ESTER 3:15 - Susula Malalaok Hehelu Palak Ma Hehelu Beuk

¹⁵ Ladenu basa hataholi-la, no lai-laik ala la'o, fo leni susulak sila-la, leo basa propensi manai nusak-ka lala'en-na. No manek-ka hala nadenun-na, de ala po'a-benga paleta ndia nai Susan, fo Persia nusan-na, polon-na boe. Basa ndia boema, manek-ka no Haman benau ma linu angol, tehu kota Susan-na lakadii-lakau, nanahu halak ndia.

ESTER 3:15 Referans Kwoze

ESTER 8:15

Basa ndia boema, Mordekhai kalua la'oela uma manek-ka, no ana pake papake matua-madema momo'dok, ma fulak, ba'du manalu pilabalanggeok-ka neme tema abalutu-a mai, ma bulamolik lilopilas-sa, mana'ahiik nanseli. Kota Susan-na eeki-latadale, nanahu lamahoko lanseli.

YOHANIS 16:20

Mamahele leona, te neukose emi kii-makaleleu, tehu neukose daebafa ka namahoko-setelee. Neukose emi dale ma he'di sa, tehu emi dale he'dim ndia, nasafali da'di namahoko-seteleek.

NINITAK 11:10

Laun manai daebafa ka, neukose lamahoko sakasii kaduak sila la mamate na. Neukose ala tao feta, ma esa haitua fe esa palsen, nana nabi kaduak sila la lini doidoso ba'u fe hataholi daebafa ka so.

AMOS 6:6

Emi minu angol soona, emi di'a mahenu nggalas-sa, ma emi pake mina kabomni neulauk, tehu emi dalem-ma ta he'dis neu Israel nakalulutun-na fa.

HOSEA 7:5

Nai faik manek-ka fetan-na, ala fe manek-ka no manapaletan-nala linu angol losa ala mafuk, de ala tao tatao-nono'i nggoak. Mate'en-na manek-ka namahoko-setelee no basa hataholi manadea-dalek sila-la.

AMSAL 29:2

Metema, hataholi ndoos ma matetuk-ka, ana paleta soona, laun-na namahoko-setelee. Tehu metema, hataholi mangalauk-ka, ana koasa soona, laun-na doi-doso.

AMSAL 4:16

Hataholi managalauk-ka, ana ta hapu sungu fa, metema ana beita tao tatao-nono'i ta malole fa. Ala beita tekauk fa, metema ala beita tao soe hataholi fe'ek fa.

AMSAL 1:16

Metema ala beita tao tatao-nono'i mangalauk fa soona, ala ta sungu-la matan-nala fa. Dalen-nala lahiik, no lai-laik lanisa.

ESTER 4:16

“Maloo makabubua basa hataholi Yahudi manai Susan-nala, fo hule-haladoi fe au. Boso mi'a-minu lele'dok 3, ma le'odaek 3. Au boe, ma anafe'oana malalau-maoono au-a, neukose ami okaaom-mala boe. Basa ndia soona, neukose au u leo manek-ka u, leomae dede'ak ndia, la'o lenak esa, soaneu susula nakeketuk-ka. Metema au muse mate, hu kande dede'ak ndia boe, soona nemen-na fo au mate!”

1RAJA-RAJA 14:27

Boema da'dileo ngganggati nala, de Mane Rehabeam-ma tao bua sisili musu neme liti mai, de ana fen neu basa malanga solda'du matuaina fo manamanea manek-ka uma manen-na, lelesuinan-na.

KEJADIAN 37:25

Lelek ala bei la'a-linu te, no kaiboik lita hataholi Ismael bubuak esa sa'e onta bei lai leleo-lala'on-na la dalek leme Gilead leo Masir leu. Sila onta nala fua bumbu-bumbu, balsam ma luu-luu.

ESTER 1:10

Neu fai ka hitun-na boema, manek-ka ninu, losa namahoko nanseli. Hu ndia de, naloo-na, malalau-maoono heheli ka 7-nala; malalau-maoono sila nde: Mehuman, Bizta, Harbona, Bigta, Abagta, Zetar, ma Karkas.

MAZMUR 37:7

Mahani Manetualain no dalek fo manatesa-tamak-ka, mahani no, boso haelai mamanasa, losa Ana tao hata esa. O dalem-ma boso ba'ihana, soaneu hataholi fo ana hapu dai nai so'dan-na dalek, do hataholi manake'di-ndiuk-ka.

AMSAL 31:4

Mafandendelek, Lemuel! Ba'eneu manakoasa, ta nandaa ninu angol, ma nininu ala-lalu boe.