FILIPI 2:27 - Susula Malalaok Hehelu Palak Ma Hehelu Beuk

²⁷ Memak namahe'di tete'e ka de, nalosa isa ba'i na maten. Tehu Manetualain sue-lain; fo Ana ta sue-lai ka'da ndia mesa kana fa, te au boe, fo ela au dale nga boso boe susa seluk bai.

FILIPI 2:27 Referans Kwoze

MAZMUR 34:19

Manetualain deka no, hataholi dale manaba'ihanak-ka; Ana soi-tefa-na hataholi fo, ketu namahehenan-na.

FILIPI 2:30

Soaneu Kristus tatao-nono'in paluu na de, isa bai na maten; ana ta sue so'da na fa, te sa'di ana tulu-fali au ninik emi na'de ma.

2 KORINTUS 2:7

Besak ia emi muse fe do'o do ampon neu hataholi ndia, ma fe manggatek neu selu kana, fo ela ana boso dale he'di nanseli, losa ketu namahehena na.

1 KORINTUS 10:13

Emi la'ola'di soso'ba-susu'di kala nde bee na, soso'ba-susu'di mandoo fai sila. Tehu Manetualain ta nafandele heni hala hehelu na fa. Neukose Ana ta po'ilotak emi nanaso'ba-su'dik lena neme emi balakai ma mai fa. Hu ndia de, metema emi matongo mo soso'ba-susu'di ka soona, Ana fe emi enok fo daenga emi makatatakak mahele.

HATAHOLI 9:37

Lelek ndia namahe'di, boema maten. Ladiu basa popola na oe boema, langapepe'u kana neu kama esa dalek, nai uma lai.

AYUB 5:19

Metema, soe-a mai soona, o nanasoi-tefak tataas esa.

YESAYA 43:2

Metema, o lena tunga oe dale soona, neukose Au sama-sama o o, neukose, o ta bolo nai, o toto'a-tataam dale fa. Metema, o la'ok tunga ha'i dale soona, neukose ha'i-a, ta na'a naputu o fa, Soso'ba-susu'di mabelaina-la, neukose ta tao soe o fa.

HABAKUK 3:2

Ou Manetualain, au amanene la'eneu O tatao-nono'im boema, au ame'da nai au daleng dale, henuk no malela ka. Sa'di leo been-na, O tao la'iesa seluk, tatao-nono'i matuaina ndia. Ma O mafa'dan nai ami tepo-lelem ia. Ela leo been-na, O sue-lai ami, leomae O dalem-ma namahana loo-loo.

YEREMIA 10:24

Fepa li'u ami ou Manetualain, tehu boso fepa liu mahe'di ami nanseli. Boeo boso huku ami, metema O nasam-ma be fo'a, nana tao leo beo neukose ami basa-mala mate-mopo.

YEREMIA 8:18

Au daleng-nga nono'ka bai nanasasa'dak, de he'dis-sa, au dale he'ding-nga, mo'do-akidoon ta.

YESAYA 38:17

Neukose au dale he'ding-nga, nasafali da'di dale manatesa-tamak, O soi-tefa mala au eme soe-a mai; O fe do'o do ampon, neu basa au sala-singong-ngala mai.

YESAYA 27:8

Manetualain huku anan-nala nenik Ana tapas leo nusa dea leu. Ana usihenis nenik ani mangalauk-ka, neme dulu mai.

2RAJA-RAJA 20:1

Nai lelek ndia boe, Manek Hizkia hapu he'di bisunggumak mabeilaina, nalosa isabai-na maten. Nabi Yesaya, fo Amos anan-na neu donge-daman, de nafa'dan nae, “Manetualain helu, fo ela Ama Manek tao makababasak, basa ito-atok lala'en-na, nana Ama Manek neukose ta lea-hai fa. Ta dook-ka so'on te, neukose mate Ama Manek so.”

YEREMIA 45:3

o masasale dale tao leo bee ia, ‘Ah, te'e-te'e au ia ua-naleng ta! Au dudu'a-aafin-na ma kale'o ba'uk-ka nanseli, te Manetualain tama seluk-kana nenik toto'a-tataak bai. Au sota no hoonggu'uk-ka, Au daleng-nga ta tesa-tama fa!’

FILIPI 2:26

Dale na nahiik nanseli no emi basa mala. Dale na ta tesa-tama fa nana, emi mamanene basa hala ka nae, namahe'di.

FILIPI 2:28

Hu ndia de, au ahiik anseli, soaneu au adenun ana fali seluk leo emi neu, fo ela metema emi matongo moon soona, emi mamahoko seluk ma au dale nga boeo, ana tesa-tama.