Biblia Todo Logo
Bib sou entènèt

- Piblisite -




EZRA 2:1 - Susula Malalaok Hehelu Palak Ma Hehelu Beuk

1 Hataholi nanafook-kala ba'uk-ka la'oela nusa Babel-la, de ala fali ma'is leo Yerusalem ma Yehuda mai, de esa-esak fali ne'un leo ndia kotan-na neu. Ala leo nai mamana tu'u-tapak nai Babel, ndek lelek Mane Nebukadnezar-ra, foo nenis leo naa leu.

Gade chapit la Kopi




EZRA 2:1
27 Referans Kwoze  

Basa boema, laun bei manai kota dale-la, nde tuka malelaina-la, fo bei ela hataholi-la, nde hataholi nuu-taa hata-taak-kala, ma hataholi manamalaik leo hataholi Babel-la leu-a, Nebuzaradan foo nini la'iesak-kasa leo Babel neu.


Gobelno la lees basa susula ka boema, natane Paulus da'di neme bee mai. Lelek fo ana bubuluk Paulus da'di neme Kilikia mai,


Neukose Yehuda laun fo laladeak-ka, langatuu-la o nusam ndia. Neukose, ala foo bana-manun-nala nai mamanak ndia, ma nai fai le'odaen-na, neukose ala sungu lai hataholi Askelon-na uman-nala. Nana, neukose Manetualain, fo sila Manetualain-na, nasulu-nahapa seluk-kasa, ma Ana fes lamasu'i-lakabete seluk.


Sion nakalala'ok huhukun-na, soaneu sala-singok fo ana taok-ka so; besak ia, neukose Manetualain ta po'Ilotak ami ma neukose ta no seluk ami leo mamana tu'u-tapak dalek neu so'on. Tehu o, hai Edom, neukose Manetualain huku o. O sala-singom neukose nanabukak.


Musun-nala lalole-lanapu, nanahu ala hapu koasa-lan. Manetualain tao-nan doi-doso, nanahu sala-singon makadotok nanseli. Foo leni laun-na so, de loos leo mamana tu'u-tapak neu.


Laun Yehuda-la la'oela nusan-na, nanahu nanataok da'di ata de ana doi-doso nanseli. Besak ia, ala leo nai leoina-la tala'da ta lanuu mamanak fo fes mole-dame ma so'da-molek fa. Nai lelek ala doi-doso-a, musu nakahapi-nalas.


Nai faik ndia boe, fo nai hataholi Yahudi-la bula ka telun-na, fo nde bula Siwan-na, fain 23 boema, Mordekhai naloo basa manek-ka hataholi manasulak susulan-nala, de ana paletas, fo ala sulak susulak fe basa Gobelnol-la, basa bupati-la, ma propensi ka 127-kala hataholi matua-mademan-nala, neme India losa Sudan. Sulak susulak sila-la, tunga propensi-la esa-esak dede'an-na, ma susula de'en-nala. Ana haitua susulak ndia leo hataholi Yahudi-la, nai hataholi Yahudi-la dede'an-na, ma susula de'en-na boe.


Nadenus, fo leu loo ina mane Wasti-a, fo ana mai nataan, no ana pake bulamoli nusak-ka nai langan lain. Ina manek ndia, mana'ahiik nanseli, de manek-ka sanga natu'du lole-napun neu basa hataholi matua-mademan, ma basa laun-nala.


Basa fui-la, linu su'di bebe'ik-ka, do lakasetis fo linu. Manek-ka fe basa paleta neu malalau-maoono uma manek-kala, fo ela lalau-laoono fui-la esa-esak, nandaa no dale hihiin-na.


Ana paleta neu teu ka telun-na boema, Mane Ahasyweros-sa tao feta matuaina soaneu basa hataholi matua-mademan-nala, ma hataholi mana'a ngga'din-nala. Basa malanga musu Persia ma Media-la, lai feta ndia boe, leondiak boe, basa gobelnol-la, ma basa manapaleta matua-madema propensi-la, lai ndia boe.


