EZRA 5:16 - Susula Malalaok Hehelu Palak Ma Hehelu Beuk

¹⁶ Boema Sesbazar neu leo Yerusalem neu, de ndia nde tao Manetualain Uman ndia laten-na batu makasososan-na. Neme lelek ndia mai, losa besak ia, Uma ndia tataon-na la'ok nakandoo, tehu beita basa fan boe.’

EZRA 5:16 Referans Kwoze

EZRA 6:15

Neu hataholi Yahudi-la, bula Adar-ra fain telu, fo Mane Darius-sa paleta neu teu ka neen-na, boema tao basa Manetualain Uman ndia.

EZRA 3:10

Lelek tuka uma-la mulai lafofo'a Manetualain Uman-na laten-na, boema basa imam-mala pake ba'du manalu no ala ho'u pupuuk, fo langatuuk leu esa-esak mamanan. Hataholi Lewi-la leme teidale-bobongi Asaf-fa mai boeo, lapadeik lai ndia no ala ho'u meko anak-kala. Ala koa-kio Manetualain nandaa no nakanenetek fo nananaketu basak, ndek Mane Dauk-ka tepo-lelen-na.

EZRA 3:8

Boema neu hataholi Yahudi-la bula ka dua-na, fo nai lelek hataholi Israel-la fali ma'is leo Yerusalem mai nai teu ka dua-na, boema ala mulai lafofo'a falik Manetualain Uman-na. Zerubabel, Yesua no nonoon fo sila leoina esa, ma basa imam-mala, hataholi Lewi-la, dede'a keke'un-na, basa hataholi nanafoo haik-kala, ala tunga tao bela-ba'uk ndia. Ala hele hataholi Lewi, fo teun duahulu leo lain neu, fo lanea hataholi manalafofo'a Manetualain Uman-na ndia.

HAGAI 2:18

Nai faik ia, hataholi Yahudi-la bula ka 9-na, fain 24, duahulu ha, basa Au Umang-nga laten-na! Taoafik neu hata, fo neukose mulai hatematak ia, ana da'di.

EZRA 5:2

Lamanene nabi ka duak sila-la hala hehelun-na boema, Zerubabel fo Sealtiel anan-na, ma Yesua fo Yozadak anan-na, no lai-laik, ala mulai lafofo'a falik Manetualain Uman manai Yerusalem-ma, de nabi ka duak sila-la tulu-falis.

YOHANIS 2:20

Boema lafa'da Yesus lae, “Ami mafofo'a Manetualain Uman ia, teuk hahulu ne dale na. Tehu O mae, O mafofo'a fali kana ka'da nai faik telu dale na?”

EZRA 5:14

Nakalenak bai, ana fe falik bua-lo'a lilopilas ma lilofulak, fo paken nai Manetualain Uman dale, ma Nebukadnezar ho'i neni bua-lo'as-sala leme Yerusalem mai, de ana pe'das leo lamatua daebafan-na uman manai Babel-la dalek neu. Mane Kores-sa, ana fe bua-lo'as sila-la leo hataholi mana'de Sesbazar, fo ana so'u basan da'di filana nai Yehuda so.

EZRA 5:15

Manek-ka nadenun, fo ana ho'i-na bua lo'as sila-la fo fe falik-kasa leo Manetualain Uman-na, nai Yerusalem, boema nafofo'a falik Uma ndia.

ZAKHARIA 4:9

nae, “Zerubabel pe'da basa Au Umang-nga batu makasososan-na so, de neukose ana tao nakababasak uma ndia lala'en-na. Metema, dede'ak ndia ana da'di soona, neukose Au anang-ngala bubuluk, lae Au nde adenu o, fo Zakharia neu leo sila neu.