ESTER 6:6 - Susula Malalaok Hehelu Palak Ma Hehelu Beuk

⁶ Lelek Haman mai boema, manek-ka nafa'dan nae, “Hapu hataholi fo au sanga fen ha'da-holomata matua. Ade, neukose au tao beek soaneu hataholi ndia?” Haman dodoo nai dalen dale nae, “Manek-ka sanga fe ha'da-holomata matua ndia, neu see bai? Tao leo bee-o, au so!”

ESTER 6:6 Referans Kwoze

OBAJA 1:3

O dale manakoao-ndaeaom-ma ke'di-ndiu o so. O nusam-ma polon-na nde been-na lete batu matea-mahelek. O mamana leleom-ma nai lete madema-la poin-na. Hu ndia de, emi bedoo mae, see kande bisa tao nabuu au?

AMSAL 16:18

Koao-ndaeaok-ka neninin-na nde nakalulutuk-ka; namatutua-namadedema aoinak-ka, neninin-na nde tutu'dak-ka.

YOHANIS 5:23

Ama ka tao leondiak, fo ela basa hataholi la fe ha'da-holomata neu Ana ka, sama leo ala fe ha'da-holomata neu Ama ka. See ta fe ha'da-holomata neu Ana ka fa soona, ana ta fe ha'da-holomata neu Amak fo manamadenu Ana ka.

MATEOS 3:17

Basa ndia boema Manetualain hala na nana namanenek nae, “Au ana susue-lalai nga nde ia. Ana tao namahohoko Au dale nga.”

YEREMIA 32:41

Neukose Au hii ka'da tao malole ba'eneu sila, ma Au tao-as leo lahele nai nusak ia soaneu losa dodoon-na.

YESAYA 42:1

Manetualain nafa'da nae, “Au atang fo, Au tia-to'ban-na, nde ia, Au hataholi heheleng fo nandaa no Au daleng-nga. Au fe basa Au koasang-nga neun so, soaneu neni ndoos ma matetuk-ka, ba'eneu leoinak-kala esa-esak.

AMSAL 18:12

Hataholi manakoao-ndaeaok-ka, neukose ana tu'da, hataholi dale taidaek-ka, neukose nanafe ha'da-holomata.

AMSAL 1:32

Hataholi fo malelan-na ta dai fa, neukose maten, ma hataholi dudu'a-aafi taak-ka, neukose nakalulutuk, nanahu ana ta taoafik neu fa.

MAZMUR 35:27

Ela leo been-na, hataholi fo ana hii nita au nananafa'dak ndoos-sa, ana eki ma namahoko. Ela leo been-na, ala lafa'da fali-fali lae, “Tete'ek-ka, Manetualain matua-madema! Ana nahiik antan-na, so'da-molen!”

ESTER 6:11

Boema, Haman ho'i-na bua-lo'as ma ndala ndia, de ana pake bua-lo'as ndia neu Mordekhai. Lelek Mordekhai sa'e-nala ndala ndia lain boema Haman la'o-la'o noon tunga kota moo maloan-na, ma naloo bou-bou nae, “Mitak, manek-ka fe ha'da-holomata neu hataholi fo ana fe ha'da-holomata neun-na, leoiak!”

ESTER 6:9

Nusak-ka hataholi matua-mademan esa neme leo manefetoana mai soona, muse pake papakek ndia neu hataholi fo, Ama Manek sanga fen ha'da-holomata ndia, boema fe hataholi ndia, sa'e Ama Manek ndalan-na, fo ana la'o-la'o tunga kota moo maloan-na. Hataholi matua-madema ndia, neukose ana la'ok nai uluk, boema naloo bou-bou nae, ‘Manek-ka fe ha'da-holomata neu hataholi fo ana fen ha'da-holomata, leoiak!’ ”

ESTER 6:7

Hu ndia de, nataa nae, “Ela leo been-na, ho'i fe hataholi ndia papake matua-madema, fo biasa Ama Manek paken. Boema balias Ama Manek ndalan-na nenik nusak-ka dedeon-nala.

ESTER 5:11

Boema, Haman tui fes tutui me'i-afek, ma ana koao nenik su'i-beten, ana toun makadotok, ana hapu nangatutuu madema neme manek-ka mai, ma ndia nangatutuun-na, dema lena hataholi mana'a ngga'di fe'ek-kala.

AMSAL 30:13

Hapu hataholi nggelok, lame'da aoinan-na, malole nanseli – malolen-na seli!

ESTER 6:5

Boema malalau-maoono sila-la lataa manek-ka lae, “Haman nai uma manek-ka, de ana nau natongon-no Ama Manek.” Boema manek-ka nae, “Madenun leo dalek mai.”

ESTER 1:15

Boema, manek-ka nafa'da hataholi ka hituk sila-la nae, “Au adenu au malalau-maoonong leu laloo Ina manek Wasti-a, fo ana mai nataa au. Tehu, ana ta nau mai fa. Tunga hoholo-lalanek-ka soona, ita muse ho'i nakeketu leo beek soaneun?”

LUKAS 14:9

boema uma lamatuak fo manaka'i basa emi dua ndia, ana mai fo nafa'da emi no nakasetik nae, ‘Boso mamanasa, te mamanak ndia nanasadia basak soaneu fui ndia so.’ Soona no mamaek nanseli, ma no nakasetik o muse lali leo mamana mate'ek manai dea.