EZRA 8:2 - Susula Malalaok Hehelu Palak Ma Hehelu Beuk

^2-14 Gersom, neme teidale-bobongi Pinehas-sa mai. Hatus, fo Sekhanya anan-na, neme teidale-bobongi Dauk-ka mai. Zakharia, neme teidale-bobongi Paros-sa mai, sama-sama no touk natun esa limahulu, leme teidale-bobongin-na mai (hapu susulak, ana tui sila bei-ba'in-nala momoli-dada'din) Elyoenai, fo Zerahya anan-na, neme teidale-bobongi Pahat-Moab-pa, sama-sama no touk natun dua. Sekhanya, fo Yahaziel anan-na, neme teidale bobongi Zatu-na mai, sama-sama no touk natun telu. Ebed, fo Yonatan anan-na, neme teidale bobongi Adin-na mai, sama-sama no touk limahulu. Yesaya, fo Atalya anan-na, neme teidale bobongi Elam-ma mai, sama-sama no touk hituhulu. Zebaja, fo Mikhael anan-na, neme teidale bobongi Sefaca mai, sama-sama no touk faluhulu. Obaja, fo Yehiel anan-na, neme teidale bobongi Yoab-pa mai, sama-sama no touk natun dua sanahulu falu. Selomit, fo Yosifya anan-na, neme teidale bobongi Bani-a mai, sama-sama no touk natun esa neehulu. Zakharia, fo Bebai anan-na, neme teidale bobongi Bebai-a mai, sama-sama no touk duahulu falu. Yohanan, fo Hakatan anan-na, neme teidale bobongi Azgad-ta mai, sama-sama no touk natun esa sanahulu. Elifelet, Yehiel, ma Semaya, leme teidale bobongi Adonikam-ma mai, sama-sama loo touk neehulu (ala mai lakabuik) Utai ma Zabud, leme teidale bobongi Bigwai-a mai, sama-sama loo touk hituhulu.

EZRA 8:2 Referans Kwoze

1 TAWARIKH 3:22

Sekhanya anatoun esa, na'de Semaya, ma Semaya anatoun 5, fo na'de Hatus, Yigal, Bariah, Nearya ma Safat.

1 TAWARIKH 3:1

Dauk bongi anatouk maneme Hebron-na, nanasulak tunga esa-esak teun-na nde ia: Amnon – inan na'de Ahinoam, fo hataholi Yizreel Danial – inan na'de Abigail, fo hataholi Karmel Absalom – inan na'de Maakha, fo Talmai, manek Gesur-ra, anafe'on-na Adonia – inan na'de Hagit Sefaca – inan na'de Abital Yitream – inan na'de Egla.

EZRA 8:1

Basa maneleo fo nanafook leo Babel neu, ma manafali fali sama-sama loo au, ma Ezra leo Yerusalem mai, nai lelek Artahsasta paleta da'di leo manek-ka, susulan na'den-nala nde ia:

EZRA 8:15

Au aloo akabubua basa hataholi bubuak ndia lala'en-na, leme lee fo manafaa leo kota Ahawa neu-a, su'un-na, boema ami sungu nai lalaak-kala dalek, faik telu dalen-na. Au palisak basas, te se'kona hapu imam de'ubee lai dalek, tehu ta hapu esa boen, neme leo Lewi-a mai fa.