala, ma neukose ana lele'a-lolosos no makaholak. Lasik ma mulik, neukose basa-basas ala la'ok no ta pake ba'du, ma ta pake ta'bueis, de pelin-nala lai deak, da'di leo nakamumulu-nakamamaek esa soaneu Masir.

AMSAL 3:35

Neukose hataholi manatee-tenok-ka na'den-na boetai naboomeni, tehu hataholi nggoak-ka, boetai nananakadadaek.

MAZMUR 75:8

Tehu Manetualain mesak-kana nde naketu-nala'di-a Ana nakadadaek esa ma Ana so'ulaik fe'ek-kala.

YEREMIA 25:17

Boema au sipo-a nggala angol ndia neme Manetualain liman-na mai, de au u lo basa leoina fo nai bee Manetualain nadenu au-a, boema au taos ala linu angol ndia.

YEREMIA 51:7

Makahulun-na Babel sama leo ngala lilo-a fo Au ho'un ma ana tao nan basa daebafak-ka mafuk. Leoina-la linu angol neme ngala ndia fo ala da'di lamulu.

YESKIAL 23:33

O ka'am Samaria mangoteen-na, isin-na bibii-namata'uk ma nakalulutuk-ka. O minu basa isin-na lala'en-na soona, neukose o mafuk ma o doi-doso. Ma neukose o sisii-lulu'i o fanam-ma, nenik mangotee ndia bibian-nala Au, Manetualain Fo Mademaina, kokolak basa so.”

HABAKUK 2:10

Tehu o dale tutu'um ndia ka'da neni mamaek fe o teidalem-mala. No o bonga leoina ba'uk-ka uman-nala, de o makatutu'dak seluk o aoinam-ma.

HABAKUK 2:15

O nanasoo-supak! O makadadaek ma makamumulu-makamamaek o uma titia-tataim. Hu no o tatao-nono'im de laleu-lilok sama leo hataholi manamafuk-ka.