FILIPI 4:6 - Susula Malalaok Hehelu Palak Ma Hehelu Beuk

⁶ Boso bii neu hata esa boen. Hule-haladoi nai basa dede'ak lala'ena dalek, ma manduku-malosak emi nonoke ma neu Manetualain. Hata fo emi paluun soona, mafa'dan tataas esa neu Manetualain, no moke makasi.

FILIPI 4:6 Referans Kwoze

1 PETRUS 5:7

Fe la'i esak emi dale mana ba'i hana ma, leo Manetualain neu, nana Ndia nde nafaduli emi a.

MAZMUR 55:22

Hala-kokolan mangana'uk ma nadoe dale tehu nai dalen dale, hapu nakamuu-nakadauk. Hala-kokolan mangana'uanak, tehu ana papau sama leo tafaina matane.

MATEOS 6:8

Emi boso mete hataholi sila la. Nanahu emi beita hule-haladoi boen te emi Amam bubuluk basa hata fo emi paluun nai emi huhule-haladoim ndia dalek so.

YEREMIA 33:3

“Maloo bou-bou neu Au, soona neukose Au ataa; neukose Au afa'da neu emi dede'ak fo neulau ina-la, ma matua-madema-la fo emi beita bubuluk fa.

AMSAL 16:3

Fe la'iesak o dale tutu'um-ma neu Manetualain, soona neukose o makalala'ok-kana te, neni buna-boak.

MAZMUR 62:8

Ndia nde Manetualain, fo manafe au so'da-molek, ma ha'da-holomata, Ndia nde au manamasulu-mahapang, ma au manamasala'eng fo matea-mahelek.

KOLOSE 4:2

Ela leo bee na, emi hule-haladoi no manggatek ma manea matalolole, boema moke makasi neu Manetualain.

EFESUS 6:18

Tao-no'i basa dede'ak sila la no huhule-haladoik, soaneu moke tutulu-fafalik neme Manetualain mai. Nai basa fai loak lala'ena, hule-haladoi sama na leo Manetualain Dula Dale na, hela-nole emi. Ela leo bee na, emi manea tataas esa, ma boso makadede'ak. Hule-haladoi tataas esa soaneu Manetualain hataholi kamahehelen lala'ena.

KOLOSE 3:17

Basa hata fo emi tao-no'in, do emi kokola kana, emi muse taon ma kokola kana ninik Lamatuak Yesus na'de na. Moke makasi neu Amak Manetualain soaneu hata fo Yesus tao-no'in neu emi a.

LUKAS 18:1

Basa ndia boema Yesus tui nakandandaak esa soaneu nanoli ana manatunga nala fo ela ala hule-haladoi tataas esa ma boso ketu namahehe nala.

LUKAS 12:22

Boema Yesus nafa'da ana manatunga nala nae, “Hu ndia de Au afa'da ae, ‘Dale mala boso ba'ihana la'eneu emi so'da ma, fo nde hata fo neukose emi mi'a-minu, do hata fo neukose emi pake-nggao.’

MAZMUR 51:15

Soona neukose au anoli O paletam-ma neu hataholi masala-masingok-ka, fo ela ala fali ma'is leo O mai.

KOLOSE 3:15

Ela leo bee na, mole-dame fo Kristus fen nai emi dalem dale a, nde naketu basa emi nakeketum lala'ena. Nana Manetualain nalo emi, soaneu emi da'di lima-eik neme aok esa mai, fo ela emi maso'da nai mole-dame fo maneme Kristu sa mai a. Ela leo bee na, emi moke makasi neu Lamatua ka.

SEMUEL SUSULAK-KA ESAN-NA 30:6

Dauk solda'dun-nala, susa lanseli, nanahu mopo sila sao-anan-nala. Hu ndia de, ala sanga tapa Dauk nenik batu. Da'di, Dauk nai toto'a-sosota matua dale, tehu Manetualain fo ndia Manetualain-na, natetea-nahehele seluk dalen-na.

EFESUS 5:20

La'eneu hata beek boe, ela leo bee na emi moke makasi tataas esa neu Amak Manetualain, ninik ita Lamatuan Yesus Kristus na'de na.

MAZMUR 55:17

Tehu au aloo bou-bou neu Manetualain, neukose Manetualain soi-tefa-na au.

LUKAS 10:41

Lamatua ka nataa nae, “Marta, Marta! O dale ma falahaa, ma o su'ba ka'da dudu'a-dodoo ia ma naa;

LUKAS 18:7

Naa, ade Manetualain neukose ta nasala'e hataholi kamahehelen fo lalo bou-bou lon lele'do-le'odaen fa do? Ade nakadodook fai na, fo Ana ta tulu-fali fas do?

