HABAKUK 1:4 - Susula Malalaok Hehelu Palak Ma Hehelu Beuk

⁴ Ala heheta-aa'i hoholo-lalanek, ndoos ma matetuk-ka ta nanaho'un-nahelek la'iesa boen. Hataholi mangalauk-ka sengi hataholi manatao tunga ndoon-na, de ala puta-pai ndoos ma matetuk-ka.

HABAKUK 1:4 Referans Kwoze

MAZMUR 119:126

Manetualain, fain-na losa, soaneu O tao hata esa, nana hataholi-la la'olena, O hoholo-lalanem.

AYUB 21:7

Tao le'e de, Manetualain fe hataholi mangalauk-ka, teun-na namanalu, ma hata-heton-nala, boetai lamaba'uk-ka?

YEREMIA 12:1

“Ou Manetualain, metema Au eni au dede'ang-nga leo O matam-ma neu, soona tao leo beeo neukose butina-na nae, O nde been-na ndos. Tehu hii atane seluk neu O la'eneu ndos ma matetuk-ka: Tao le'e de hataholi mangalauk-ka so'dan-na natetu? Tao le'e de hu ka nde hataholi fo ta ndos-sa fa ana hapu-dai?

YESKIAL 9:9

Boema, Manetualain nataa nae, “Hataholi Israel-la, ma hataholi Yehuda-la, ala tao basa sala-singok matuaina so. Ala tao kanisak nai basa mamanak lala'en-na, ma ala tao langgenggeo Yerusalem nenik tatao-nono'i managalauk-kala. Ala lafa'da lae Au, fo Manetualain, la'oela nusak ia so, nalosa Au ta hapu ita sila tatao-nono'in fa.

AMOS 5:12

Au bubuluk emi mangalaum-ma ba'un-na seli, ma emi sala-singom ba'un-na seli. Emi tuni-ndeni hataholi malole-a; emi mi'a solok ma emi po'ilotak ala tao hataholi nuu-taa hata-taak-ka ta no ndoos ma matetuk nai manakee-manafula matan.

HOSEA 10:4

Ala kokolak dede'ak sosoa-ndandaa taak, ma ala tao hehelu-balataa pepekok, boema ala tao hengenee-balataak fo sosoa-ndandaa taak-ka. Ala po'de lasafali hoholo-lalanek, nalosa tatao-nono'i ta ndoos ma matetuk-ka, ana moli sama leo bubu'u-palusa malasok-ka, nai tina fo ala foi-falak-ka so.

YESAYA 5:20

Soe ba'eneu emi fo, po'de masafali hata fo malole ma hata fo mangalauk, hata fo makahatuk ma hata fo mangale'dok, hata fo makahe'duk ma hata fo makeek!

ULANGAN 16:19

Nai sila nakeketun-na dalek, sila ta bole laketu-lala'di, tunga sila dale hihiin-na fa, do laketu-lala'di no, ala mete matak. Sila boeo, ta bole sipo hata esa nalupa sosolo dalek fa, nanahu sosolo dalek ndia, ana tao napoke hataholi manatee-tenok ma hataholi manatao tunga ndoos ma matetuk-ka, matan-na, nalosa naketu-nala'din-nala ta ndoos ma matetuk fa.

KELUARAN 23:6

Tao hataholi nuu-taa hata-taak-ka no ndoos ma matetuk, metema ana kalaak dede'an-na leo manakee-manafula neu.

KELUARAN 23:2

Boso tunga hataholi ba'u, metema ala tao salak do ala ta tunga hoholo-lalanek no matetun-na nenik ala fe sakasii pepekok.

ROMA 3:31

Ade dede'ak ia, ta nanuu sosoa-ndandaak nae, hu ka nde ita tamahele Kristus, boema ita tu'u-tapaheni agama Yahudi a hoholo-lalanen do? Ta leondiak fa! Nana hu no ita namahehelen ndia de, ita so'ulaik hoholo-lalanek ndia.

HATAHOLI 7:59

Ala bei pia-pia lo Stefanus, te Stefanus nalo ma nae, “Lamatuak Yesus, sipok ma au samane nga!”

HATAHOLI 7:52

Ade emi bei ba'ikai mala ta fepa-li'u nabi esa boen do? Ala taolisa Manetualain hataholi nadedenun fo makahulun eli ala tui-benga lae, Manetualain Atan fo ndoos ndia, neukose Ana mai. Ma besak ia emi ta mo kana fa, nakalenak bai emi taomisa Manetualain Atan ndia.

MARKUS 7:9

Boema Yesus nafa'da selu kasa nae, “Emi malela ma seli soaneu emi ta sipok Manetualain paleta na, fo sue ka nde emi ho'u mahele emi nanoli mala.

MAZMUR 94:3

Ou Manetualain, hataholi mangalauk-ka, namahoko-setelee losa fa'ihi'da? Losa faihi'da, ou Manetualain?

MAZMUR 59:4

Mitak, lasasalematak lo au fo ala sanga taolisa au, hataholi dale susue-lalai taak-kala lakabubua fo la'ban au; te se'kona, ta hu kande au tao basa sala-singok so, do au tao tatao la'olenak so, ou Manetualain.

MAZMUR 59:2

Ou au Manetualaing-nga, soi-tefa-ma au neme au musung-ngala mai, masulu-mahapa au neme hataholi fo manasapu-la au-a.

AMOS 5:7

Soe ba'eneu emi fo manaputa-balek ndoos ma matetuk-ka, ma manatipu-dai hataholi baba'en-na!

YEREMIA 26:8

Au po'a-benga basa Manetualain hala haituan fo ana paletak ndia tutik-ka, ala ho'u-la au ma ala eeki lae, “O muse mate!

YEREMIA 12:6

O nana malelesi basak so, lena-lenak neme o tolano ka'a-fa'dim-mala mai; sila boeo sapu-la o. Boso mamahele neu sila, leomae sila hala-kokolan-nala makee-mamina.”

MAZMUR 22:16

Au botolii koko'dong-nga namatuu sama leo fale fangik-ka, au maang-nga nakadita-na, au tanalaing-nga. Manetualain, O la'oela au nai daesopuk lain, sama leo hataholi manamate basak-ka so.

MAZMUR 11:3

Metema ha'da nggolok-ka ta nanaito-atok tunga matetun-na fa, soona hataholi ndoos-sa, ta botik langan-na fa.”

1RAJA-RAJA 21:13

Hataholi manatao tatao-nono'i mangalauk dua langatuuk lasasalematak loo Nabot, de ala kalaa kanan-nai lea matan lae ana soo-supa basa Manetualain ma manek-ka so. Hu ndia de, loon leo kota deak neu, boema ala tapan nenik batu losa maten.

MAZMUR 22:12

Boso dook-ka meme au mai, nana soe-a deka so, ma ta hapu manatulu-fali fa.

YESAYA 59:12

Tete'ek-ka, ami tatao-nono'i mangalaum makadotok, soaneu O so; ami sala-singom, fe salak neu ami. Te'e-te'e, ami mame'da, ami tatao-nono'i mangalaum-ma, ma ami bubuluk, ami sala-singom.

YEREMIA 8:7

Manupui danoe-a boeo, ana bubuluk fai fafalin-na; manupui kateu-a, manupui lalao-a, ma koa boeo, ala bubuluk fai, fo ana lali mamanak. Tehu emi, fo Au anang-ngala, ta malelak hoholo-lalanek fo Au fen neu emi-a fa.