EZRA 7:27 - Susula Malalaok Hehelu Palak Ma Hehelu Beuk

²⁷ Boema Ezra nae, “Koa-kio Manetualain fo ita bei-ba'i kain-nala, sene-do'ok-ka! Ana nakababale basa manek-ka dalen-na, nalosa ana nau taoafik neu ka'da Manetualain Uman-na nai Yerusalem.

EZRA 7:27 Referans Kwoze

EZRA 6:22

Ala tao Feta Loti Ta Pake Laluteik-ka, faik hitu dalen-na, no namahoko-seteleek. Lamahoko lanseli, nana Manetualain taon-na mane Asyur-ra nadale malole neus, nalosa ana falis nai lafofo'a falik, Israel Manetualain, Uman-na.

YESAYA 60:13

Nula Libanon fo nandela-nasa'a, neukose lenin leo o mai, no ai berangan ai kaiou, ma ai eru, soaneu taon-na Au Umang-nga, da'di namahoko-seteleek, ma Au mamana napadeing-nga da'di mana'ahiik.

NINITAK 17:17

Nanahu Manetualain nakababale basa dale nala soaneu lakalala'ok Manetualain dale tutu'u na. Manetualain tao nalas lalahalak soaneu ala fe sila koasa na neu bana ndia, fo ela bana ndia paleta losa hata fo Manetualain nafa'da ka ana da'di.

YAKOBIS 1:17

Basa fe fee malole ma bua palsen matetu-mandaa ka, ana mai neme nusa so'da ka mai. Fo Manetualain mana Makadada'dik basa hata masalaak manai lalai a, nde nakona nana. Ndia nde Manetualain fo, Ana ta da'di nasafafali, ma ta nini makiu-makahatuk faa ana boen.

IBRANI 10:16

Manetualain nafa'da nae, “Ia nde hehelu-balataak fo neukose Au taon no hataholi sila la, nai fai-faik fo manamai ka, ‘Neukose Au pe'da Au hoholo-lalaneng leo dale nala dalek neu, ma Au sula kana neu dudu'a-aafi nala dalek.’ ”

IBRANI 8:10

Tehu besak ia, ia nde hehelu-balataak fo neukose Au taon no leoina Israe la nai fai-fai manamai ka, Manetualain nafa'da nae: Neukose Au tao Au hoholo-lalaneng neu dudu'a-aafi nala dalek, ma Au sula kana neu dale nala dalek. Neukose Au da'di sila Manetualai na, ma neukose sila da'di Au hataholi kamahehele ngala.

2 KORINTUS 8:16

Ami moke makasi ba'u ka neu Manetualain, nana sama leo ami boe, de Ana tao na Titus te'e-te'e tulu-fali emi, de ana tulu-fali emi!

NEHEMIA 2:12

Dodoo basa ndia, au ta afa'da su'di see boen, ae Manetualain fe au ninitak soaneu afofo'a falik kota Yerusalem-ma. Balahaa le'odae, de au fo'a boema au leleko au nonoong de'ubee de ami la'o no le'odaek leo kota deak meu. Fe'ek neme au sa'e keledei-a mai, ami ta meni bana sasa'e fe'ek fa.

NEHEMIA 2:8

Fe'ek neme ndia mai, au boeo oke susulak soaneu Azaf, fo nusak-ka manamanea nulan-na, fo ela ana sadia ai soaneu kota musu lelesuinan-na, deka no Manetualain Uman-na, ma soaneu kota papala nanadaman-na, boema uma fo neukose au leo nai dalek-ka. Manek-ka tao natetu basa au nonokeng sila-la, nanahu Manetualain tulu-fali au.

FILIPI 4:10

Tunga au dale nameme'da nga soona, mulai au aso'da nai Lamatua ka dalek boema, au aua-anale anseli, nana dodoo basa ia, besa ka emi hapu loak seluk, fo emi mafandele au so'da nga. Au ta dodoo ae, emi mafandele heni au so; memak emi bei taoafik mahele au, tehu emi ta hapu loak soaneu matu'du fan.

AMSAL 21:1

Sama leo Manetualain ito-ato lee oen-na, fo ela ana faa tunga dale hihiin-na, leondiak boe, Ana hela-nole manek-ka dudu'a-aafin

NEHEMIA 7:5

Hu ndia de, Manetualain nakababale au daleng-nga, soaneu au alo akabubua basa laun-nala ma basa mauli-malangan-nala boema lasi ngolok-kala, fo ela au hapu lekes tunga esa-esak susula bei-ba'in. No enok ndia de, au hapu susulak la'eneu hataholi manafali makasososak leme mamana tu'u-tapak mai. Susulak nanasulak nai nisidaen ia nde bee soona, au hapu tutui mangale'dok neme susulak ndia mai nae:

KELUARAN 8:9

Musa nataa nae, “No namahokok, neukose au hule-haladoi soaneu au Ama Maneng. Maketu fain-na, soona neukose au hule-haladoi fe au Ama Maneng-nga, basa manapaleta-la, ma laun-nala. Soona, neukose au Ama Maneng-nga, natapo'i neme lo'donggelek ia-la mai, fo ta ela esa boen, ela ka'da manai Lee Nil-la.”

2TAWARIKH 31:8

Manek Hizkia no hataholi mana'a ngga'din-nala lita tutulu-fafalik makadotok sila-la boema, ala koa-kio Manetualain ma ala koa-kio laun Israel fo Manetualain anan-nala.

LUKAS 7:5

nana ana sue-lai ita leoina na, ma nafofo'a basa ami uma mamaso ma so.”