EZRA 8:23 - Susula Malalaok Hehelu Palak Ma Hehelu Beuk

²³ Boema ami okaaom-mala ma hule-haladoi neu Manetualain, fo ami moke nasulu-nahapak, de Ana sipok ami hule-haladoim boe.

EZRA 8:23 Referans Kwoze

EZRA 8:31

Nai hataholi Yahudi-la bula ka esan-na, fain sanahulu dua boema, ami la'oela Lee Ahawa, de ami meu leo Yerusalem meu. Nai ami leleo-lala'om-ma dalek, ami Manetualaim-ma nasulu-nahapa ami, neme musu mamain-na.

ULANGAN 4:29

Boema, neukose emi sanga emi Manetualaim-ma, fo metema emi sangan no emi dale katematuam-ma soona, neukose emi hapun.

ESTER 4:16

“Maloo makabubua basa hataholi Yahudi manai Susan-nala, fo hule-haladoi fe au. Boso mi'a-minu lele'dok 3, ma le'odaek 3. Au boe, ma anafe'oana malalau-maoono au-a, neukose ami okaaom-mala boe. Basa ndia soona, neukose au u leo manek-ka u, leomae dede'ak ndia, la'o lenak esa, soaneu susula nakeketuk-ka. Metema au muse mate, hu kande dede'ak ndia boe, soona nemen-na fo au mate!”

1 TAWARIKH 5:20

Solda'du sila-la lamahele neu Manetualain, de loke tutulu-fafalik neun, boema Manetualain sipok sila nonoken-na, de Ana fes ala sengi hataholi Hagri sila-la loo hataholi manatulu-falis-sala.

DANIAL 9:3

Boema au hule-haladoi no te'e-te'ek neu Manetualain, ma au dokodoe susue-lalain. Au okaaong-nga boe, ma pake si'di kalong de au angatuuk nai afu dale.

YESAYA 19:22

Neukose Manetualain nanoli leoina Masir-ra nenik fefepa-lili'uk, tehu basa soona, neukose Ana tao nalea-nahais. Neukose ala fali ma'is leo Manetualain mai, ma neukose Ana namanene huhule-haladoin-nala, boema Ana fes lelea-hahaik.

HATAHOLI 10:30

Boema Kornalius nae, “Faik telu maneu ka, fafa'ka ma le'do a ba'u leo ia, boema au hule-haladoi nai uma la'e li'u telu le'donoso na. Boema no kaiboboianak, touk esa napadeik nai au mata nga. Bua-lo'a papake na, nandela-nasa'a.

LUKAS 2:37

ana da'di inafalu, losa besak ia teun faluhulu ha so. Beita la'iesa fo ana la'oela Manetualain Uma na fa. Lele'do le'odaen nai ndia, fo ana sene-do'ok neu Manetualain, ninik hule-haladoi ma oka ao na.

YEREMIA 33:3

“Maloo bou-bou neu Au, soona neukose Au ataa; neukose Au afa'da neu emi dede'ak fo neulau ina-la, ma matua-madema-la fo emi beita bubuluk fa.

NEHEMIA 9:1

Nai bulak ndia fain duahulu haa boe, laun Israel-la lakabubua. Ala okaaon-nala fo latu'du lae sila sale-dale neu sila sala-singon-nala. Ala ta lakabubua loo basa hataholi nusa dea-la fa. Ala pake lafa kalong ma ala nggali dae neu langan-nala lain, fo da'dileo ta'du-tana dale he'dik. Basa boema, ala fo'a lapadeik fo ala manaku basa sila sala-singon lala'en-na, ma sila bei-ba'i kain-nala sala-singon.

KEJADIAN 25:21

Hu kande Ribka ta bongi fa, de Isak hule-haladoi neu Manetualain soaneu saoinan Ribka. De Manetualain sipok Isak huhule-haladoin, boema Ribka nailu.

2RAJA-RAJA 13:4

Boema, Yoahas hule-haladoi neu Manetualain, de Manetualain namanene hule-haladoin ndia, nanahu Manetualain nita mane Siria no tatao-nono'i ha'da hataholi taa-na, de ana tuni-ndeni nangge'a hataholi Israel-la.

AMSAL 3:5

Mamahele Manetualain, no o dale katema tuam-ma, ma boso masalai o deam-ma neu o dudu'a manadaim-ma mesak-kana.