Nai Susan, fo Persia kotan-na polon-na, Ahasyweros paleta da'di manek. Nusan-na nanaba'ek neu propensi 127, fo mulai neme India losa Sudan.


Tehu susula liik la'eneu dede'ak ndia, ta hapun neme Babel fa, te hapun nai kota Ahmeta, fo nai nusa Media. Susula liik ndia, nanasulak nai susulan-nanalunuk esa dalek, de liin-na nae leo ia,


Ela leo been-na, Ama Manek bubuluk, mae ami meu leo propensi Yehuda meu so, de ami mita Manetualain Fo Matuaina Uman-na, lafofo'a falik-kana, nenik batu matuaina mesa-mesan, ma lapadedeik tama seluk ai neu papala nanadaman-nala. Ala tao besa-besa loo bela-ba'uk ndia, de ta nakakai fa, ma lai-laik.


Mango lilopilas ma lilofulak, boema bua-lo'a fe'ek-kala, basa-basas dede'un-na lifun lima natun haa. Sesbazar neni la'iesak bua-lo'as sila-la, ndek lelek fo, ndia ma hataholi nanafoo fe'ek-kala, fali ma'is leme Babel leo Yerusalem mai.


Sila mauli-malangan-nala nde Zerubabel, Yesua, Nehemia, Seraya, Reelaya, Mordekhai, Bilsan, Mispar, Bigwai, Rehum ma Baana. Teidale-bobongi Israel-la susulan-na nde ia, no leo-la esa-esak hataholin, fo manafali ma'is leme mamana tu'u-tapak mai, dede'un-na nde ia:


Nai faik ndia boe, basa hataholi fo manafali ma'is leme mamana tu'u-tapak mai ndia, ala fe tutunu-hohotu nanatunuk neu Israel Manetualain-na. Ala tunu-hotu sapi mane sanahulu dua, soaneu basa Israel-lala'en-na, bi'ilopo mane siohulu nee, ma bi'ilopoana hituhulu hitu; fe'ek neme ndia mai boe, ala tunu-hotu bi'ihiik sanahulu dua, soaneu tutunu-hohotu do'o do ampon ba'eneu sila boe. Ala tunu basa bana sila-la, da'di leo tutunu-hohotuk soaneu Manetualain.


Basa imam-mala ma hataholi Lewi fo manafali ma'is leme mamana tu'u-tapak mai, sama-sama loo Zerubabel fo Sealtiel anan-na ma loo Imam Matuaina Yesua nde ia:


Basa hataholi Israel-la lala'en-na nanasulak tunga esa-esak teidalen. Susulak ndia nanasulak nai Mane-manek Israel-la susulan dale. Da'di leo huhukuk neu sila sala-singon-nala, de laun Yehuda-la nanafook leo mamana ookak-ka neu.


Neme sila fo manafali ma'is makasososak leo sila dae-oen fo manai kota-kota nde been-na, nde hataholi biasa-la, imam-imam-mala, hataholi Lewi-la ma tuka-tuka manatao Manetualain Uman-na.


Basa imam-mala, hataholi Lewi-la ma laun-na seli, ala leo lahele leme Yerusalem ma nai kota-kota manadekak-kala. Basa manamakameek-kala, basa manamanea Manetualain Uman-na lelesuinan-na, ma basa manatao Manetualain Uman-na, boema hataholi Israel nggelok, ala leo lahele leme kota-kota fo makahulun-na, sila bei-ba'i kain-nala mamana leleon-na.


La'o leona, fo malai meme Babel mai, tui-benga halak ia, leo basa mamanak lala'en-na neu. Tui-benga no namahoko-seteleek mae: “Manetualain soi-tefa basa Israel, fo atan-na so!


Neukose Au fe falik hataholi Israel-la leo sila nusan. Neukose sila la'a-linu leme dae Letek Karmel ma nusa Basan. Neukose sila lakabete leme dae Efraim ma Gilead isin-na mai.


Swiv nou:

Piblisite


Piblisite