ESTER 4:8 - Susula Malalaok Hehelu Palak Ma Hehelu Beuk

⁸ Mordekhai boeo, ana fe Hatah, manek-ka susulan fo ana kalua basan neme Susan-na, fo isin-na, paleta soaneu tao namopo-namate hataholi Yahudi-la. Nadenu Hatah, fo ana fe susulak ndia leo Ester neu, ma nafa'da mangalele'don dede'ak ndia, boeo noke, fo ela Ester neu leo manek-ka neu, fo ana dokodoe manek-ka susue-lalain, ba'eneu Ester leoinan-na

ESTER 4:8 Referans Kwoze

PENGKHOTBAH 10:4

Metema manakoasa namanasa o soona, boso moke hahae ue-le'dis. Leomae o salam-ma ba'un-na seli boe, metema o dalem-ma tesa-tama ma ta haelai mamanasa fa soona, o hapu ampon.

AYUB 9:15

Leomae au salang ta, tehu, au ta bole se'i fan, ka'da au dokodoe, susue-lalaik neme Manetualain, fo au manakee-manafulang-nga?

ESTER 2:20

Ester beita nafa'da nae ndia hataholi Yahudi boen, nana Mordekhai kena-ka'in. Ester tunga Mordekhai paletan-na, sama leo lelek bei anan-na, tolanoo daen ndia nakaboboi nana.

1 TIMOTIUS 6:17

Ba'eneu hataholi kamasu'ik manai daebafak ia la, ela leo been-na, mafa'das fo ala boso koao ma boso lamahena neu hata-heto mana sapu-lalok sama leo su'i-bete sa. Sila muse lamahena neu ka'da Manetualain fo mana po'a-ngganga basa hata lala'ena fe ita, fo ta'a pake.

1 TIMOTIUS 6:13

Ma besak ia, nai Manetualain fo mana fe hahae maso'da ka neu basa hata lala'ena matan, ma nai Kristus Yesus fo mana mafa'da ndoos neme Pontius Pilatus mata na, au oke dede'ak esa nde ia neme o mai:

HATAHOLI 12:20

Ndia te, Herodes namanasa mangalalau hataholi Tirus-sala ma hataholi Sidon nala. Hu ndia de, hataholi sila la basa-basas mai de lasale lan. Makasososa na ala fufu'di Blastus, fo ndia malangan nai Herodes uma mane na, de nalosa Blastus no kasa. Basa ndia boema leu leo Herodes leu fo loke dame, nana hataholi sila la nusa na, lamahena hapu nana'ak neme Herodes nusa na mai.

AMSAL 21:1

Sama leo Manetualain ito-ato lee oen-na, fo ela ana faa tunga dale hihiin-na, leondiak boe, Ana hela-nole manek-ka dudu'a-aafin

ESTER 8:6

Da'di, tao leo bee fo, atam-ma bole mete, ala do'do lisa la'iesak atam-ma leoinan-na, ma tolanoo ka'a-fa'ding-ngala?”

ESTER 4:9

Boema Hatah neu leo Ester neu, de nafa'dan Mordekhai hala hehelun-na.

MAZMUR 122:6

Hule-haladoi leon, ba'eneu Yerusalem tetu-teman mae: “Ela leo bee-na, basa hataholi fo manasue-lai o-a, ala hapu tetu-temak.