EZRA 8:20 - Susula Malalaok Hehelu Palak Ma Hehelu Beuk

²⁰ Fe'ek neme ndia mai boe, hapu hataholi manatao bela-ba'uk manai Manetualain Uman-na, hataholi natun dua duahulu, na'den-nala nanasulak boe. Neme makahulun eli mai, Mane Dauk-ka ma nusak-ka hataholi matua-mademan-nala, ho'i nakeketuk, fo sila bei-ba'i kain-nala lalalau-laoono fali hataholi Lewi-la.

EZRA 8:20 Referans Kwoze

EZRA 2:43

Basa hataholi manatao Manetualain Uman-na, teidale-bobongin fo manafali ma'is leme mamana tu'u-tapak mai-a, susulan-na nde ia: Ziha, Hasufa, Tabaot, Keros, Siaha, Padon, Lebana, Hagaba, Akub Hagah, Samlai, Hanan, Gidel, Gahar, Reaya, Rezin, Nekoda, Gazam Uza, Paseah, Besai, Asna, Meunim, Nefusim, Bakbuk, Hakufa, Harhur, Bazlut, Mehida, Harsa, Barkos, Sisera, Temah, Neziah, ma Hatifa.

1 TAWARIKH 9:2

Neme sila fo manafali ma'is makasososak leo sila dae-oen fo manai kota-kota nde been-na, nde hataholi biasa-la, imam-imam-mala, hataholi Lewi-la ma tuka-tuka manatao Manetualain Uman-na.

FILIPI 4:3

Soaneu au tia-lai malalau-maoono mana lilineka ngala, au oke fo daenga tolanoo kala tulu-fali tolanoo inak ka duak sila la. Nanahu duas boeo, ala tao-no'i sota mate lo au, soaneu tui-benga Manetualain Hala Malole na; sama na leo Klemen ma basa tolanoo fe'ek fo mana tao-no'i sama-sama lo au a. Sila na'de nala nanasulak nai Hataholi Maso'da kala susulan dale.

EZRA 8:17

Basa boema, au adenus, fo leu leo Ido, fo laun Kasifya malangan-na, fo loken fo daenga Ido no nonoo manatao bela-ba'uk manai Manetualain Uman-na, ala haitua fe ami, hataholi soaneu lalalau-laoono nai Manetualain Uman.

EZRA 8:19

Boeo ala haitua fe ami Hasabya ma Yesaya, leme teidale bobongi Merari-a mai, loo tolanoo ka'a-fa'din-nala, hataholi duahulu.

BILANGAN 3:9

Neme leoina Israel-la mai, ka'da leo Lewi-a nde Au fen bela-ba'uk da'di malalau-maoono lahele neu Harun ma tititi-nonosin.