MATEOS 10:19

Tehu meteme lo emi, fo ala palisak emi soona, boso bii la'eneu hata fo emi muse kokola kana. Nana hata fo emi muse kokola kana ndia, neukose nananafa'dak neu emi, la'e fai na.

AMSAL 15:8

Manetualain sipok hataholi malole-a huhule-haladoin; tehu Ana ta hii hataholi mangalauk-ka tunu-hotun fa.

LUKAS 12:29

Da'di dale mala boso ba'ihana ma mapangamak la'eneu hata fo neukose emi mi'a ma minu.

SEMUEL SUSULAK-KA ESAN-NA 1:15

Tehu Hana nataa nae, “Au ta mafuk fa Ama, tete'ek-ka, au ta inu angol fa! Ketu au namahehenang-nga, de au hule-haladoi fo au tui au doi-dosong lala'en-na neu Manetualain.

2 KORINTUS 1:11

Ami mamahele, no emi hule-haladoim soaneu ami a de, neukose Manetualain soi-tefa seluk ami neme susa-soe a mai. Manetualain nakaheik ba'e-pala ami da'dileo natataak neu hule-haladoi ba'u soaneu ami. Ma hu ndia de, hataholi ba'u ka neukose loke makasi neu Manetualain.

1 KORINTUS 7:32

Au hii fo ela emi matapo'i meme toto'a-sosota ka mai. Hataholi saoina ta kala, neukose ala tao dudu'a-aafim neu ka'da dede'a Lamatua ka, nana ana hii tao namahoko Lamatua ka dale na.

1 PETRUS 4:7

Basa hata lala'e na sanga deka basan ia so, hu ndia de, ela leo bee na emi muse paleta ma ao ina mala ma manea, fo ela emi hapu loak soaneu hule-haladoi.

MATEOS 13:22

Bini-ngges fo mana tu'da nai dila-nggauk tala'da, nakasasama na leo hataholi fo namanene halak sila la, tehu dale nala laba'e la'eneu so'da nala, ma ala hii ka'da laso'da lai hahapu-dadai mana dai lena ka dalek. Hu ndia de, halak maneme Manetualain mai a, nananakahapik nai dale nala dalek, de nalosa ta nabuna naboa fa.

DANIAL 3:16

Boema Sadrakh, Mesakh ma Abednego lataa lae, “Ama Manek fo mandela-masa'ak, neukose ami ta mapalani masala'e ami aoinam-ma fa.

2TAWARIKH 32:20

Boema Manek Hizkia ma Nabi Yesaya fo Amos anan-na hule-haladoi. Ala laloo bou-bou loke tutulu-fafalik neu Manetualain.

SEMUEL SUSULAK-KA ESAN-NA 7:12

Basa ndia boema, Semuel napadedeik batu esa nai Mizpa no Sen dae toon-na. Nafa'da nae, “Tete'ek-ka Manetualain tulu-fali ita so.” – boema ana foi batu ndia na'de, “Batu Manatulu-manafali.”

KIDUNG AGUNG 2:14

Ou au manupui kaluang manai batu lelak-kala, nai mamana nafunik manai masakakalak madema-la, nemen-na, fo au ita o mata-panam, ma amanene o halam-ma, nana o mata-panam makeek ma o halam-ma lolen-na seli.

1 KORINTUS 7:21

Metema nai lelek fo lalo o ndia, o nde bee na ata esa. Soona o boso susa no dudu'a-dodoo dede'ak ndia. Tehu metema neu faik esa, o ta dadi ata so'on soona, pake fai loak ndia leona.

1RAJA-RAJA 8:28

Ou Amak, fo au Manetualaing nga, au ia, O atam! Tehu sa'di leo been-na, mamanene au hule-haladoing, ma sipok ma au dokodoeng faik ia.

YEREMIA 32:16

Au fe susulak nase'o-banasak sila lo Barukh neu beoma, au hule-haladoi as,

DANIAL 6:10

Boema Mane Darius-sa limalee susulak ndia.

MATEOS 6:34

Hu ndia de boso bii la'eneu fai bala ha. Nanahu fai kala esa-esak nok nininin. Faik ia susa na dai so, de boso boe tama selu kana bai.”

1 TIMOTIUS 2:1

Makasososa na, au oke anseli, fo ela o manoli salani kala, dokodoe ma hule-haladoi, boema loke makasi neu Manetualain, soaneu basa hataholi lala'ena;

1 TIMOTIUS 5:5

Inafalu fo te'e-te'e naso'da mesa-mesa kana, ma ta hapu hataholi mete-nakanae so'da na te namahena neu ka'da Manetualain soona, muse ana hule-haladoi lele'do-le'odaen fo noke tutulu-fafalik neme Manetualain mai.