FILIPI 1:23 - Susula Malalaok Hehelu Palak Ma Hehelu Beuk

²³ Besak ia, au dodoo doa kana so; Au ahiik anseli, au la'oela daebafak ia, fo au u leo o Kristus, nana ndia nde malole nanseli a;

FILIPI 1:23 Referans Kwoze

2 KORINTUS 5:8

hu ndia de, ami dale ma natea-nahele. Ami mahiik manseli, matapo'i neme ami ao paam ia mai, fo ela ami hapu leo mo Lamatua ka.

MAZMUR 17:15

Tehu neukose au mete O, nanahu au salang ta. Nai lelek au fo'a, O mamaim-ma, tao namahoko au daleng-nga

NINITAK 14:13

Boema au amanene hala ka neme nusa so'da ka mai nae, “Sulak-ma ia leona: Mulai besak ia, maua-manalek neu hataholi fo ana mate te bei nalalau-naoono Lamatua ka!” Manetualain Dula Dale na nataa nae, “Tete'e ka! Neukose ala hahae ue-le'di puselaipana ka, nana sila lau-onon buna boan no naheles tatas esa.”

HATAHOLI 7:59

Ala bei pia-pia lo Stefanus, te Stefanus nalo ma nae, “Lamatuak Yesus, sipok ma au samane nga!”

LUKAS 23:43

Yesus nafa'dan nae, “Mamahele leona! Faik ia neukose o sama-sama mo Au nai Firdaus dalek.”

2 TIMOTIUS 4:6

La'eneu au ao ina nga soona, fai na losa soaneu au mate da'dileo tutunu-hohotuk esa neu Manetualain. Ba'ihanak seluk faa bai te, neukose au la'oela daebafak ia.

YOHANIS 17:24

Ama, Au nau fo ela hataholi fo Ama ka fes leu Au a, lakabubua lo Au nai Au mamana nga, fo sue ka nde sila lita Au matua-mademang. Matua-madema fo Ama ka fen neu Au nana Ama ka sue-lai Au te daebafak ia beita da'di fa.

YOHANIS 12:26

Hataholi see nau nalalau-naoono Au soona, ana muse tunga Au, fo sue ka nde Au nai bee soona, Au malalau-maoono ngala boeo lai ndia. Hataholi see nalalau-naoono Au soona, neukose Au Amang fe ha'da-holomata neun.”

MAZMUR 49:15

Sila nananaketuk soaneu mate, sama leo bi'ilopo-a; neukose mamates-sa da'di sila manafoon. Fafai-fafain-na hataholi ndoos-sa sengis; aopaan-nala naboo no lai-laik nai hataholi manamatek-ka daebafan-na, fo dook-ka neme mamana leleo tetu-temak-ka mai.

1 TESALONIKA 4:17

Basa ndia soona, ita bei maso'dak nai faik ndia, ita sama-sama to hataholi sila la fo, teu tatongo to Lamatua ka nai ko'as lain nai lalai, fo ita leo to Lamatua ka, losa dodoo na.

YOHANIS 14:3

Au u fo Au sadia basa mamanak soaneu emi soona, neukose Au fali ma'i nga, fo Au mai ala emi, fo daenga Au nai bee soona, emi nai ndia boe.

LUKAS 12:50

Bei hapu doidoso matuaina, fo Au muse la'ola'din. Ma Au dale nga ta tesa tama nanseli, metema dede'ak ndia beita da'di fa.

1 TESALONIKA 2:13

Hapu seluk dede'ak fe'ek esa, nde tao na ami moke makasi tataas esa neu Manetualai na. Dede'ak ndia nde ia nae, nai lelek fo ami manduku-malosak halak ndia, ta da'dileo halak neme hataholi daebafa ka mai fa te, da'dileo halak fo te'e-te'e ana mai neme Manetualain mai. Ndia nde mana tao-no'i nai emi fo mana mamahele Kristu sa, ao inan dale.

YOHANIS 13:1

Bei ela ka'da faik esa bai soona, besa ka Fai Matua Paskah losa, tehu Yesus bubuluk basa, fai na losa soaneu Ana la'oela daebafak ia, fo Ana fali ne'un leo Aman neu. Ana sue-lai Ndia hataholin manai daebafa ka. Ana sue-lai naheles, losa mate'e na.

LUKAS 8:38

Hataholi fo natapo'i neme dula dale mangalau ka mai ndia, ana dokodoe neu Yesus fo daenga ana bole tunga. Tehu Yesus nadenun ana fali ne'un. Nafa'dan nae,

1 TESALONIKA 2:1

Tolano-tolanoo ngala lemin! Emi nde bubuluk mae, ami ne'i donge-dama emi nai Tesalonika ndia, ta palsuma fa.

2 KORINTUS 6:12

Ami ta mafuni ami dale ma soaneu emi fa, te ka'da emi nde mafuni emi dale ma soaneu ami a.

2 SEMUEL 24:14

Boema, Dauk nataa nae, “Awii! Au soe so! Tehu neme hataholi daebafak huku au, malole lenak Manetualain huku ita basa-basa-tala, nana susue-lalain ba'un-na seli.”

FILIPI 1:24

tehu au dodoo ae, hu ka nde emi paluu ma, de malole na seli, metema au leo ahele nai daebafa ka.