ESTER 5:14 - Susula Malalaok Hehelu Palak Ma Hehelu Beuk

¹⁴ Lamanene dede'ak ndia boema, saoinan-na ma nonoon-nala lafa'dan lae leo ia, “Ka'da madenu ala tao-la dii lolonak esa, deman-na metel duahulu dua. Boema balahaa fafaik soona, moke manek-ka, fo ana po'i o lona Mordekhai neu dii ndia. No enok ndia, o hapu muu leo feta ndia, no o dalem-ma tesa-tama.” Tunga Haman hahapun-na soona, nonokek ndia malole nanseli, hu ndia de, no lai-laik nadenu hataholi-la, fo ala tao dii lolonak ndia.

ESTER 5:14 Referans Kwoze

ESTER 6:4

Boema manek-ka nae, “Au hataholi mana'a ngga'ding see kande, besak ia nai uma manek-ka?” Ndia te, la'e Haman besak-ka masok-nala uma manek-ka so'dan-na; ana sanga noke manek-ka fen loak, fo ana lona Mordekhai, neu dii lolonak fo nananapadedeik basak ndia so.

MAZMUR 37:32

Hataholi mangalauk-ka, ana maku hataholi malole-a, fo ana sanga fai loak soaneu taonisan.

MAZMUR 37:14

Hataholi mangalauk-ka, ana fe'a tafainan-na, ma ana kou kou-kou isin-na, fo ana taonisa hataholi nuu ta-hata tak-ka, ma manadoi-dosok-ka, fo ana do'do-pau hataholi fo, so'dan-na malole.

1RAJA-RAJA 21:7

Izebel nataa nae, “O nde manek nai Israel! Besak ia fo'a fo mu'a leona. Mamahoko leona, nana neukose au fe Nabot osi angol ndia neu o!”

NINITAK 11:10

Laun manai daebafa ka, neukose lamahoko sakasii kaduak sila la mamate na. Neukose ala tao feta, ma esa haitua fe esa palsen, nana nabi kaduak sila la lini doidoso ba'u fe hataholi daebafa ka so.

ROMA 3:15

Ala la'ok lai-lai metema ala sanga fepa-li'u ma taolisa hataholi.

ROMA 1:32

Ala bubuluk basa, metema tunga Manetualain hoholo-lalanen soona, hataholi manatao tunga nana, muse hukunisan. Leomae leondia boe, ala tao lakandoo; lena-lenak bai, lakatutuluk hataholi la fo ala tao tatao-nono'i mangalauk.

AMSAL 4:16

Hataholi managalauk-ka, ana ta hapu sungu fa, metema ana beita tao tatao-nono'i ta malole fa. Ala beita tekauk fa, metema ala beita tao soe hataholi fe'ek fa.

AMSAL 1:18

tehu hataholi mangalauk sila-la, lakahihi'ik seluk aoinan-nala – hihi'ik-ka nde, neukose tao namopo-namates-sala.

MAZMUR 9:15

fo ela au koa-kio O nai laun Yerusalem-ma matan. Neukose au eeki-latadale nanahu O soi-tefa-mala au.

1RAJA-RAJA 21:25

Beita hapu hataholi fo nakikisak dalen-na ana tao nita tatao-nono'i mangalauk nai Manetualain mata memeten-na, sama leo hata fo Ahab tao-no'i nana fa. Ana tao basa tatao-nono'i mangalauk sila-la no saoinan Izebel fufu'di-oo'don-na.

2 SEMUEL 16:21

Boema, Ahitofel nataa nae, “Muu leo Tuan aman sao makahatun fo ana la'oelas lanea uma manek-ka muu, fo sungu moos. Basa laun Israel-la lala'en-na, neukose ala bubuluk, lae no Tuan tatao-nono'in ndia de, Tuan aman tao Tuan da'di musu so. Soona, basa hataholi manatunga Tuan-na, neukose boetai lapalani.”