EZRA 8:18 - Susula Malalaok Hehelu Palak Ma Hehelu Beuk

¹⁸ Hu kande Manetualain dale malolen-na, de ala haitua fe ami Serebya, fo hataholi Lewi esa, dodole da'uk, neme teidale bobongi Mahli-a mai. Ana mai sama-sama no anan-nala, ma tolanoon-nala, fo dede'un-na, hataholi sanahulu falu.

EZRA 8:18 Referans Kwoze

YEREMIA 3:15

Neukose, Au fe emi, mauli-malangan fo manatunga Au paletang-nga. Neukose ala hela-nole emi, no dudu'a-aafi manatee-tenok, ma henuk no dudu'a manadaik.

NEHEMIA 2:8

Fe'ek neme ndia mai, au boeo oke susulak soaneu Azaf, fo nusak-ka manamanea nulan-na, fo ela ana sadia ai soaneu kota musu lelesuinan-na, deka no Manetualain Uman-na, ma soaneu kota papala nanadaman-na, boema uma fo neukose au leo nai dalek-ka. Manek-ka tao natetu basa au nonokeng sila-la, nanahu Manetualain tulu-fali au.

EZRA 7:28

No Manetualain tutulu-fafalin, de manek-ka, manamanoli-mafa'dan-nala, manapaleta fo manakoasa sila-la, dalen-nala lahiik au; Au Amang Manetualain fe au manggate so, nalosa au hapu leleko ala mane leo Israel ba'u-ba'uana, de ala fali leo Yerusalem leu.”

DANIAL 1:20

Metema manek-ka nafa'da dede'ak esa, fo dede'ak ndia paluu lafa'da mangalele'don ma tai-dodook soona, ana bubuluk touana muli-solu ka haak sila-la kokoe-nanasin ma hahapun-nala malole lena la'i 10 neme basa hataholi mananeuk nalelak manda'dik manamaik-kala, boema dukun manai ndia nusan-na lala'en-na, nanoli-nafa'dan ma hahapun-nala.

EZRA 8:22

Au ta apalani oke manek-ka, solda'du manasa'e ndalan, fo nasulu-nahapa ami neme musu-a mai, nai ami leleo-lala'om-ma dalek. Nana, au afa'da basa, ae ami Manetualaim-ma, Ana ba'e-pala hataholi see fo, ana sene-do'ok neun, tehu Ana huku hataholi see fo, nape'da dale nasak-kana, ma ta lilineka neu fan.

EZRA 7:6

Ezra hataholi malelaina esa, de ana bubuluk ba'uk-ka, la'eneu Hoholo-lalanek, fo Israel Manetualain-na, fen neu Musa. Hu kande Ezra Manetualain-na ba'e-palan, de Ana fen basa hata fo ana noken. Mane Artahsasta paleta neu teu ka hitun-na, boema Ezra neme Babel leo Yerusalem neu, sama-sama no hataholi Israel bubuak esa, fo nde imam de'ubee, hataholi Lewi-la, manamakameek-kala, boema manamanea nai Manetualain Uman-na, lelesuinan-na, ma basa manatao bela-ba'uk-kala.

1 TAWARIKH 6:19

Mahli ma Musi nde been-na Merari anan sila.

1 KORINTUS 14:20

Tolano-tolanoo ngala lemin! Boso dudu'a-dodoo sama leo ni'iana. Nai dede'a mangalau ka dalek soona, ela leo bee na emi mahele sama leo ni'iana. Tehu nai dudu'a-aafi ka dalek soona, ela leo bee na emi da'di hataholi fo touinak so.

AMSAL 24:3

Mafofo'a uma-loo-a, nenik dudu'a-aafi manatee-tenok ma dudu'a manadaik

AMSAL 3:6

Mafandendelek Manetualain nai basa hata lala'en fo o tao-no'ik-ka dalek, soona neukose natu'du fe o, so'dak malole-a eno-dalan.

NEHEMIA 12:24

No Hasabya, Serebya, Yesua, Binui ma Kadmiel nauli-nalangan de, hataholi Lewi-a nanaba'ek neu bubuak de'ubee. La'i esa soona, bubuak dua hapu bela-ba'uk koa-kio Manetualain ma langganggatik loke makasi neun, nandaa no Mane Dauk fo Manetualain atan ndia, nakaneneten-na.

NEHEMIA 8:7

Basa ndia boema, ala fo'a lapadeik de esa-esak neu mamanan-na, lelek hataholi Lewi de'ubee lafa'da mangalele'do fes, hoholo-lalanek ndia. Hataholi Lewi sila-la nde: Yesua, Bani, Serebya, Yamin, Akub, Sabetai, Hodia, Maaseya, Kelita, Azarya, Yozabad, Hanan ma Pelaya.

EZRA 8:24

Au hele hataholi sanahulu dua leme imam nananita-nalelak-kala dalek mai, fo nde: Serebya, Hasabya, ma hataholi fe'ek sanahulu seluk bai.

EZRA 8:16

Boema au aloo-a mauli-malangan sio, fo nde, Eliezer, Ariel, Semaya, Elnatan, Yarib, Elnatan, Natan, Zakharia, Mesulam ma mesen dua boe, fo nde Yoyarib ma Elnatan.

2TAWARIKH 30:22

Hataholi Lewi sila-la mauli-malangan malelak nai makaluku-makatele neu Manetualain, nalosa Hizkia koa-kios. Faik hitu dalen-na ala la'a-linu nana'a-nininuk neme feta ndia mai, ma ala tunu-hotu tutunu-hohotuk soaneu loke makasi neu Manetualain, fo sila bei-ba'i kain-nala Manetualain-na,

EZRA 8:19

Boeo ala haitua fe ami Hasabya ma Yesaya, leme teidale bobongi Merari-a mai, loo tolanoo ka'a-fa'din-nala, hataholi duahulu.

1 TAWARIKH 6:1

Lewi anatoun 3, fo nde: Gerson, Kehat ma Merari.

1 TAWARIKH 6:4

Eleazar tutui bei-ba'i kain tutuin-na nde ia: Pinehas, Abisua,