ESTER 4:1 - Susula Malalaok Hehelu Palak Ma Hehelu Beuk

¹ Lelek Mordekhai namanene hata fo ana da'di so, boema ana sii nakalulutuk bua papaken-na, de ana pake lafa lapik, fo da'di neu ta'du-tana dale he'dik. Ana nggali afu leo langan lain neu, boema ana la'ok nai kota dale, ma ana kii dola-dola mesan, no dale he'dik.

ESTER 4:1 Referans Kwoze

DANIAL 9:3

Boema au hule-haladoi no te'e-te'ek neu Manetualain, ma au dokodoe susue-lalain. Au okaaong-nga boe, ma pake si'di kalong de au angatuuk nai afu dale.

AYUB 42:6

Hu ndia de, au afandele basa au hala-kokolang lalaena soona, au mae, ma no nasasale dalek, au angatuuk nai dae sopuk ma afu dale.”

2 SEMUEL 13:19

Boema, Tamar tao afu neu langan lain, ana siiba'e ba'du manalun-na, de ana la'o no ana ko'o ketu mata-panan nenik liman duas, ma ana kii noi-noi.

2 SEMUEL 1:11

Dauk namanene boema, ana siba'e bua papaken-na, nanahu dalen-na he'dis-sa, ma solda'dun-nala boeo ala tao leondiak.

AYUB 2:8

Boema, Ayub neu nangatuuk nau afu tala'da, de ana ho'i falee fangik, de ana kakalo nenik aon-na.

HATAHOLI 14:14

Lelek fo Barnabas no Paulus bubuluk hataholi sila la sanga tao beek ndia boema, duas sisii-lulu'i bua papake nala, de lalai leo hataholi makadotok sila la tala'da leu ma ala nggasi lae,

MATEOS 11:21

“Soe ba'eneu kota Korasi no hataholi nala! Ma soe ba'eneu kota Betsaida no hataholi nala boe. Leo uni ka, manda'di beuk fo nanataok neme emi tala'da ndia, nanatao basak neme Tirus no Sidon soona, tao leo bee o hataholi manai naa la, ala tuka tei-sale dale basa doo ka leme sala-singo nala mai so, ma ala pake bua papake fafaluk, boema ala tao afu neu langa nala lain.

ZEFANYA 1:14

Manetualain fai naketu-nala'din deka so, hei, ana deka nanseli so, nakalenak, ana losa no lai-laik. Faik ndia, henuk no dale he'dik-ka, nalosa solda'du palani ta'tibatu-la boeo ala nggasi beau nanahu ketu namahehenan-nala!

MIKHA 1:8

Hu ndia de Au, Mikha, daleng-nga he'dis-sa, ma haladoi. Neukose au la'ok no makaholak ma ta pake ta'bueis fa, soaneu atu'du ae, au daleng-nga he'dis-sa nanseli. Neukose au nggo sama leo busa fui-a, ma dola sama leo manupui onta.

YESKIAL 21:6

Hai hataholi daebafak fo, manasapu-manalalok-konei, makadii-makau ma mahoo nai hataholi Israel-la matan, nono'kabai o dalem-ma he'dis-sa, ma ketu o namahehenam-ma.

YESAYA 58:5

Metema emi okaaom-ma soona, emi fepa-li'u emi aoinam-ma; emi makatele emi langam-ma, sama leo na'u-a doon-na. Emi bela si'di lafa lapik, fo emi nggali afu leo lain neu, fo emi mangape'uk meu lain. Soona, emi mafa'da mae, okaaok-ka nde ndia do? Emi maedaenga, Au amahoko unik emi tatao-nono'im ndia do?

YESAYA 22:4

Boso taoafik neu au; nemen-na fo au kii-makaleleu, au leoinang manamate basak-kala so. Boso so'ba kokoe-nanasi au.

YESAYA 15:4

Hataholi Hesybon ma Eleale-la, ala nggasi beau, de halan-nala nananamanenek losa nai Yahas. Nakalenak, basa solda'du-la dele bee-too; mopo palanin-nala so.

AYUB 1:20

Boema, Ayub fo'a napadeik, de ana sii-sii lulu'i bua papaken-na ma ana nggeu polik langan-na, da'di ta'du-tana dale-he'dik. Basa boema ana senek,

ESTER 4:3

Nai basa propensi lala'en-na boeo, hataholi Yahudi-la kii makaleleu, nai lelek ala po'a-benga manek-ka paletan-na. Ala okaaon-nala, ala kii ma lahoo, ma sila ba'uk-ka pake lafa lapik, de langape'uk lai afu lain.

YOSUA 7:6

Yosua ma basa hataholi Israel-la, mauli-malangan-nala, dalen-nala he'dis nanseli, nalosa ala sisii-lulu'i bua-lo'an, de lele'dok esa dalen-na, losa le'odae, ala sene-do'ok nai Manetualain Peti Hehelu-balataan matan-na, ma ala tao afu neu langan-nala lain, fo da'di leo ta'du-tana dale he'dik.

KEJADIAN 27:34

Esau namanene dede'ak ndia boema, ana kii napane'e, ma dalen-na he'dis nanseli, boema nae, “Ba'e-pala au boe, Ama!”

NINITAK 11:3

Neukose Au adenu Au sakasiing dua fo ala pake bua-lo'a fafaluk. Neukose ala po'a-benga Manetualain hala na faik lifun esa natun dua nehulu.”

ESTER 4:2

Ana losa uma manek-ka, lelesu inan-na boema nate'e, nana ala ta nau hataholi manapake lafa lapik leo dalek neu.

KEJADIAN 37:34

Yakob siiba'e bua-lo'an nanahu dalen-na he'di sa ma ana pake bua-lo'a manafaluk. Ana kii-makaleleu anan ndia fai-faik.

YESAYA 37:1

Nai lelek Manek Hizkia namanene hataholi ka teluk sila-la, hala nafa'dan-na boema, ana sii heni bua papaken-na, de ana pake si'di lafa lapik, da'di neu ta'du-tana dale he'dik, boema neu leo Manetualain Uman neu.

YESAYA 37:2

Basa boema, nadenu Elyakim, fo uma manek-ka malangan-na, Seba, fo nusaina hataholi manasulak susulan-na, ma basa imam fo, lanuu nangatutuuk nai manapaleta dalek, fo leu latongo lo Nabi Yesaya, fo Amos anan-na. Sila boeo pake si'di lafa lapik.

YESKIAL 21:11

Fofola tafaina ndia, fo ela nanapakek tataas esa, boema fen leo hataholi kanisak esa neu.